Əli Hüseynli — Vikipediya

Əli Hüseynli
Əli Hüseynli
Azərbaycan Respublikası Milli Məclisinin Sədrinin 1-ci müavini
Sədr	Korrupsiya ilə Mübarizə Parlamentarilərin Qlobal Təşkilatının Azərbaycan Bölməsi ° Azərbaycan Respublikası Milli Məclisi və Rusiya Federasiyası Federal Məclisi parlamentlərarası əməkdaşlıq komissiyası
Şəxsi məlumatlar
Doğum tarixi	8 oktyabr 1968 (55 yaş)
Doğum yeri	Bakı, Azərbaycan SSR, SSRİ;
Partiya	Yeni Azərbaycan Partiyası
Təhsili	Bakı Dövlət Universiteti
İxtisası	Hüquq
Fəaliyyəti	siyasətçi
Uşağı	2
Təltifləri
	Vikianbarda əlaqəli mediafayllar

Əli Məhəmməd oğlu Hüseynli (8 oktyabr 1968, Bakı) — Milli məclisin deputatı Milli Məclis sədrinin 1-ci müavini^[1], Milli Məclisin Hüquq Siyasəti və Dövlət Quruculuğu Komitəsinin sədri^[2] Hüquq elmləri namizdədi.

Həyatı[redaktə | mənbəni redaktə et]

Əli Hüseynli 1968-ci ildə Bakı şəhərində anadan olmuşdur. 1985-ci ildə Bakı şəhəri, Binəqədi rayonu 135 saylı orta məktəbi bitirmişdir.
1985–1986-cı illərdə Rusiyanın Kalinin vilayəti "Kalininselstroy" tikinti idarəsində fəhlə işləmişdir.
1987-ci ildə Kalinin Dövlət Universitetinin hüquq fakültəsinə daxil olmuşdur.
1988–1989-cu illərdə hərbi xidmətdə olmuşdur.
1993-cü ildə Bakı Dövlət Universitetinin hüquq fakültəsini bitirmişdir.
1991–1995-ci illərdə Azərbaycan Respublikası Ali Məhkəməsində, 1995–1996-cı illərdə Azərbaycan Respublikası Prezidentinin İcra Aparatında, 1996–2000-ci illərdə isə Azərbaycan Respublikasının Milli Məclisində müxtəlif vəzifələrdə çalışmışdır.
Hal-hazırda Azərbaycan Respublikası Milli Məclisi Sədrinin birinci müavini, Milli Məclisin Hüquq siyasəti və dövlət quruculuğu Komitəsinin sədridir.^[3]
Azərbaycan Respublikası Məhkəmə Hüquq Şurasının üzvü olub.
Azərbaycan Respublikasının Korrupsiyaya qarşı mübarizə üzrə Komissiyasının üzvüdür.^[4]