Brilliant Dadaşova — Vikipediya

Brilliant Dadaşova
Ümumi məlumatlar
Doğum tarixi 15 sentyabr 1965(1965-09-15)[1] (58 yaş) və ya 15 sentyabr 1959(1959-09-15)[2][3] (64 yaş)
Doğum yeri
Vətəndaşlığı
Musiqiçi məlumatları
Fəaliyyəti müğənni, pianoçu, aparıcı
Fəaliyyət illəri 1983-cü ildən
Janrlar pop musiqisi, estrada[d]
Musiqi alətləri piano
Təhsili Azərbaycan Dövlət Mədəniyyət və İncəsənət Universiteti
Boyu 1.64 sm[4]
Mükafatları "Azərbaycan Respublikasının xalq artisti" fəxri adı — 2008 "Azərbaycan Respublikasının əməkdar artisti" fəxri adı — 1998
brilliantdadashova.com
Vikianbarın loqosu Vikianbarda əlaqəli mediafayllar

Brilliant Süleyman qızı Dadaşova (15 sentyabr 1965[1] və ya 15 sentyabr 1959[2][3], Bakı) — Azərbaycan müğənnisi, Azərbaycan Respublikasının əməkdar artisti (1998)[5]; Azərbaycan Respublikasının xalq artisti (2008)[6].

Həyatı[redaktə | mənbəni redaktə et]

Brilliant Dadaşova 15 sentyabr 1965-ci ildə (bəzi mənbələrə görə 1959-cu ildə[7][8][9]) Bakı şəhərində anadan olub.

Brilliant Dadaşovanın musiqi karyerası 1983-cü ildə Eldar Mansurovun mahnıları ilə başlandı. 1985-ci ildə Brilliant Dadaşova Moskvada keçirilən Ümumdünya Gənclər Festivalında ilk dəfə böyük səhnəyə gəldi.

1986-cı ildə Brilliant Dadaşova və Akif İslamzadə "Hər şey gözəldir həyatda" adlı mahnını yazdırırlar və bu mahnı Azərbaycanda çox məşhur olur. Həmin ildə Dadaşovanın eyni adlı musiqi albomu çıxır.

1987-ci ildə o, sovet ifaçıları arasında keçirilən müsabiqədə birinci yerə nail ola bildi.

1988-ci ildə Topxana meşəsindəki hadisələrdən sonra müğənni "Haydı, ər igidlər" mahnısını ifa etdiyinə görə ciddi töhmət alır.

1989-cu ildə Brilliant Dadaşovanın çox məşhur "Bayatılar" adlı mahnısı işıq üzü görür. Qısa müddətdə xitə çevrilən "Bayatılar" mahnınısı Brilliantdan sonra Sezen Aksu, Edvvard Maya, Keti Garbi, Reno, Levent Yüksel, Monika Salmaso, "Brazilian girls", "N Dubz", DJ Brizi və Eusebio Belli və başqa dünya ulduzları tərəfindən yüzlərlə verisyada ifa olunmuşdur.

1990-cı ildə müğənninin mövcud Sovet rejimin əleyhinə oxuduğu "Heykəllər" mahnısına görə yenidən qadağalara məruz qalır. Elə həmin illərdə o Azərbaycan Dövlət Mədəniyyət və İncəsənət Universitetinin "musiqili teatr aktyoru" fakültəsini bitirir. Həmin ildə də Türkiyəyə ilk dəvət alan müğənni TRT kanalının "Avrasiya konseri" çəkimlərində iştirak edir.

1991-ci ildə Brilliant Dadaşova Yaşıl Teatrda ilk solo konsert proqramı ilə çıxış edir. 1993-cü ildə dövlət televiziyasında "Bu axşam" proqramının aparıcılığını etməklə Azərbaycanda ilk aparıcı müğənni olur. Həmin il müğənninin "Azərbaycanın səsi" adlı ilk albomu işıq üzü görür. 1994-cü ildən müğənni indiki Heydər Əliyev adına Sarayda ilk böyük solo konsert proqramı ilə çıxış edir.

Brilliant Dadaşova Azərbaycanı İsveç, Avstriya, Almaniya, Böyük Britaniya, Amerika Birləşmiş Ştatları və digər dövlətlərdə uğurla təmsil etməyə başladı. Sovet İttifaqı dağıldıqdan sonra Rusiyada solo konserti ilə çıxış edən ilk Azərbaycan müğənnisi məhz Brilliant Dadaşova oldu. O, Rusiyanın ən iri iki şəhərində — Moskvada və Sankt-Peterburqda çıxış etdi.

Brilliant Dadaşovanın 1994-cü ildə "Sevəcəyəm" adlı musiqi albomu çıxır. Bu disk həm Azərbaycanda, həm də Türkiyədə çox uğurlu olur.

1995-ci ildə "Züleyxa" mahnısına çəkilmiş videoklip Rusiya kanalında nümayiş etdirilməyə başladı və kanalın qızıl onluğunda uzun müddət ərzində ön cərgələrdə sabit qaldı. Həmin o ildə, müğənninin "Züleyxa" adlı diski çıxır.

1998-ci ildə "Dərdimdən öləcəksən" adlı disk çıxır.

1997-ci ildə Brilliant Dadaşovaya Azərbaycanın əməkdar artisti adı verildi. Həmin ildə o, bir sıra Azərbaycan müğənnisi və Norveçin SKRUK ansamblı ilə birlikdə "Landet vi kommer fra" Azərbaycan-Norveç layihəsində iştirak edirdi.

1999-cu ildə müğənninin Türkiyədə "Seyduna Türküləri" adlı ikinci diski işıq üzü görür. Daha sıx-sıx Türkiyə telekanallarında görünən müğənni ard-arda Memedeli Arbil, Seda Sayan, Beyaz, Esra Ceyhan, Metin Şentürk kimi tanınmış aparıcıların proqramlarında qonaq olur. Həmin illərdə müğənnini oğluna həsr etdiyi "Maç-maç, quc-quc" mahnısı Türk bəstəkarı və müğənnisi Oqtay Raqa tərəfindən oğurlanır və Turkcellin reklam kompaniyasında istifadə olunmağa başlayır. Müəllif hüquqlarının qorunması üçün məhkəməyə müraciət edən Briliant Dadaşovanın müəllifliyini tanıyan Türkcell şirkəti onunla 5 illik müqavilə imzalayır.

Brilliant Dadaşova 1999-cu il bələdiyyə seçkilərində qalib gələrək Bakı şəhəri Səbail bələdiyyəsinə üzv seçilmişdir.[10]

2000-ci ildən 2005-ci ilədək o, Azərbaycanın Space TV kanalında "Gözəllik dünyanı xilas edəcək" adlı veriliş aparırdı. Hazırda müğənni musiqi istedadı olan gənclərə karyera qurmaqda yardımçı olan "Akademiya" layihəsində iştirak edir.

2008-ci ildə isə müğənni "Lider" televiziyasında "Mən sənətkaram", 2012-ci ildə Türkiyənin TMB kanalında "Pirlantalı Gecələr" proqramının aparıcısı olur. 2009-cu ildə Türkiyədə ona novbəti uğur gətirən "Masal dünyam" adlı albomu işıq üzü görür. 2012-ci ildə balaban ustası Əlixan Səmədovla birgə "Çıx Yaşıl Düzə" mahnısını yeni versiyada ifa edir və mahnıya çəkilən klip Türkiyə telekanallarında böyük uğurla yayımlanır. 2013-cü ilin may ayında müğənni 13 il fasilədən sonra Azərbaycanda yenidən solo konsert proqramı ilə çıxış edir.

2008-ci ildə Brilliant Dadaşova Azərbaycanın Xalq artisti fəxri adına layıq görülür.

2021-ci ildə Adriano Celentano ilə birgə Per Sempre mahnısı yayımlanır.

Həm Azərbaycan, həm də Türkiyə vətəndaşıdır.

Ailəsi[redaktə | mənbəni redaktə et]

Brilliant Dadaşovanın anası avtomobil qəzasında həlak olmuş məşhur Azərbaycan qarmon ifaçısı Qızxanım Dadaşovadır. Lalə, Sədaqət, İradə adlı üç bacısı var.

Həyat yoldaşı Səməd Vurğun adına Azərbaycan Dövlət Rus Dram Teatrının direktoru, Əməkdar mədəniyyət işçisi Ədalət Hacıyevdir, bir oğlu var.

Azərbaycanın görkəmli teatr və kino aktyoru, Xalq artisti Rəfael Dadaşovun əmisi qızıdır.

Albomları[redaktə | mənbəni redaktə et]

Tarix Ad
1994 Sevəcəyəm...(Cavanşir Quliyevin mahnıları)
1997 Brilliant Dadaşova, İlqar Muradov, SKRUK – Azerbaycan Şarkıları
2001 Eldar Mansurovun Mahnıları
2002 Səninləyəm
2003 Qəm Eyləmə
2003 Dönməz Daha Gedən Qatar
2008 Masal Dünyam
2015 Menim Dünyam (feat. Alihan Samedov)

Klipləri[redaktə | mənbəni redaktə et]

Say Ad Tarix
01 Züleyxa 1994
02 Seveceğim 1998
03 Azərbaycanım, Oy 1999
04 Oh Dedim, Ah Dedim 1999
05 Самолёт 1999
06 Dərdimdən Öləcəksən 1999
07 Gözlərin Deyir Ki, Sevirsən 1999
08 Ayrılıq Yağışı 2000
09 Aytən 2001
10 Falçı 2002
11 Səninləyəm 2002
12 Yalnız Səninəm 2002
13 Mən Səni Sevirəm ft. Anar Nağılbaz 2002
14 Gecələr ft. Anar Nağılbaz 2003
15 Maç-Maç Kuç-Kuç 2003
16 Yalan Dünya 2004
17 Güllərim 2004
18 Vokaliz 2004
19 Əgər Məni Unutsan 2005
20 Bir Sözünlə Dönərəm 2005
21 Ata
22 Azərbaycan 2007
23 Yağış 2007
24 Aman (1) 2008
25 Aman (2) 2008
26 Gecə Yaman Uzundur 2008
27 Aklım Sende Kaldı 2008
28 Ata ft. Uşaq Xor Kapellası 2010
29 Dalğalar 2011
30 Əlvida
31 Çık Yeşil Düze ft. Alihan Samedov 2012
32 Apar Məni 2012
33 Səndən Ayrı 2014
34 Asiyanın Ariyası 2015
35 Məni Axtar Darıxanda ft. Rəsul Əfəndiyev 2018
36 Tet-A-Tet 2019
37 Para Para 2019
38 Şükür Ola 2019
39 Bu Gala Daşlı Gala 2020
40 Əsgər Marşı ft. Tünzalə Ağayeva, Sevda Ələkbərzadə 2020
41 Bir Dəfə Yaşayırıq ft. Akif İslamzadə 2021
42 Zəfər Mahnısı ft. Zamiq, Tünzalə, Elçin, Alim, Samir 2021
43 Təşəkkür ft. Murad Arif 2022
44 Nə Əcəb 2023

Filmoqrafiya[redaktə | mənbəni redaktə et]

İstinadlar[redaktə | mənbəni redaktə et]

  1. ↑ 1 2 https://web.archive.org/web/20151011035818/http://brilliantdadashova.com/.
  2. ↑ 1 2 23 saylı Nəsimi-Səbail Seçki Dairəsi üzrə seçicilərin siyahısı (azərbaycanca).
  3. ↑ 1 2 Brilliant Dadaşovanın 56 yaşı oldu.
  4. ↑ "Azərbaycan müğənnilərinin boy və çəkiləri "nəhs" reytinqdə (FOTO)". 2023-08-20 tarixində arxivləşdirilib. İstifadə tarixi: 2023-08-20.
  5. ↑ ""Əməkdar artist" fəxri adının verilməsi haqqında" Azərbaycan Respublikası Prezidentinin 24 may 1998-ci il tarixli, 711 nömrəli Fərmanı Arxivləşdirilib 24 mart 2023 at the Wayback Machine  (az.)
  6. ↑ "Azərbaycan Respublikasının mədəniyyət xadimlərinə fəxri adların verilməsi haqqında" Azərbaycan Respublikası Prezidentinin 17 sentyabr 2008-ci il tarixli, 3045 nömrəli Sərəncamı Arxivləşdirilib 2021-11-13 at the Wayback Machine  (az.)
  7. ↑ Бриллиант Дадашева подтверждает свое турецкое гражданство Arxivləşdirilib 2013-02-15 at Archive.today. Arxivləşdirilib.
  8. ↑ Brilliant Dadaşova bu gün 50 yaşını qeyd edir [ölü keçid]
  9. ↑ "Faiq Ağayev Brilliant Dadaşovanın əsl yaşını AÇIQLADI — ÇAŞBAŞ QALACAQSINIZ". 2021-12-26 tarixində arxivləşdirilib. İstifadə tarixi: 2020-11-05.
  10. ↑ "Sabiq bələdiyyə üzvü olan Brilliant Dadaşova vergi ödəməyib: Bələdiyyədən Xalq artistinə cavab gəldi". Belediyye.info (az.). İstifadə tarixi: 2024-01-21.

http://azteatr.musigi-dunya.az/file.pl?id=142&lang=az

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Brilliant_Dadaşova&oldid=7437569"