İnam Kərimov — Vikipediya

İnam Kərimov
Azərbaycan Respublikası Ali Məhkəməsinin sədri
Vəzifədədir
4 aprel 2023-cü ildən
Əvvəlki	Ramiz Rzayev
Azərbaycan Respublikası Ali Məhkəməsinin hakimi
Vəzifədədir
4 aprel 2023-cü ildən
Azərbaycan Respublikasının kənd təsərrüfatı naziri
21 aprel 2018 – 4 aprel 2023
Prezident	İlham Əliyev
Əvvəlki	Heydər Əsədov
Sonrakı	Məcnun Məmmədov
Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri
7 sentyabr 2012 – 21 aprel 2018
Prezident	İlham Əliyev
Əvvəlki	Vəzifə təsis edildi.
Sonrakı	Ülvi Mehdiyev
Şəxsi məlumatlar
Doğum tarixi	6 iyun 1977(1977-06-06) (46 yaş)
Doğum yeri	Bakı, Azərbaycan SSR, SSRİ
Təhsili	Bakı Dövlət Universiteti Strasburq Universiteti Paris Universiteti
Fəaliyyəti	məmur, siyasətçi
Elmi fəaliyyəti
Elmi dərəcəsi	hüquq doktoru[d]
Vikianbarda əlaqəli mediafayllar

İnam İmdad oğlu Kərimov (6 iyun 1977, Bakı) — Azərbaycan Respublikası Ali Məhkəməsinin sədri və hakimi (2023-cü ildən), Məhkəmə-Hüquq Şurasının sədri (24.06.2023—h.h.), A. R. sabiq kənd təsərrüfatı naziri (2018–2023), Vətəndaşlara Xidmət və Sosial İnnovasiyalar üzrə Dövlət Agentliyinin birinci sədri (2012–2018)

Həyatı[redaktə | mənbəni redaktə et]

1977-ci il iyunun 6-da Bakı şəhərində anadan olub. 1984-cü ildən 1994-cü ilə qədər S. C. Pişəvəri adına Humanitar fənlər Gimnaziyasında təhsil alıb.

1994–1995-ci illərdə Amerika Birləşmiş Ştatların İndiana ştatında yerləşən Riçmond Orta məktəbində təhsilini davam etdirib.

1995-ci ildə Bakı Dövlət Universitetinin beynəlxalq hüquq fakültəsinə qəbul olub.

1998-ci ildən 2000-ci ilə qədər Fransanın Strasburq Universitetində hüquq ixtisası üzə bakalavr təhsili alıb.

2000–2002-ci illərdə isə Sorbonna Universitetində hüquq ixtisası üzrə magistr təhsili alıb.

2013-cü ildə Sorbonna Universitetində hüquq elmləri doktoru (docteur en droit) elmi dərəcəsi alıb.

İngilis, fransız, rus və fars dillərini bilir.

Ailəsi[redaktə | mənbəni redaktə et]

Ailəlidir, 2 övladı var. Azərbaycan Respublikası Elm və Təhsil Nazirliyinin Aparat rəhbəri Mətin Kərimlinin qardaşıdır.

Fəaliyyəti[redaktə | mənbəni redaktə et]

2002-ci ildən 2004-cü ilədək Azərbaycan Prezidentinin Administrasiyasında məsləhətçi, 2004–2012-ci illərdə isə baş məsləhətçi vəzifələrində çalışıb.

2005–2012-ci illərdə Azərbaycanın Korrupsiyaya qarşı mübarizə üzrə Komisiyyasının katibi və Avropa Şurasının Korrupsiyaya qarşı Dövlətlər Qrupunda (GRECO) Azərbaycanın nümayəndə heyətinin rəhbəri olub.

Azərbaycan Respublikasının Prezidenti İlham Əliyevin 7 sentyabr 2012-ci il tarixli 2426 nömrəli Sərəncamı ilə İnam Kərimov Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri vəzifəsinə təyin edilib.^[1]

Azərbaycan Respublikasının Prezidenti İlham Əliyevin 21 aprel 2018-ci il tarixli 9 nömrəli Sərəncamı ilə İnam Kərimov Azərbaycanın Kənd təsərrüfatı naziri vəzifəsinə təyin edilib.^[2]

İstinadlar[redaktə | mənbəni redaktə et]