Düsseldorf — Vikipediya

Düsseldorf
Düsseldorf
Bayraq Gerb[d]
Bayraq Gerb[d]
51°13′52″ şm. e. 6°46′20″ ş. u.
Ölkə
Tarixi və coğrafiyası
İlk məlumat 1135
Sahəsi
  • 217,41 km² (2016)[2]
Mərkəzin hündürlüyü 38 ± 1 m
Əhalisi
Əhalisi
  • 629.047 nəf. (31 dekabr 2022)[3]
Rəsmi dili
Rəqəmsal identifikatorlar
Telefon kodu 02104, 0211, 0203
Poçt indeksi 40210, 40211, 40212, 40213, 40215, 40217, 40219, 40221, 40223, 40225, 40227, 40229, 40231, 40233, 40235, 40237, 40239, 40468, 40470, 40472, 40474, 40476, 40477, 40479, 40489, 40545, 40547, 40549, 40589, 40591, 40593, 40595, 40597, 40599, 40625, 40627, 40629
Nəqliyyat kodu D
Digər
duesseldorf.de
Düsseldorf xəritədə
Düsseldorf
Düsseldorf
Vikianbarın loqosu Vikianbarda əlaqəli mediafayllar

Düsseldorf (Düsseldorf) — Almaniyanın Şimali Reyn-Vestfaliya vilayətinin paytaxtıdır. Reyn çayının bir hissəsi Düsseldorf ərazisindən keçir. Əhalisi 583.829 nəfərdir (2009). Və Almaniyanın ən böyük şəhərlərindən biridir.

Düsseldorf şəhəri Almaniyanın qərbindəki Reyn-Rur bölgəsində yerləşir. 2009-cu ilin statistikasına görə, 217 kvadrat kilometr sahəsi olan Düsseldorfun əhalisinin sayı 584 min nəfərdir. Düsseldorf şəhər statusunu 1288-ci ildə alıb. Şəhərin adı Düssel çayından götürülüb. Reyn çayının şimalında — Düssel çayının Reyn çayına töküldüyü yerdə yerləşir.

Düsseldorf 50 rayona bölünmüş 10 dairədən ibarətdir və Reyn-Rur bölgəsinin iqtisadi cəhətdən ən inkişaf etmiş şəhəridir. Şəhər reklam, telekommunikasiya texnologiyaları sahəsində aparıcı mərkəz, həmçinin "Almaniyanın modalar şəhəri" hesab olunur. Düsseldorf şəhəri rəssamlıq akademiyaları, muzeyləri və üzərində dünyanın ən böyük elektron saatı asılmış televiziya qülləsi ilə məşhurdur. Müasir incəsənətin ən tanınmış nümayəndələri öz işlərini Düsseldorf Münsterdəki İncəsənət Akademiyasında davam etdirirlər.

Dünya turizm agentlikləri Düsseldorfu "pivə şəhəri" adlandırır. Almanlar özləri isə bu şəhərə "dünyanın ən uzun barı" deyirlər. Çünki şəhərin qədim hissəsində — Qədim şəhərdə (almanca: Altstadt) 250 pivəxana fəaliyyət göstərir.

Düsseldorf əhalisinin yaşayış səviyyəsinə görə dünyada 6-cı, bahalığa görə isə 5-ci yeri tutur. Almaniyada Frankfurtdan sonra ikinci ən böyük bank və birja mərkəzidir.

Əhali[redaktə | mənbəni redaktə et]

Vətəndaşlığına görə Xarici Ölkə Rezidentləri

[4][5][6][7][8][9][10][11]

Ölkə Əhali (31. dekabr 2017)
Türkiyə Türkiyə 12,707
Yunanıstan Yunanıstan 10,388
Polşa Polşa 9,316
İtaliya İtaliya 7,799
Yaponiya Yaponiya 5,829
Suriya Suriya 5,820
Rumıniya Rumıniya 4,856
Mərakeş Mərakeş 4,541
İspaniya İspaniya 4,477
Rusiya Rusiya 4,430
Çin ÇXR 4,251
Şimali Makedoniya Şimali Makedoniya 3,842
Xorvatiya Xorvatiya 3,720
Fransa Fransa 3,328
Ukrayna Ukrayna 3,266
İraq İraq 3,079
İran İran 2,962

Coğrafiya[redaktə | mənbəni redaktə et]

İqlim[redaktə | mənbəni redaktə et]

Düsseldorf (1991–2020) iqlimi
Göstərici Yan Fev Mar Apr May İyn İyl Avq Sen Okt Noy Dek İl
Mütləq maksimum, °C 16,4 21,0 23,8 28,8 33,8 36,8 40,7 38,5 34,0 27,7 21,0 16,3 40,7
Maksimum orta, °C 6,0 7,2 11,1 15,6 19,4 22,5 24,7 24,2 20,1 15,2 10,0 6,6 15,2
Orta temperatur, °C 3,4 4,0 6,9 10,5 14,3 17,3 19,4 18,9 15,3 11,2 7,1 4,2 11,0
Minimum orta, °C 0,5 0,7 2,6 5,0 8,7 11,7 14,0 13,7 10,7 7,5 3,9 1,5 6,7
Mütləq minimum, °C −20,8 −15,4 −16,1 −6,3 −1,1 2,4 4,8 5,0 0,7 −6,2 −9,4 −15,3 −20,8
Yağıntı norması, mm 61,0 56,0 54,0 46,0 61,0 66,0 73,0 77,0 60,0 61,0 64,0 70,0 749,0
Mənbə: Düsseldorf Wetter – wetterlabs.de

İdman[redaktə | mənbəni redaktə et]

"Fortuna Düsseldorf" şəhəri Bundesligada təmsil edən əsas futbol klubudur. "Fortuna" 1997/1998 futbol sezonund ikinci liqaya düşmüşdü. Klubun əsas liqaya dönüşü isə bu sezona, 2012/2013 futbol sezonuna təsadüf edir. Şəhərin müxtəlif yerlərində kluba aid atributları tapmaq mümkündür. "Fortuna"nın oyunları zamanı isə şəhərdə və Esprit arenada inanılmaz atmosfer yaranır.

Şəhər əhalisinin idmana, xüsusi ilə futbola marağı böyükdür.

Təhsil[redaktə | mənbəni redaktə et]

Şəhərdə mövcud olan əsas universitet Heinrich Heine Universitetidir (alm. Heinrich-Heine-Universität Düsseldorf). Universitet, məşhur alman şair və politoloqu Heinrich Heinenin şərəfinə adlandırılıb. Heinrich Heine 1797-ci ildə Düsseldorfda anadan olmuşdur.

1965-ci ildə sadəcə tibb fakültəsi ilə fəaliyyətə başlayan universitetdə hal-hazırda hüquq, tibb, fəlsəfə, riyaziyyat, iqtisadiyyat fakültələri mövcuddur. Universitetin ərazisi olduqca böyükdür, universitet ərazisində müxtəlif korpuslar mövcuddur. Universitetdə təxminən 28.000 tələbə təhsil almaqdadır.

Avroviziya 2011[redaktə | mənbəni redaktə et]

"Avroviziya 2011" yarışı Düsseldorf beynəlxalq hava limanından 5 kilometr aralıda yerləşən "Fortuna Arena"da keçirilib. 54 min nəfərdən çox tamaşaçı tutan "Fortuna Arena"da müsabiqə üçün səhnə və texniki avadanlıqlar quraşdırıldıqdan sonra 25 minə yaxın tamaşaçı üçün yer qalıb. Stadiondan qazon yığışdırılıb, oturacaqlar xüsusi döşəmə ilə əvəzlənmişdi.

Qardaş şəhərlər[redaktə | mənbəni redaktə et]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. 1,0 1,1 archINFORM (alm.). 1994.
  2. https://www.destatis.de/DE/ZahlenFakten/LaenderRegionen/Regionales/Gemeindeverzeichnis/Administrativ/Aktuell/05Staedte.html.
  3. Alle politisch selbständigen Gemeinden mit ausgewählten Merkmalen am 31.12.2022 (alm.). DESTATIS, 2023.
  4. "Statistische Informationen" (PDF). Amt 12. 23 April 2022 tarixində arxivləşdirilib (PDF). İstifadə tarixi: 20 June 2018.
  5. "Statistische Informationen" (PDF). Amt 12. 23 April 2022 tarixində arxivləşdirilib (PDF). İstifadə tarixi: 20 June 2018.
  6. "Statistische Informationen" (PDF). Amt 12. 23 April 2022 tarixində arxivləşdirilib (PDF). İstifadə tarixi: 20 June 2018.
  7. "Statistische Informationen" (PDF). Amt 12. 9 June 2022 tarixində arxivləşdirilib (PDF). İstifadə tarixi: 20 June 2018.
  8. "Statistische Informationen" (PDF). Amt 12. 23 April 2022 tarixində arxivləşdirilib (PDF). İstifadə tarixi: 20 June 2018.
  9. "Statistische Informationen" (PDF). Amt 12. 27 March 2022 tarixində arxivləşdirilib (PDF). İstifadə tarixi: 20 June 2018.
  10. "Statistische Informationen" (PDF). Amt 12. 23 April 2022 tarixində arxivləşdirilib (PDF). İstifadə tarixi: 20 June 2018.
  11. "EU-Ausländer in Duesseldorf" (PDF). 20 January 2022 tarixində arxivləşdirilib (PDF). İstifadə tarixi: 20 June 2018.

Xarici keçidlər[redaktə | mənbəni redaktə et]