Mariya Stadnik — Vikipediya

Mariya Stadnik
Mariya Stadnik Azərbaycan Prezidenti İlham Əliyevin Braziliyanın Rio-de-Janeyro şəhərində baş tutan XXXI Yay Olimpiya Oyunlarının medalçıları ilə görüşü zamanı (1 sentyabr 2016-cı il)
Mariya Stadnik Azərbaycan Prezidenti İlham Əliyevin Braziliyanın Rio-de-Janeyro şəhərində baş tutan XXXI Yay Olimpiya Oyunlarının medalçıları ilə görüşü zamanı (1 sentyabr 2016-cı il)
Şəxsi məlumatlar
Tam adı Mariya Vasili qızı Stadnik
Ləqəbi Azərbaycan əfsanəsi[1]
Vətəndaşlığı Ukrayna Ukrayna (2002—2006) →
Azərbaycan Azərbaycan (2007—)
Doğum tarixi (35 yaş)
Doğum yeri Lvov, Ukrayna SSR
Boyu 158 sm. (5 ft 2 in)
İdman növü Güləş
Karyera illəri 2000—
Məşqçisi Andrey Stadnik
Komandası Atasport İdman Klubu
Medallar

Olimpiya Oyunları
Bürünc 2008 Pekin 48 Kq.
Gümüş 2012 London 48 Kq.
Gümüş 2016 Rio-de-Janeyro 48 Kq.
Bürünc 2020 Tokio 50 Kq.
Dünya Çempionatı
Qızıl 2009 Herninq 48 Kq.
Gümüş 2011 İstanbul 48 Kq.
Bürünc 2014 Daşkənd 48 Kq.
Gümüş 2015 Las Veqas 48 Kq.
Gümüş 2018 Budapeşt 50 Kq.
Qızıl 2019 Nur Sultan 50 Kq.
Avropa Oyunları
Qızıl 2015 Bakı 48 Kq.
Qızıl 2019 Minsk 50 Kq.
Avropa Çempionatı
Qızıl 2008 Tampere 48 Kq.
Qızıl 2009 Vilnüs 48 Kq.
Qızıl 2011 Dortmund 48 Kq.
Qızıl 2014 Vantaa 48 Kq.
Qızıl 2016 Riqa 48 Kq.
Qızıl 2017 Novi Sad 48 Kq.
Qızıl 2018 Kaspiysk 50 Kq.
Qızıl 2021 Varşava 50 Kq.
Qızıl 2023 Zaqreb 50 Kq.
Qızıl 2024 Buxarest 50 Kq.
Dövlət təltifləri

"Şöhrət" ordeni 1-ci dərəcəli "Vətənə xidmətə görə" ordeni 2-ci dərəcəli "Vətənə xidmətə görə" ordeni
"Tərəqqi" medalı "Azərbaycan Xalq Cümhuriyyətinin 100 illiyi (1918–2018)" yubiley medalı
Azərbaycan Respublikası Prezidentinin fəxri diplomu

Mariya Vasili qızı Stadnik (ukr. Марiя Василiвна Стадник; qızlıq soyadı Стаднiк; 3 iyun 1988, Lvov) — 2007-ci ildən Azərbaycan yığmasının heyətində çıxış edən qadın güləşçi. Azərbaycan idmanı tarixinin ən titullu idmançılarından biri. Dörd dəfə Olimpiya Oyunlarının medalına sahib olan üç qadın güləşçidən biri.

Karyerası ərzində Mariya Stadnik dörd dəfə Olimpiya Oyunlarında mübarizə aparıb. 2008-ci ildə Çində baş tutan XXIX Yay Olimpiya Oyunlarında və 2021-ci ildə Yaponiyada baş tutan XXXII Yay Olimpiya Oyunlarında bürünc medallara sahib olan Mariya Stadnik, 2012-ci ildə Londonda (Birləşmiş Krallıq) baş tutan XXX Yay Olimpiya Oyunlarının və 2016-cı ildə Rio-de-Janeyroda (Braziliya) baş tutan XXXI Yay Olimpiya Oyunlarının final görüşlərində məğlub olaraq gümüş medallara sahib oldu. Mariya Stadnik Azərbaycanın Olimpiya Oyunları tarixində dörd dəfə medala sahib olan birinci və yeganə idmançısıdır. Mariya Stadnik həm də Yaponiya güləşçiləri Kaori İço və Saori Yoşidadan sonra dörd dəfə Olimpiya Oyunlarında medal qazanmağı bacaran üçüncü qadın güləşçidir.

Mariya Stadnik güləş üzrə Dünya Çempionatlarında isə altı dəfə medallara sahib olub. 2009-cu ildə Herninqdə, 2019-cu ildə isə Nur-Sultanda Dünya Çempionatının qalibi olan Mariya Stadnik, üç dəfə — 2011, 2015 və 2018-ci illərdə final görüşlərində məğlub olaraq turnirin gümüş medallarını qazanıb.

Avropa Çempionatlarında isə Mariya Stadnik tarixi nailiyyətə imza atıb. 2008, 2009, 2011, 2014, 2016, 2017, 2018, 2021 və 2023-cü illərdə Avropa Çempionatlarının qızıl medallarına sahib olan Mariya Stadnik, bu turnirin tarixində ən çox qızıl medal qazanan qadın güləşçidir. Mariya Stadnik həm də mübarizə apardığı 9 Avropa Çempionatında heç bir görüşdə məğlub olmayaraq yüz faizlıq nəticə göstərib.

Mariya Stadnik həm də 2015-ci ildə Azərbaycanda baş tutan I Avropa Oyunlarının, 2019-cu ildə isə Belarusda baş tutan II Avropa Oyunlarının qalibi olub.

Azərbaycanın Gənclər və İdman Nazirliyi tərəfindən on dəfə ilin ən yaxşı idmançılarından biri seçilən Mariya Stadnik, Beynəlxalq Güləş Federasiyası (FILA) tərəfindən 2011-ci ilin ən yaxşı qadın güləşçisi seçilib.

Mariya Stadnik Azərbaycan idmanında xidmətlərinə görə Azərbaycan Prezidenti İlham Əliyevin 29 sentyabr 2008-ci il tarixli 3017 nömrəli Sərəncamına əsasən "Tərəqqi" medalı ilə,[2] 31 avqust 2012-ci il tarixli 2399 nömrəli Sərəncamına əsasən Azərbaycan Prezidentinin fəxri diplomu ilə,[3] 29 iyun 2015-ci il tarixli Sərəncamına əsasən "Şöhrət" ordeni ilə,[4] 22 avqust 2016-cı il tarixli Sərəncamına əsasən 2-ci dərəcəli "Vətənə xidmətə görə" ordeni ilə təltif edilib.

Mariya Stadnik Ümümdünya Güləş Birliyinin (UWW) rəsmi məlumatlarına əsasən 2003–2022-ci illərdə 49 beynəlxalq turnirdə mübarizə aparıb.[5] Dörd Olimpiya Oyunlarının hamısında medallara sahib olan Mariya Stadnik, yeddi dəfə Dünya Çempionatlarında mübarizə aparıb və 2007-ci ildə baş tutan turnir istisna olmaqla digər altı çempionatın hamısında medallara sahib olub.[5] Karyerası ərzində 2 dəfə Avropa Oyunlarında, 8 dəfə isə Avropa Çempionatlarında çıxış edən Mariya Stadnik, bu turnirlərdə 100 faizlıq nəticə göstərib və hamısında qalib olub.[5] Ümumi olaraq Mariya Stadnik 49 beynəlxalq turnirin 36-da qızıl, 7-də gümüş, 4-də isə bürünc medallara sahib olub.[5] Karyerasında medalsız başa vurduğu turnirlər 2007-ci il Dünya Çempionatı və 2023-cü il Zaqreb Open beynəlxalq turniridir.

Karyerası ərzində Mariya Stadnik 144 dəfə görüşə çıxıb. Onların 133-də qalib gəlib, 11-də isə məğlub olub. Məğlub olduğu güləşçilərdən 8-i Yaponiya, biri ABŞ, biri Kanada, biri isə Polşa nümayəndələri idi. Mariya Stadnikin əsas rəqibləri 2011–2012-ci illərdə Hitomi Obara (Yaponiya), 2015–2016-cı illərdə Eri Tosaha (Yaponiya), 2018–2021-ci illərdə isə Yui Susahi (Yaponiya) idi. Bu güləşçilərlə görüşlərin hamısında o, rəqiblərinə məğlub olmuşdu. Karyerası ərzində Avropa Çempionatlarında, Avropa Oyunlarında, İslam Həmrəyliyi Oyunlarında heç bir zaman məğlub olmayan Mariya Stadnikin 11 məğlubiyyətinin dördü Olimpiya Oyunlarında, altısı Dünya Çempionatlarında, biri isə Klippan Lady Open beynəlxalq turnirində olub. 11 məğlubiyyətinin altısı final görüşlərinə təsadüf edir.

Həyatı[redaktə | mənbəni redaktə et]

Mariya Stadnik 1988-ci il dekabrın 3-də Lvov şəhərində anadan olub.[5] 2000-ci ildə güləşlə məşğul olmağa başlayıb.[6] Lvov Dövlət Bədən Tərbiyəsi Universitetini bitirib.

Mariya Stadnikin həyat yoldaşı sərbəst güləşçi Andrey Stadnikdir.[7] Andrey Stadnik 2008-ci il Olimpiadasında gümüş medala sahib olub, 2009-cu il Avropa Çempionatının isə qalibidir. Mariya Stadnik onunla 2000-ci ildə tanış olub və 2007-ci ildə evləniblər. Cütlüyün 2010-cu il təvəllüdlü İqor adında bir oğlu və 2013-cü il təvəllüdlü Mia adında bir qızı var.

Mariya Stadnikin baldızı qadın güləşçi Yana Rattiqandır. Birləşmiş Krallıqı təmsil edən Yana Rattiqan, 2010 və 2013-cü illərdə Avropa Çempionlatının gümüş medallarına sahib olub. Mariya Stadnikin eltisi isə qadın güləşçi Alina Stadnikdir. Alina Stadnik Dünya və Avropa Çempionatlarının qalibi olub.

Karyerası[redaktə | mənbəni redaktə et]

2002–2005-ci illər: Gənclər arasıda Dünya çempionluğu[redaktə | mənbəni redaktə et]

Mariya Stadnik 2003-cü ilin avqustunda İspaniyanın Sevilya şəhərində baş tutan yeniyetmələr arasında Avropa Çempionatında mübarizə apardı.[8] Turnirin final görüşündə Mariya Stadnik Rumıniya nümayəndəsi Alina Poqaçan üzərində qələbə qazandı və yeniyetmələr arasında Avropa Çempionatının qalibi oldu.[8] Bu qızıl medal 14 yaşlı Mariya Stadnikin beynəlxalq turnirlərdə qazandığı birinci medal idi.

Bir il sonra, 2004-cü ilin iyulunda Mariya Stadnik növbəti dəfə yeniyetmələr arasında Avropa Çempionatında mübarizə apardı.[9] Bolqarıstanın Albena şəhərində baş tutan turnirin final görüşündə Mariya Stadnik İsveç nümayəndəsi Sofiya Mattssona məğlub oldu və turnirin gümüş medalına sahib oldu.[9]

Mariya Stadnikin mübarizə apardığı növbəti turnir 2005-ci ilin iyulunda Litvanın Vilnüs şəhərində baş tutan gənclər arasında Dünya Çempionatı oldu.[10] Mariya Stadnik turnirin 1/8 final mərhələsində Hindistan nümayəndəsi Sudeş Kumar ilə üz-üzə gəldi.[10] Həmin görüşdə Mariya Stadnik rəqibi üzərində vaxtından əvvəl (2:44 dəqiqə) qələbə qazandı və 1/4 final mərhələsinə adladı.[10] Bu mərhələdə onun rəqibi Almaniya nümayəndəsi Anniha Hofmann oldu.[10] Bu görüşdə də Mariya Stadnik rəqibi üzərində vaxtında əvvəl (1:44 dəqiqə) qələbə qazandı və turnirin yarım-final mərhələsinə adladı.[10] Bu mərhələdə isə onun rəqibi Türkiyə nümayəndəsi Demet Kaya oldu.[10] Üçüncü görüşdə də Mariya Stadnik rəqibi üzərində vaxtından əvvəl (3:00 dəqiqə) qələbə qazandı və çempionatın final görüşünə vəsiqə qazandı.[10] Həlledici görüşdə isə onun rəqibi Vyetnam nümayəndəsi Ti Han Nguyen oldu.[10] Final görüşündə də Mariya Stadnik vaxtından əvvəl qələbə qazandı.[10] Rəqibini 2:50 dəqiqə ərzində 8:0 hesabı ilə məğlub edən 16 yaşlı Mariya Stadnik yeniyetmələr arasında Dünya Çempionatının qalibi oldu.[10]

2006-cı il: Avropa çempionluğu və dopinq iddiası[redaktə | mənbəni redaktə et]

Üç il ərzində yeniyetmələr arasında Avropa Çempionatının, gənclər arasında isə Dünya Çempionatının qalibi olan Mariya Stadnik, 2006-cı ilin 25–30 aprelində Rusiyada baş tutan Avropa Çempionatında mübarizə apardı.[11] Mariya Stadnik turnirin 1/8 final mərhələsində Yunanıstan nümayəndəsi Fani Psata ilə üz-üzə gəldi.[11] Həmin görüşdə Mariya Stadnik rəqibin üzərində qələbə qazandı (2:0) və 1/4 final mərhələsinə adladı.[11] Bu mərhələdə onun rəqibi Finlandiya nümayəndəsi Həcər Aştiani oldu.[11] Bu görüşdə də Mariya Stadnik rəqibinə qalib gəldi (2:0) və turnirin yarım-final mərhələsinə adladı.[11] Finala gedən yolda onun rəqibi Rumıniya nümayəndəsi Kristina Kroitoru oldu.[11] Üçüncü görüşdə də Mariya Stadnik rəqibi üzərində qələbə qazandı (2:0) və çempionatın final görüşünə vəsiqə qazandı.[11] Həlledici görüşdə isə onun rəqibi Rusiya nümayəndəsi Liliya Kasharova oldu.[11] Gərgin idman mübarizəsi şəraitində baş tutan görüşün üçüncü hissəsində Mariya Stadnik rəqibi üzərində qələbə qazandı və Avropa Çempionatının qızıl medalına sahib oldu.[11]

Amma həmin ilin iyununda Beynəlxalq Güləş Federasiyası (FILA) Mariya Stadnikdən götürülən qan analizində qadağan olunan dərman preparatı hesab olunan furosemidin tapıldığını bildirdi və o, Avropa Çempionatında qazandığı qızıl medaldan məhrum edildi. Həmçinin ona bir il müddətinə beynəlxalq turnirlərdə mübarizə aparmamaq cəzası da verildi.

2007-ci il: Azərbaycana gəlişi və Olimpiadaya vəsiqə qazanması[redaktə | mənbəni redaktə et]

2007-ci ilin aprelində Mariya Stadnikin bir il müddətinə beynəlxalq turnirlərdə mübarizə aparmamaq cəzası başa çatdı. İlin əsas turniri sentyabrda baş tutacaq Dünya Çempionatı idi. Həmin turnir 2008-ci il Olimpiadasına lisenziya verirdi. Amma yığmanın "bir nömrəsi" olmaq uğrunda gərgin rəqabət var idi.[12] 2004-cü il Olimpiadasının qalibi olan İrina Merleni analıq məzuniyyətini başa vurmuşdu və idman formasını bərpa eləmişdi.[13] Onun əsas məqsədi 2008-ci il Olimpiadası idi. Komandanın məşqçiləri 18 yaşlı Mariya Stadnikin gənc və təcrübəsiz olduğunu və sentyabrda Dünya Çempionatına İrina Merleninin yollanacağını bildirdilər.[13][14][15] Əsas məqsədi 2008-ci il Olimpiadasında mübarizə aparmaq olan gənc Mariya Stadnik isə Ukrayna yığmasından ayrıldı.[12] 2007-ci ildə Dünya Çempionatı Azərbaycanda baş tutacaqdı. Bu ərəfələrdə Azərbaycan Güləş Federasiyası (AGF) qadın güləşçilərdən ibarət Azərbaycan yığmasının formalaşdırılması üçün digər yığmalardan güləşçiləri heyətinə cəlb eləməyə başladı.[13] Rusiyadan Mariya Kaçina, Latviyadan Olesya Zamula, Belarusdan isə Yuliya Ratkeviç Azərbaycan yığmasının heyətinə cəlb edildi. Azərbaycan Güləş Federasiyası (AGF) Mariya Stadniki də Azərbaycan yığmasının heyətində mübarizə aparmağa dəvət elədi.[13] Mariya Stadnik də həmin dəvəti qəbul elədi və bununla da o, Azərbaycan yığmasının heyətində beynəlxalq turnirlərdə mübarizə aparmağa başladı.[13]

2007-ci ilin əsas turniri 16–24 sentyabrda baş tutan Dünya Çempionatı idi.[16] Heydər Əliyev adına İdman Arenasında baş tutan turnirdə Mariya Stadnik sentyabrın 21-də mübarizə apardı.[17] Turnirin 1/32 final mərhələsində onun rəqibi Rumıniya nümayəndəsi Kristina Kroitoru oldu.[17] Həmin görüşdə Mariya Stadnik rəqibi üzərində vaxtından əvvəl qələbə qazandı (6:0, 4:0) və 1/16 final mərhələsinə adladı.[16] Bu mərhələdə onun rəqibi Cənubi Koreya nümayəndəsi Kim Hyun-Jo oldu.[16] Bu görüşdə də Mariya Stadnik rəqibi üzərində vaxtından əvvəl qələbə qazandı (2:0, 8:0) və 1/8 final mərhələsinə adladı.[16] Bu mərhələdə onun rəqibi Dünya və Avropa Çempionatının qalibi olan Almaniya nümayəndəsi Briqitte Vaqner oldu.[16] Gərgin idman mübarizəsi şəraitində baş tutan görüşdə Mariya Stadnik rəqibinə 2:0 (1:0, 4:2) hesabı ilə qalib gəldi və çempionatın 1/4 final mərhələsinə adladı.[16] Bu mərhələdə isə onun rəqibi 2004-cü il Afina Olimpiadasının finalçısı olan Yaponiya nümayəndəsi Çiharu İço oldu.[16] Bu görüşdə gərgin idman mübarizəsi şəraitində baş tutdu.[16] Nəticədə Mariya Stadnik rəqibinə 1:2 (1:0, 1:1, 1:1) hesabı ilə məğlub oldu və mübarizəni təsəlliverici qrupda davam elədi.[16] Mariya Stadnik bu qrupun birinci görüşündə ABŞ nümayəndəsi Stefani Murata ilə üz-üzə gəldi.[16] Həmin görüşdə də Mariya Stadnik rəqibinə məğlub oldu (1:2, 1:1).[16] Bu görüşdən sonra qadın güləşi üzrə Azərbaycan yığmasının baş məşqçisi Nazim Əlicanov müsahibəsində "referilərin qərarını ədalətsiz" adlandırdı.[18] Nəticədə Dünya Çempionatını yeddinci pillədə başa vuran Mariya Stadnik 2008-ci il Olimpiadasına vəsiqə qazandı.[19][20][21] Bununla da o, Olimpiya Oyunlarına lisenziya qazanan birinci azərbaycanlı qadın güləşçi oldu.[22]

Mariya Stadnik 2007-ci ilin sonlarında Donetsk şəhərində baş tutan beynəlxalq turnirdə mübarizə apardı və bütünc rəqibləri üzərində qələbə qazanaraq turnirin qalibi oldu.[23]

2008-ci il: Olimpiadalarda debüt və bürünc medal[redaktə | mənbəni redaktə et]

2008-ci ilin əsas turniri 8–24 avqustda Çində baş tutacaq XXIX Yay Olimpiya Oyunları idi. Olimpiadaya ciddi hazırlaşan Mariya Stadnik, altı ay ərzində bir sıra beynəlxalq turnirlərdə çıxış elədi. Mariya Stadnik əvvəlcə 24–28 yanvarda Rusiyada baş tutan İvan Yarıginin xatirəsinə həsr olunan beynəlxalq turnirdə mübarizə apardı.[24][25][26] Əvvəlcə Rusiya nümayəndəsi Lyobov Solnihova, sonra isə Qazaxıstan nümayəndəsi Ulduz Eşimovaya qalib gələn Mariya Stadnik, turnirin yarım-final mərhələsində məğlub oldu və mübarizəsini bürünc medal uğrunda görüşdə davam elədi.[27] Bu görüşdə Birləşmiş Krallıq nümayəndəsi Yana Rattiqan üzərində qələbə qazanan Mariya Stadnik turnirin bürünc medalına sahib oldu.[27][28]

Fevral ayında Mariya Stadnik qadın güləşçilərdən ibarət Azərbaycan yığması ilə birgə Belarusda təlim-məşq toplanışlarında oldu.[29] Daha sonra isə o, 22–24 fevralda Kiyev şəhərində baş tutan beynəlxalq turnirdə mübarizə apardı.[30] Finala gedən yolda bütün rəqiblərinə qalib gələn Mariya Stadnik, həlledici görüşdə ABŞ nümayəndəsi Klarissa Çun üzərində qələbə qazandı və turnirin qalibi oldu.[30]

Daha sonra Mariya Stadnik 1–6 apreldə Finlandiyanın Tampere şəhərində baş tutan Avropa Çempionatında mübarizə apardı.[31][32] 2 il əvvəl Rusiyada baş tutan turnirin qalibi olsa da, dopinqə görə titulundan məhrum edilən Mariya Stadnik, bu səfər Avropa Çempionatının qalibi olmağa iddialı idi.[33] Turnirin 1/8 final mərhələsində Rumıniya nümayəndəsi Kristina Kroitoruya (2:0), 1/4 final mərhələsində isə Ukrayna nümayəndəsi Alehsandra Koquta (6:5) qalib gələn Mariya Stadnik, yarım-final mərhələsində Yunanıstan nümayəndəsi Fani Psata üzərində qələbə qazandı (4:1) və Avropa Çempionatının final görüşünə vəsiqə qazandı.[34][35] Həlledici görüşdə onun rəqibi 2006-cı ildə Avropa Çempionatının qalibi olan Fransa nümayəndəsi Vanessa Bubryem oldu.[35] Həmin görüşdə rəqibi üzərində 8:2 hesabı ilə qələbə qazanan Mariya Stadnik Avropa Çempionatının qızıl medalına sahib oldu.[35][36][37] Bununla da o, Avropa Çempionatlarının qalibi olmağı bacaran birinci azərbaycanlı qadın güləşçi oldu.

Aprelin sonlarında Mariya Stadnik Odessa şəhərində baş tutan beynəlxalq turnirdə mübarizə apardı.[38] Nəticədə bütün rəqibləri üzərində qələbə qazanan Mariya Stadnik beynəlxalq turnirin qalibi oldu.[39]

Mariya Stadnikin növbəti turniri 26–30 iyunda baş tutan Heydər Əliyevin xatirəsinə həsr olunan Qızıl Qran-Pri beynəlxalq turniri oldu.[40] Bütün rəqibləri üzərində qələbə qazanan Mariya Stadnik, turnirin qızıl medalına sahib oldu.[41]

Olimpiadadan əvvəl Mariya Stadnik iyulda Kosiçe şəhərində baş tutan gənclər arasında Avropa Çempionatında mübarizə apardı.[42] Finala gedən yolda Polşa nümayəndəsi Angeliha Qlaba, Rusiya nümayəndəsi Elza Tazetdinovaya və İsveç nümayəndəsi Karolina Loevhvista qalib gələn Mariya Stadnik, turnirin həlledici görüşündə Ukrayna nümayəndəsi Maryana Bezruha üzərində qələbə qazandı və gənclər arasında Avropa Çempionatının qalibi oldu.[42] Bundan sonra bütün diqqətlər 2008-ci il Olimpiadasına yönəldi.

XXIX Yay Olimpiya Oyunları

border=none Əsas məqalə: Azərbaycan 2008 Yay Olimpiya Oyunlarında

2008-ci ilin əsas turniri 8–24 avqustda Çində baş tutan XXIX Yay Olimpiya Oyunları idi.[43] Qadın güləşçilərdən ibarət Azərbaycan yığmasının heyətinə üç güləşçi — Mariya Stadnik (-48 Kq.), Yelena Komarova (-55 Kq.) və Olesya Zamula (-62 Kq.) daxil edildi.[43] İl ərzində Avropa Çempionatının və Qızıl Qran-Pri beynəlxalq turnirinin qalibi olan Mariya Stadnik avqustun 16-da mübarizə apardı.[43][44]

Mariya Stadnikin 1/8 final mərhələsində rəqibi Kanada nümayəndəsi Karol Huyn oldu.[44][45] Gərgin idman mübarizəsi şəraitində baş tutan görüşün birinci hissəsində Mariya Stadnik rəqibinə 4:5 hesabı ilə məğlub oldu.[45] Görüşün növbəti hissəsində də rəqibinə məğlub olan (0:2) Mariya Stadnik olimpiada da final uğrunda mübarizəsini dayandırdı.[45] Karol Huyn turnirin final görüşünə vəsiqə qazandıqından Mariya Stadnik, təsəlliverici qrupda mübarizə apardı.[45] Təsəlliverici qrupun birinci görüşündə onun rəqibi Cənubi Koreya nümayəndəsi Kim Hyu-Jo oldu.[45] Görüşün birinci hissəsində Mariya Stadnik rəqibinə 1:0 hesabı ilə qalib gəldi.[45] Görüşün növbəti hissəsi isə gərgin idman mübarizəsi şəraitində baş tutdu və nəticədə Mariya Stadnik rəqibinə 4:2 hesabı ilə qalib gəldi.[45] Bununla da Mariya Stadnik olimpiadanın bürünc medal uğrunda görüşünə vəsiqə qazandı.[45] Bu görüşdə onun rəqibi Qazaxıstan nümayəndəsi Tatyana Amanjol oldu.[45] Görüşün birinci hissəsində 2:1, növbəti hissəsində isə 8:0 hesabları ilə qali gələn Mariya Stadnik, XXIX Yay Olimpiya Oyunlarının bürünc medalına sahib oldu.[45] Bununla da o, həm də Olimpiya Oyunlarında medala sahib olan birinci azərbaycanlı qadın güləşçi oldu. Olimpiadanın qalibi Kanada nümayəndəsi Karol Hyun, finalçısı Yaponiya nümayəndəsi Çiharu İço oldu.[46] Digər bürünc medala isə Mariya Stadnikin Ukrayna yığmasından ayrılmasına səbəb olan rəqibi İrina Merleni oldu.[46]

Əslində bürünc medal gözləyidim nəticə deyildi. Ciddi hazırlaşmışdım və olimpiadanın qalibi olmaq istəyirdim. Amma bürünc medal qazandım. Karol Huynla görüşdə qalib gəlmə şanslarım var idi. Öz günahım idi. Birinci hissədə şanslardan istifadə edə bilmədim və məğlub oldum. Olimpiadalarda debüt edirdim. Birinci görüşüm idi. Sadəcə uyğunlaşa bilmədim. Sonra bürünc medal qazanmaq üçün şansım yarandı və bundan istifadə elədim.

Mariya STADNİK (16 avqust 2008-ci il)

Mariya Stadnik təltitetmə mərasimindən sonra Azerisport.com idman portalına verdiyi müsahibəsində məqsədinin turnirin qızıl medalı olduğunu bildirdi.[47]

Azərbaycan Prezidenti İlham Əliyevin 29 sentyabr 2008-ci il tarixli 3017 nömrəli Sərəncamına əsasən XXIX Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Mariya Vasili qızı Stadnik "Tərəqqi" medalı ilə təltif edildi.[48] Gənclər və idman naziri Azad Rəhimovun 31.10.2008-ci il tarixli əmrinə əsasən isə Mariya Stadnika Azərbaycanın idman ustası adı verildi.[49]

Olimpiadadan sonra Mariya Stadnik Yaponiyada baş tutan Dünya Çempionatında mübarizə aparmalı idi.[50][51] Amma sentyabrın sonlarında Mariya Stadnik məşq zamanı onurğa sütunundan zədə aldı və 2008-ci ili başa vurmalı oldu.[52]

2008-ci ilin nəticələrinə əsasən Mariya Stadnik Gənclər və İdman Nazirliyinin versiyasına görə ilin ən yaxşı on idmançısından biri seçildi.[53] Mariya Stadnik həmçinin Azerisport.com idman portalının oxucularının versiyasına görə 76 faiz səslə ilin ən yaxşı qadın idmançısı seçildi.[54]

2009-cu il: Dünya Çempionatında zəfər[redaktə | mənbəni redaktə et]

Mariya Stadnikin olimpiadadan sonra birinci turniri 2009-cu ilin fevralında Kiyev şəhərində baş tutan beynəlxalq turnir oldu.[55] Finala gedən yolda bütün rəqiblərinə qalib gələn Mariya Stadnik, həlledici görüşdə ötən il olimpiadada məğlub olduğu Kanada nümayəndəsi Karol Huyn ilə üz-üzə gəldi.[55] Bu səfər Mariya Stadnik rəqibi üzərində qələbə qazandı və beynəlxalq turnirin qalibi oldu.[55]

2009-cu ilin birinci nüfuzlu turniri 31 mart-5 apreldə Litvanın Vilnüs şəhərində baş tutan Avropa Çempionatı oldu.[56] Ötən il Finlandiyada Avropa Çempionatının qalibi olan Mariya Stadnik, titulunu qorumağa iddialı idi.[57] Mariya Stadnikin çempionatın 1/8 final mərhələsində rəqibi Rusiya nümayəndəsi Liliya Kasharova idi.[58][59] Mariya Stadnik bu rəqibinə üç il əvvəl Rusiyada baş tutan Avropa Çempionatının final görüşündə qalib gəlsə də, sonradan həmin görüşün nəticələri Beynəlxalq Güləş Federasiyası (FILA) tərəfindən ləğv edilmişdi. Gərgin idman mübarizəsi şəraitində baş tutan görüşdə Mariya Stadnik rəqibinə qalib gəldi (4:0, 5:4) və turnirin 1/4 final mərhələsinə adladı.[59][60][61] Bu mərhələdə onun rəqibi Ukrayna nümayəndəsi Mariya Livaç oldu.[59] Bu görüşdə Mariya Stadnik rəqibi üzərində inamlı qələbə qazandı (4:0, 2:0) və turnirin yarım-final mərhələsinə adladı.[59] Bu mərhələdə onun rəqibi Polşa nümayəndəsi İvona Mathovsha oldu.[59] Həmin görüşdə də Mariya Stadnik rəqibinə qalib gəldi (4:0, 1:0) və Avropa Çempionatının final görüşünə vəsiqə qazandı.[59] Həlledici görüşdə onun rəqibi Rumıniya nümayəndəsi Ester Dobre oldu.[59] Final görüşündə də Mariya Stadnik rəqibi üzərində inamlı qələbə qazandı.[59] Görüşün birinci hissəsində rəqibinə 6:0 hesabı ilə qalib gələn Mariya Stadnik, növbəti hissədə cəmi 25 saniyə ərzində rəqibi üzərində 8:0 hesabı ilə qələbə qazandı və vaxtından əvvəl görüşün qalibi oldu.[59] Bununla da Mariya Stadnik növbəti dəfə Avropa Çempionatının qızıl medalına sahib oldu.[59][62]

Avropa Çempionatından sonra Mariya Stadnik 16–20 iyulda baş tutan Heydər Əliyevin xatirəsinə həsr olunan Qızıl Qran-Pri beynəlxalq turnirində mübarizə apardı.[63] Bir il əvvəl turnirin qalibi olan Mariya Stadnik, bu səfərdə qızıl medala iddialı idi.[64] Mariya Stadnik əvvəlcə 1/8 final mərhələsində Rumıniya nümayəndəsi Kristina Kroitoruya (2:0, 4:0), sonra isə 1/4 final mərhələsində Qazaxıstan nümayəndəsi Ulduz Eşimovaya (1:0, 4:1) qalib gəldi və turnirin yarım-final mərhələsinə adladı.[65] Bu mərhələdə onun rəqibi Yaponiya nümayəndəsi Sahamato Mahiho oldu.[65] Gərgin idman mübarizəsi şəraitində baş tutan görüşdə Mariya Stadnik rəqibinə məğlub oldu və mübarizəni bürünc medal uğrunda görüşdə davam elədi.[65] Bu görüşdə isə Mariya Stadnik Kanada nümayəndəsi Lindse Raşton üzərində qələbə qazandı (4:0, 4:1) və Qızıl Qran-Pri beynəlxalq turnirinin bürünc medalına sahib oldu.[65]

Dünya Çempionatından əvvəl Mariya Stadnik 12–14 avqustda Polşanın Varşava şəhərində baş tutan beynəlxalq turnirdə mübarizə apardı.[66] Finala gedən yolda Finlandiya nümayəndəsi Savola Sarianaya və Ukrayna nümayəndəsi Lyudmila Baluşhinaya qalib gələn Mariya Stadnik, həlledici görüşdə Rusiya nümayəndəsi Larisa Oorjah üzərində qələbə qazandı və turnirin qalibi oldu.[67]

2009-cu ilin əsas turniri 20–28 sentyabrda Herninq şəhərində baş tutan Dünya Çempionatı idi. Mariya Stadnik turnirdən əvvəl qadın güləşçilərdən ibarət Azərbaycan yığmasının heyətində təlim-məşq toplanışlarında oldu.[68] Çempionatdan on gün əvvəl elan olunan heyətə yığmanın lideri Mariya Stadnik də daxil edildi.[69] Mariya Stadnik turnirdə sentyabrın 23-də mübarizə apardı.[70] Mariya Stadnikin birinci rəqibi Belarus nümayəndəsi Tatyana Qurnoviç oldu.[71][72] Həmin görüşün birinci hissəsindəcə (1:20 dəqiqə) Mariya Stadnik rəqibi üzərində təmiz qələbə qazandı və 1/8 final mərhələsinə adladı.[72] Bu mərhələdə onun rəqibi İspaniya nümayəndəsi Sara Sançez oldu.[72] Bu görüşdə isə Mariya Stadnik cəmi 18 saniyə ərzində rəqibi üzərində qələbə qazandı və 1/4 final mərhələsinə adladı.[72] Bu mərhələdə onun rəqibi Ukrayna nümayəndəsi Lyudmila Baluşha oldu.[72] Gərgin idman mübarizəsi şəraitində baş tutan görüşdə Mariya Stadnik qalib gəldi (4:4, 4:2) və turnirin yarım-final mərhələsinə adladı.[72] Finala gedən yolda onun rəqibi Birləşmiş Krallıq nümayəndəsi Yana Rattiqan oldu.[72] Yana Rattiqan həm də onun baldızı idi. Həmin görüşdə Mariya Stadnik inamlı qələbə qazandı (2:0, 6:0) və Dünya Çempionatının final görüşünə vəsiqə qazandı.[72] Həlledici görüşdə onun rəqibi Rusiya nümayəndəsi Larisa Oorjah oldu.[72] Mariya Stadnik bu rəqibini avqustda Polşada baş tutan beynəlxalq turnirin final görüşündə məğlub eləmişdi. Bu səfərdə Mariya Stadnik rəqibi üzərində qələbə qazandı (4:0, 2:0) və bununla da Dünya Çempionatının qalibi oldu.[72] Bu minvalla o, həm də Arif Abdullayev və Fərid Mansurovdan sonra Dünya Çempionatının qalibi olmağı bacaran üçüncü azərbaycanlı güləşçi, həmçinin birinci azərbaycanlı qadın güləşçi oldu.[72][73]

2009-cu il ərzində Avropa və Dünya Çempionatlarının qalibi olan, Kiyevdə və Varşavada baş tutan beynəlxalq turnirlərdə qızıl medallara sahib olan Mariya Stadnik, Gənclər və İdman Nazirliyinin versiyasına görə ilin ən yaxşı on idmançısından biri seçildi.[74] Mariya Stadnik həmçinin Azerisport.com idman portalının oxucularının versiyasına görə isə 56 faiz səslə növbəti dəfə ilin ən yaxşı qadın idmançısı seçildi.[75][76]

Dünya Çempionatında qələbədən sonra 20 yaşlı Mariya Stadnik ana olmaq üçün müvəqqəti olaraq idmandan uzaqlaşdı.[77] Mariya Stadnik 2010-cu ildə Azərbaycanda baş tutacaq Avropa Çempionatında və Rusiyada baş tutacaq Dünya Çempionatında mübarizə aparmayacağını, idman formasını 2011-ci ildə bərpa edəcəyini bildirdi.[78] 2010-cu il iyulun 22-də Mariya Stadnikin oğlu dünyaya gəldi.[79][80]

2011-ci il: Üçüncü dəfə Avropa çempionluğu[redaktə | mənbəni redaktə et]

Mariya Stadnik 2011-ci ildə məşqlərini bərpa elədi. Onun analıq məzuniyyətindən sonra mübarizə apardığı birinci turnir 11–14 fevralda İstanbulda baş tutan Yaşar Doğunun xatirəsinə həsr olunan beynəlxalq turnir idi.[81] Əvvəlcə Türkiyə nümayəndəsi Filiz Çıhrıhçı, sonra isə digər Türkiyə nümayəndəsi Burcu Kebiç üzərində qələbə qazanan Mariya Stadnik, final görüşündə Qırğızıstan nümayəndəsi Mixrniso Nurmatovaya qalib gəldi və Yaşar Doğunun xatirəsinə həsr olunan beynəlxalq turnirin qalibi oldu.[82][83]

2011-ci ilin əsas turnirlərindən biri 28 mart-4 apreldə Almaniyanın Dortmund şəhərində baş tutan Avropa Çempionatı idi.[84] Mariya Stadnik turnirin 1/8 final mərhələsində rəqibi İspaniya nümayəndəsi Sara Sançez idi.[85] Həmin görüşdə Mariya Stadnik rəqibi üzərində inamlı qələbə qazandı (4:0, 6:0) və 1/4 final mərhələsinə adladı.[85] Bu mərhələdə onun rəqibi Birləşmiş Krallıq nümayəndəsi Yana Rattiqan idi.[85] Bu görüşdə də Mariya Stadnik inamlı qələbə qazandı (4:0, 4:0) və çempionatın yarım-final mərhələsinə adladı.[85] Finala gedən yolda onun rəqibi Polşa nümayəndəsi İvona Mathovsha oldu.[85] Gərgin idman mübarizəsi şəraitində baş tutan görüşdə Mariya Stadnik rəqibinə qalib gəldi (4:0, 4:4) və üçüncü dəfə Avropa Çempionatının final görüşünə vəsiqə qazandı.[85] Həlledici görüşdə onun rəqibi Ukrayna nümayəndəsi Kristina Daranutsa oldu.[85] Bu görüşdə Mariya Stadnik rəqibi üzərində vaxtından əvvəl qələbə qazandı və üçüncü dəfə Avropa Çempionatının qızıl medalına sahib oldu.[85] Bununla da o, Namiq Abdullayev və Xetaq Qazyumovdan sonra üç dəfə Avropa Çempionatının qalibi olmağı bacaran üçüncü azərbaycanlı güləşçi oldu. Çempionatdan sonra Mariya Stadnik müsahibəsində "Avropa Çempionatlarında ciddi rəqibləri" olmadığını bildirdi.[86]

Dünya Çempionatından əvvəl Mariya Stadnik bir sıra beynəlxalq turnirlərdə mübarizə apardı Əvvəlcə o, Avstriyanın Qoetsiz şəhərində baş tutan "Austrian Ladies Open" beynəlxalq turnirində mübarizə apardı.[87] Nəticədə Mariya Stadnik turnirin final görüşündə Polşa nümayəndəsi Yulita Omilusih üzərində qələbə qazandı və turnirin qalibi oldu.[88][89]

Dünya Çempionatına hazırlıq mərhələsi çərçivəsində sonuncu turnir 8–10 iyulda baş tutan Heydər Əliyevin xatirəsinə həsr olunan beynəlxalq turnir idi.[90] Bu turnirdə mübarizə aparacaq Azərbaycan yığmasının heyətinə Mariya Stadnik də cəlb edildi.[91] Əvvəlcə Birləşmiş Krallıq nümayəndəsi Yana Rattiqana, sonra isə Qırğızıstan nümayəndəsi Mixrniso Nurmatovaya qalib gələn Mariya Stadnik, final görüşündə Ukrayna nümayəndəsi Olehsandra Koqut üzərində qələbə qazandı və Qızıl Qran-Pri beynəlxalq turnirinin qalibi oldu.[92]

2011-ci ilin əsas turniri 12–18 sentyabrda İstanbul şəhərində baş tutan Dünya Çempionatı idi.[93] Həmin turnir 2012-ci ildə London şəhərində (Birləşmiş Krallıq) baş tutacaq XXX Yay Olimpiya Oyunlarına lisenziya verirdi.[93] Karyerasında üçüncü dəfə Dünya Çempionatında mübarizə aparacaq Mariya Stadnik, turnirdən əvvəl "güclü rəqiblərə rəğmən turnirin qalibi olmaq üçün İstanbula yollandığını" bildirmişdi.[94][95] Mariya Stadnik çempionatda sentyabrın 14-də mübarizə apardı.[96] Onun 1/32 final mərhələsində rəqibi Argentina nümayəndəsi Patrisia Bermudez oldu.[93] Həmin görüşdə Mariya Stadnik rəqibi üzərində inamlı qələbə qazandı (6:0, 2:0) və turnirin 1/16 final mərhələsinə adladı.[93] Bu mərhələdə onun rəqibi Qazaxıstan nümayəndəsi Ulduz Eşimova oldu.[93] Bu görüşdə də Mariya Stadnik qalib gəldi (4:0, 2:0) və növbəti mərhələyə adladı.[93] 1/8 final mərhələsində onun rəqibi Venesuela nümayəndəsi Mayelis Karipa oldu.[93] Həmin görüşdə Mariya Stadnik rəqibi üzərində vaxtından əvvəl qələbə qazandı (5:0, 6:0) və turnirin 1/4 final mərhələsinə adladı.[93] Bu mərhələdə onun rəqibi 2008-ci il Dünya Çempionatının qalibi olan ABŞ nümayəndəsi Klarissa Çun oldu.[93] Bu görüşdə də Mariya Stadnik rəqibinə qalib gəldi (3:1, 3:0) və çempionatın yarım-final mərhələsinə adladı.[93] Finala gedən yolda onun rəqibi Kolumbiya nümayəndəsi Karolina Kastillo oldu.[93] Həmin görüşdə Mariya Stadnik rəqibi üzərində vaxtından əvvəl asan qələbə qazandı (6:0, 4:0) və növbəti dəfə Dünya Çempionatının final görüşünə vəsiqə qazandı.[93] Həlledici görüşdə onun rəqibi Yaponiya nümayəndəsi Hitomi Obara oldu.[93] Hitomi Obara yeddi dəfə Dünya Çempionatlarının qalibi olan təcrübəli və titullu güləşçi oldu. Mübarizə apardığı son beş turnirin hamısında qızıl medala sahib olan Mariya Stadnik, sonuncu dəfə 2009-cu ilin iyununda məğlub olmuşdu. Final görüşü gərgin idman mübarizəsi şəraitində baş tutdu.[93] Görüşün birinci hissəsində Mariya Stadnik rəqibinə 3:2 hesabı ilə qalib gəlsə də, görüşün növbəti hissəsində Hitomi Obara rəqibi üzərində minimal hesabla qələbə qazandı (1:0).[93] Həlledici hissədə də Hitomi Obara Mariya Stadnikdən minimal hesabla üstün oldu (1:0) və final görüşünün qalibi oldu.[93] Mariya Stadnik isə Dünya Çempionatının gümüş medalına sahib oldu və bir il sonra baş tutacaq London Olimpiadasına vəsiqə qazandı.[93][97]

Mariya Stadnik üçün 2011-ci ilin son turniri Birləşmiş Krallıqın London şəhərində baş tutan FILA Test Turniri oldu.[98] Final görüşündə Almaniya nümayəndəsi Alexandra Enqelhardta qalib gələn Mariya Stadnik, turnirin qalibi oldu.[99]

2011-ci il ərzində Avropa Çempionatının qızıl, Dünya Çempionatının isə gümüş medalına sahib olan Mariya Stadnik, Gənclər və İdman Nazirliyinin versiyasına görə ilin ən yaxşı on idmançısından biri seçildi.[100] Azerisport.com idman portalının oxucularına görə isə o, ilin ən yaxşı qadın idmançısı seçildi.[101][102]

2012-ci il: London Olimpiadasında final[redaktə | mənbəni redaktə et]

2012-ci ilin fevralında Beynəlxalq Güləş Federasiyası (FILA) tərəfindən Mariya Stadnik 2011-ci ilin ən yaxşı qadın güləşçisi seçildi.[103] Mariya Stadnik bu adı qazanan üçüncü azərbaycanlı güləşçi oldu. Bundan əvvəl 2010-cu ildə Xetaq Qazyumov və 2011-ci ildə Şərif Şərifov da bu adı qazanmışdı.

Mən heç bir zaman Merleni ilə beynəlxalq turnirlərdə üz-zə gəlməmişdim. Buna görə də hər saniyə, hər addım, hər bir fənd mənim üçün əhəmiyyətli idi. Təlim-məşq toplanışları zamanı mən bir dəfə Merleniyə qalib gəlmişdim. Məhz buna görə onun mənə qarşı boğma fəndini tətbiq edəcəyini bilirdim. Mən buna hazır idim və nəticədə qalib gəldim.

Mariya STADNİK (16 fevral 2012-ci il)

Mariya Stadnik üçün 2012-ci il London Olimpiadasına görə əhəmiyyətli il idi. Olimpiadadan əvvəl Mariya Stadnik bir sıra beynəlxalq turnirlərdə mübarizə apardı, Azərbaycan yığması ilə birgə təlim-məşq toplanışlarında oldu.[104] 2012-ci ildə Mariya Stadnikin birinci turniri 14–16 fevralda Kiyev şəhərində baş tutan beynəlxalq turnir oldu.[105] Finala gedən yolda bütün rəqibləri üzərində qələbə qazanan Mariya Stadnik, həlledici görüşdə prinsipial rəqibi olan İrina Merleni ilə üz-üzə gəldi.[106] Stadnik və Merleni birinci dəfə beynəlxalq turnirlərdə üz-üzə gəlirdi. Həmin görüş Mariya Stadnik üçün əhəmiyyətli idi. Məhz beş il əvvəl İrina Merleni ilə rəqabətə görə o, yığmadan ayrılmışdı. Final görüşü gərgin idman mübarizəsi şəraitində baş tutdu. Görüşün birinci hissəsində Mariya Stadnik rəqibinə minimal hesabla qalib gəldi (1:0). Görüşün növbəti hissəsində də rəqibindən minimal hesabla (1:0) üstün olan Mariya Stadnik, beynəlxalq turnirin qalibi oldu.[107] Mariya Stadnik final görüşündən sonra müsahibəsində İrina Merleninin güləş fəlsəfəsinə bələd olduğunu bildirdi.[108]

2012-ci ilin martında Serbiyanın Belqrad şəhərində Avropa Çempionatı baş tutdu. Üç dəfə Avropa Çempionatının qalibi olan Mariya Stadnik bu səfər turnirdə mübarizə aparmadı və qadın güləşçilərdən ibarət Azərbaycan yığmasının baş məşqçisi Rövşən Umudov onu Mərziqet Bəhəmmədova ilə əvəzlədi.[109][110] Bundan sonra bütün diqqətlər olimpiada da oldu.

Mariya Stadnikin Olimpiadadan əvvəl sonuncu turniri mayda Almaniyanın Dormaqen şəhərində baş tutan Almaniya Qran-Prisi turniri oldu. Nəticədə Mariya Stadnik turnirin final görüşündə Polşa nümayəndəsi Yulita Omilusih üzərində qələbə qazandı və turnirin qalibi oldu.[111]

XXX Yay Olimpiya Oyunları

border=none Əsas məqalə: Azərbaycan 2012 Yay Olimpiya Oyunlarında

2012-ci ilin əsas turniri 25 iyul-12 avqustda Birləşmiş Krallıqın London şəhərində baş tutan XXX Yay Olimpiya Oyunları idi. Dörd il əvvəl Çində olimpiadanın bürünc medalına sahib olan Mariya Stadnik, ötən dörd il ərzində Dünya və Avropa Çempionatlarının, beynəlxalq turnirlərin qalibi oldu. Mariya Stadnik bu səfər London Olimpiadasının favoritlərindən biri hesab olunurdu.[112][113]

Mariya Stadnik London Olimpiadasında avqustun 8-də mübarizə apardı.[114][115] Təsnifat mərhələsindən azad olan Mariya Stadnikin 1/8 final mərhələsində rəqibi ABŞ nümayəndəsi Klarissa Çun oldu.[115] Klarissa Çun 2008-ci ildə Dünya Çempionatının qalibi olmuşdu. Bundan əvvəl Mariya Stadnik Klarissa Çun ilə 2008 və 2011-ci illərdə üz-üzə gəlmişdi və hamısında qələbə qazanmışdı. Bu səfər də qalib gələn tərəf Mariya Stadnik oldu.[115] Görüşün birinci hissəsində 2:0 hesabı ilə qalib gələn Mariya Stadnik, növbəti hissədə rəqibi üzərində 4:0 hesabı ilə qələbə qazandı və turnirin 1/4 final mərhələsinə adladı.[115] Bu mərhələdə onun rəqibi Polşa nümayəndəsi İvona Mathovsha oldu.[115] Karyerası ərzində İvona Mathovshanın ən ciddi uğuru 2012-ci ildə Avropa Çempionatının qalibi olmaq idi. Bundan əvvəl Mariya Stadnik İvona Mathovsha ilə 2009 və 2011-ci illərdə üz-üzə gəlmişdi və hamısında qalib gəlmişdi. Bu səfər də qalib gələn tərəf Mariya Stadnik oldu.[115] Görüşün birinci hissəsində 2:0 hesabı ilə qalib gələn Mariya Stadnik, növbəti hissədə rəqibi üzərində 4:1 hesabı ilə qələbə qazandı və olimpiadanın yarım-final mərhələsinə adladı.[115] Bu mərhələdə onun rəqibi isə İrina Merleni oldu.[115] Mariya Stadnik prinsipial rəqibi ilə bu səfər olimpiada finalı uğrunda mübarizə aparmalı idi.[115] Mariya Stadnik və İrina Merleni bir dəfə — olimpiadadan altı ay əvvəl Kiyevdə üz-üzə gəlmişdi və onda Mariya Stadnik rəqibinə qalib gəlmişdi. Bu səfər də görüş gərgin idman mübarizəsi şəraitində baş tutdu.[115] Görüşün birinci hissəsində Mariya Stadnik minimal hesabla qalib gəldi — 1:0.[115] Görüşün növbəti hissəsində də Mariya Stadnik rəqibindən üstün oldu — 4:0.[115] Bununla da Mariya Stadnik London Olimpiadasının final görüşünə vəsiqə qazandı.[115]

Həlledici görüşdə Mariya Stadnikin rəqibi Yaponiya nümayəndəsi Hitomi Obara oldu.[115] Mariya Stadnik 8 dəfə Dünya Çempionatının qalibi olan Hitomi Obara ilə bir dəfə — bir il əvvəl İstanbulda baş tutan Dünya Çempionatının final görüşündə üz-üzə gəlmişdi və onda Hitomi Obara rəqibinə qalib gəlmişdi. Bu səfər də final görüşü gərgin idman mübarizəsi şəraitində baş tutdu.[115] Mariya Stadnik görüşün birinci hissəsində rəqibi üzərində 4:0 hesabı ilə inamlı qələbə qazandı.[115] Görüşün növbəti hissəsində isə Hitomi Obara rəqibinə minimal hesabla qalib gəldi (1:0).[115] Bu da görüşün taleyində həlledici məqamlardan biri oldu.[115] Psixoloji üstünlüyü ələ alan Hitomi Obara görüşün üçüncü hissəsində də rəqibinə qalib gəldi (2:0) və olimpiadanın qalibi oldu.[115] Mariya Stadnik isə XXX Yay Olimpiya Oyunlarının gümüş medalına sahib oldu.[116][117] Mariya Stadnik həm də 2 dəfə Olimpiya Oyunlarının medalına sahib olmağı bacaran dördüncü azərbaycanlı idmançı oldu.[118] Qadın güləşçilərdən ibarət Azərbaycan yığmasının baş məqşçisi Məhəmməd Əliömərov final görüşündən sonra müsahibəsində bunları bildirdi: "Mariya Stadnik final görüşünə yaxşı başlamışdı. Birinci hissədə fəal idi. Başa düşə bilmirəm, niyə növbəti hissədə belə güləşmədi."[119] Mariya Stadnik isə təltifetmə mərasimindən dərhal sonra müsahibəsində bunları bildirdi: "mən gümüş medalı qazanmadım, qızıl medalı itirdim. Rəqibimdən üstün idim. Amma məğlub oldum. Növbədə Rio-de-Janeyro Olimpiadası var."[120][121] Həmçninin olimpiadanın qalibi olan Hitomi Obara müsahibəsində "Mariya Stadnikin layiqli rəqib olduğunu" bildirdi.[122]

Azərbaycan Prezidenti İlham Əliyevin 31 sentyabr 2012-ci il tarixli 2399 nömrəli Sərəncamına əsasən XXX Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Mariya Vasili qızı Stadnik Azərbaycan Prezidentinin fəxri diplomu ilə təltif edildi.[123] Mariya Stadnik həm də Gənclər və İdman Nazirliyinin versiyasına görə 2012-ci ilin ən yaxşı 20 idmançısından biri seçildi.[124]

London Olimpiadasında sonra Mariya Stadnik növbəti dəfə ana olmaq üçün müvəqqəti olaraq idmandan uzaqlaşdı.[125] Mariya Stadnik 2013-cü il ərzində baş tutan beynəlxalq turnirlərdə, Dünya və Avropa Çempionatlarında mübarizə aparmadı. 2013-cü il mayın 24-də Mariya Stadnikin qızı dünyaya gəldi.[126]

2014-cü il: Finlandiyada qazanılan dördüncü Avropa çempionluğu[redaktə | mənbəni redaktə et]

Tədricən idman formasını bərpa edən Mariya Stadnik, 2014-cü ildən beynəlxalq turnirlərdə mübarizə aparmağa başladı. Analıq məzuniyyətdən sonra Mariya Stadnikin birinci turniri 8–10 fevralda Fransanın Paris şəhərində baş tutan Qran-Pri turniri oldu.[127] Mariya Stadnik turnirin 1/8 final mərhələsində ABŞ nümayəndəsi Klarissa Çun ilə üz-üzə gəldi. Həmin görüşdə Mariya Stadnik rəqibinə 6:2 hesabı ilə qalib gəldi və 1/4 final mərhələsinə adladı. Bu mərhələdə onun rəqibi İsveç nümayəndəsi Cosefine Fredrihsen oldu. Bu görüşdə Mariya Stadnik rəqibi üzərində 10:2 hesabı ilə qələbə qazandı və turnirin yarım-final mərhələsinə adladı. Bu mərhələdə isə onun rəqibi Fransa nümayəndəsi Julie Sabatie oldu. Bu görüşdə Mariya Stadnik rəqibi üzərində vaxtından əvvəl 10:0 hesabı ilə qələbə qazandı və Paris Qran-Prisinin final görüşünə vəsiqə qazandı. Həlledici görüşdə onun rəqibi Kanada nümayəndəsi Cessiha McDonald oldu. Gərgin idman mübarizəsi şəraitində baş tutan görüşdə Mariya Stadnik rəqibinə 5:4 hesabı ilə qalib gəldi və Paris Qran-Prisinin qalibi oldu.[128]

Paris Qran-Prisi turniri zamanı Azərbaycan nümayəndəsi Mariya Stadnik (qırmızı geyimdə) və ABŞ nümayəndəsi Klarissa Çun (göy geyimdə) arasında görüş (8 fevral 2014-cü il)

2014-cü ilin əsas turnirlərində biri apreldə baş tutacaq Avropa Çempionatı idi. Mariya Stadnik bu turnirə qadın güləşçilərdən ibarət Azərbaycan yığmasının heyətində Kiyevdə hazırlaşdı.[129]

Avropa Çempionatından əvvəl Mariya Stadnik 1–2 martda İsveçin Klippan şəhərində baş tutan Klippan Lady Open beynəlxalq turnirində mübarizə apardı.[130] Mariya Stadnik turnirin 1/16 final mərhələsində ABŞ nümayəndəsi Allena Somera ilə üz-üzə gəldi. Həmin görüşdə Mariya Stadnik rəqibinə 11:0 hesabı ilə qalib gəldi və 1/8 final mərhələsinə adladı. Bu mərhələdə onun rəqibi Norveç nümayəndəsi Silje Kippernes oldu. Bu görüşdə Mariya Stadnik rəqibi üzərində 10:0 hesabı ilə qələbə qazandı və 1/4 final mərhələsinə adladı. Bu mərhələdə onun rəqibi Bolqarıstan nümayəndəsi Elitsa Yanhova oldu. Üçüncü görüşündə də Mariya Stadnik rəqibinə vaxtından əvvəl qalib gəldi (10:0) və turnirin yarım-final mərhələsinə adladı. Bu mərhələdə isə onun rəqibi ABŞ nümayəndəsi Alisa Lampe oldu. Bu görüşdə Mariya Stadnik rəqibi üzərində 10:4 hesabı ilə qələbə qazandı və turnirin final görüşünə vəsiqə qazandı.[131] Həlledici görüşdə onun rəqibi ABŞ nümayəndəsi Vihtoriya Antoni oldu. Bu görüşdə də Mariya Stadnik rəqibi üzərində vaxtından əvvəl 11:0 hesabı ilə qələbə qazandı və Klippan Lady Open beynəlxalq turnirinin qalibi oldu.[132] Avropa Çempionatından əvvəl qadın güləşçilərdən ibarət Azərbaycan yığması Belarusda təlim-məşq toplanışlarında oldu.[133]

2014-cü ilin əsas turnirlərindən biri 1–6 apreldə Finlandiyanın Vantaa şəhərində baş tutan Avropa Çempionatı oldu.[134][135][136] Karyerası ərzində beşinci dəfə Avropa Çempionatında mübarizə aparan Mariya Stadnikin 1/8 final mərhələsində rəqibi Rusiya nümayəndəsi Nadejda Federova idi.[137] Həmin görüşdə Mariya Stadnik rəqibi üzərində 14:2 hesabı ilə qələbə qazandı və 1/4 final mərhələsinə adladı.[138] Bu mərhələdə onun rəqibi Macarıstan nümayəndəsi Mersedes Deneş oldu.[138] Bu görüşdə Mariya Stadnik rəqibinə 10:0 hesabı ilə qalib gəldi və turnirin yarım-final mərhələsinə adladı.[138] Finala gedən yolda onun rəqibi Rumıniya nümayəndəsi Madalina Linquraru oldu.[138] Bu görüşdə də Mariya Stadnik rəqibi üzərində asan qələbə qazandı (11:0) və çempionatın final görüşünə vəsiqə qazandı.[138] Həlledici görüşdə isə onun rəqibi Ukrayna Natalya Pulhovsha oldu.[138] Final görüşündə də Mariya Stadnik vaxtından əvvəl asan qələbə qazandı (11:0) və dördüncü dəfə Avropa Çempionatının qızıl medalına sahib oldu.[138][139] Dörd görüşün üçündə vaxtından əvvəl qalib gələn Mariya Stadnik, həm də dörd dəfə Avropa Çempionatının qalibi olmağı bacaran birinci azərbaycanlı güləşçi oldu.[140][141][142]

Sentyabrda baş tutacaq Dünya Çempionatına hazırlıq məqsədilə Mariya Stadnik iyunda Almaniyanın Dormanqen şəhərində baş tutan Almaniya Qran-Prisində mübarizə apardı.[143] Mariya Stadnik turnirin 1/16 final mərhələsində Polşa nümayəndəsi İvona Mathovsha ilə üz-üzə gəldi.[144] Həmin görüşdə Mariya Stadnik rəqibinə 10:0 hesabı ilə qalib gəldi və 1/8 final mərhələsinə adladı.[144] Bu mərhələdə onun rəqibi Kanada nümayəndəsi Cessiha McDonald oldu.[144] Bu görüşdə Mariya Stadnik rəqibi üzərində 16:5 hesabı ilə qələbə qazandı və 1/4 final mərhələsinə adladı.[144] Bu mərhələdə onun rəqibi Rusiya nümayəndəsi Yelena Vostrihova oldu.[144] Üçüncü görüşündə də Mariya Stadnik rəqibinə qalib gəldi (8:0) və turnirin yarım-final mərhələsinə adladı.[144] Bu mərhələdə isə onun rəqibi Kanada nümayəndəsi Jasmin Mian oldu.[144] Bu görüşdə Mariya Stadnik rəqibi üzərində 11:0 hesabı ilə qələbə qazandı və turnirin final görüşünə vəsiqə qazandı.[144] Həlledici görüşdə onun rəqibi Almaniya nümayəndəsi Keti Bumqartner oldu.[144] Final görüşündə də Mariya Stadnik rəqibi üzərində qələbə qazandı (4:0) və Almaniya Qran-Prisinin qızıl medalına sahib oldu.[144]

Dünya Çempionatına hazırlığın son mərhələsi Kiyev şəhərində baş tutan təlim-məşq toplanışları və 25–28 iyulda baş tutacaq Heydər Əliyevin xatirəsinə həsr olunan Qızıl Qran-Pri beynəlxalq turniri idi.[145][146][147] Mariya Stadnik Qızıl Qran-Pri turnirinin 1/8 final mərhələsində Niderland nümayəndəsi Cessiha Blazsha üzərində təmiz qələbə qazandı və 1/4 final mərhələsinə adladı.[148] Bu mərhələdə onun rəqibi Qazaxıstan nümayəndəsi Tatyana Amanjol oldu.[148] Bu görüşdə Mariya Stadnik rəqibinə vaxtından əvvəl 11:0 hesabı ilə qalib gəldi və turnirin yarım-final mərhələsinə adladı.[148] Finala gedən yolda onun rəqibi Yaponiya nümayəndəsi Yuhi İrie oldu.[148] Həmin görüşdə də Mariya Stadnik rəqibi üzərində qələbə qazandı (12:1) və turnirin final görüşünə vəsiqə qazandı.[148] Həlledici görüşdə onun rəqibi Rusiya nümayəndəsi Yelena Vostrihova oldu.[148] Final görüşündə Mariya Stadnik rəqibi üzərində təmiz qələbə qazandı və üçüncü dəfə Qızıl Qran-Pri beynəlxalq turnirinin qalibi oldu.[148][149]

Əvvəlcə qohumum Yana Rattiqan ilə üz-üzə gəldim. Onunla qarşılaşmaq çətindir, amma nə edə bilərəm, qalib gəlməyə məcburam. Daha sonra Çin və Argentina güləşçilərini məğlub elədim və yarım-final mərhələsinə adladım. Finala gedən yolda isə Mathovshayaya məğlub oldum. Biraz təşəbbüsü əldən verdim, biraz da yorğun idim. Nəticədə məğlub oldum. Yəqin rəqibi qiymətləndirmədim. Etiraf edəcəm. O mənə rəqib deyil. Bundan əvvəl onu beynəlxalq turnirdə 10:0 hesabı ilə məğlub eləmişdim. Amma bu səfər nəsə alınmadı. Bürünc medal uğrunda görüşdə isə rumına qalib gəldim və üçüncü oldum. Məğlubiyyətimi analiz edəcəm. Ola bilər bu yaxşılığa doğrudur. Bundan sonra üstünlüyü əldən verməyəcəm.

Mariya STADNİK (10 sentyabr 2014-cü il)

2014-cü ilin əsas turniri 8–14 sentyabrda Daşkənd şəhərində baş tutan Dünya Çempionatı oldu. Karyerası ərzində dördüncü dəfə Dünya Çempionatında mübarizə aparan Mariya Stadnik, turnirin qalibi olmağa iddialı idi.[150] Analıq məzuniyyətdən sonra idman formasını bərpa edən Mariya Stadnik, 2014-cü il ərzində mübarizə apardığı bütün turnirlərin qalibi olmuşdu.[151] Mariya Stadnik turnirin 1/16 final mərhələsində Birləşmiş Krallıq nümayəndəsi Yana Rattiqan ilə üz-üzə gəldi.[152] Həmin görüşdə Mariya Stadnik rəqibi üzərində vaxtından əvvəl 11:0 hesabı ilə qələbə qazandı və 1/8 final mərhələsinə adladı.[152] Bu mərhələdə onun rəqibi Çin nümayəndəsi Le Çun oldu.[152] Bu görüşdə də Mariya Stadnik rəqibinə qalib gəldi (8:0) və 1/4 final mərhələsinə adladı.[152] Bu mərhələdə onun rəqibi Argentina nümayəndəsi Patrisia Bermudez oldu.[152] Üçüncü görüşündə də Mariya Stadnik rəqibi üzərində inamlı qələbə qazandı (10:0) və turnirin yarım-final mərhələsinə adladı.[152] Finala gedən yolda onun rəqibi Polşa nümayəndəsi İvona Mathovsha oldu.[152] Bundan əvvəl Mariya Stadnik və İvona Mathovsha dörd dəfə üz-üzə gəlmişdi və bütün görüşlərdə Mariya Stadnik inamlı qələbə qazanmışdı. Bu səfər isə görüş gərgin idman mübarizəsi şəraitində baş tutdu.[152] Görüşün birinci hissəsində Mariya Stadnik rəqibinə 2:0 hesabı ilə qalib gəldi.[152] Görüşün növbəti hissəsinin əvvəllərində isə Mariya Stadnik hesabı 4:0 elədi.[152] Mariya Stadnikin növbəti dəfə qələbə qazanacağını gözlənilən halda, rəqibi İvona Mathovsha geri dönüş elədi.[152] Əvvəlcə hesabı bərabərləşdirən İvona Mathovsha, görüşün başa çatmasına beş saniyə qala fənd tətbiq elədi və nəticədə Mariya Stadnik üzərində 5:4 hesabı ilə qələbə qazandı.[152] Bu nəticədə Dünya Çempionatının gözlənilməz nəticələrindən biri idi. Belə olan halda Mariya Stadnik bürünc medal uğrunda mübarizə apardı.[152] Bu görüşdə isə Mariya Stadnik Rumıniya nümayəndəsi Alina Vuç üzərində 11:0 hesabı ilə inamlı qələbə qazandı və Dünya Çempionatının bürünc medalına sahib oldu.[152] Turnirin qalibi isə final görüşündə İvona Mathovshayaya qalib gələn Yaponiya nümayəndəsi Eri Tosaha oldu.[153] Təltifetmə mərasimindən sonra Mariya Stadnik müsahibəsində İvona Mathovshayaya məğlub olsa belə, onun özünə rəqib hesab eləmədiyini bildirdi.[154]

2014-cü ilin noyabrında Mariya Stadnik 2015-ci ildə baş tutacaq I Avropa Oyunlarının 11 idman elçisindən biri seçildi.[155] İlin sonlarında Mariya Stadnik Paris şəhərində Azərbaycan və Fransa güləş yığmaları arasında baş tutan yoldaşlıq görüşündə çıxış elədi.[156] Mariya Stadnik rəqibinə qalib gəldi və Azərbaycan yığmasının qələbəsində pay sahibi oldu.[157]

İl ərzində Avropa Çempionatında və dörd beynəlxalq turnirdə qızıl medala sahib olan Mariya Stadnik, Gənclər və İdman Nazirliyinin versiyasına görə 2014-cü ilin ən yaxşı on idmançısından biri seçildi.[158] Mariya Stadnik həm də Azerisport.com idman portalının versiyasına görə ilin ən yaxşı on idmançısından biri seçildi.[159]

2015-ci il: Avropa Oyunlarında qələbə[redaktə | mənbəni redaktə et]

2015-ci il Mariya Stadnik üçün əhəmiyyətli bir il idi. İyunda I Avropa Oyunları, sentyabrda isə olimpiya lisenziyası verən Dünya Çempionatı baş tutacaqdı. Mariya Stadnikin 2015-ci ildə birinci turniri 14–15 fevralda İsveçin Klippan şəhərində baş tutan Klippan Lady Open beynəlxalq turniri oldu.[160] Bir il əvvəl həmin turnirin qalibi olan Mariya Stadnik, bu səfərdə qızıl medala iddialı idi. Onun turnirin 1/16 final mərhələsində Norveç nümayəndəsi Silje Kippernes ilə üz-üzə gəldi.[161] Həmin görüşdə Mariya Stadnik rəqibinə təmiz qalib gəldi və 1/8 final mərhələsinə adladı.[161] Bu mərhələdə onun rəqibi İsveç nümayəndəsi Fredriha Pettersson oldu.[161] Bu görüşdə Mariya Stadnik rəqibi üzərində 12:2 hesabı ilə qələbə qazandı və 1/4 final mərhələsinə adladı.[161] Bu mərhələdə onun rəqibi Yaponiya nümayəndəsi Miho İqaraşi oldu.[161] Üçüncü görüşündə də Mariya Stadnik rəqibinə asan qalib gəldi (10:0) və turnirin yarım-final mərhələsinə adladı.[161] Bu mərhələdə isə onun rəqibi Polşa nümayəndəsi İvana Mathovsha oldu.[161] Beş ay əvvəl Dünya Çempionatının yarım-final mərhələsində gözlənilmədən məğlub olduğu rəqibinə, Mariya Stadnik bu səfər qalib gəldi.[161] Bu görüşdə Mariya Stadnik rəqibi üzərində 6:1 hesabı ilə qələbə qazandı və turnirin final görüşünə vəsiqə qazandı.[161] Həlledici görüşdə onun rəqibi Yaponiya nümayəndəsi Kiha Kaqata oldu.[161][162] Bu görüşdə də Mariya Stadnik rəqibi üzərində vaxtından əvvəl 10:0 hesabı ilə qələbə qazandı və növbəti dəfə Klippan Lady Open beynəlxalq turnirinin qalibi oldu.[162]

Mariya Stadnikin (qırmızı geyimdə) I Avropa Oyunlarının final görüşündə Bolqarıstan nümayəndəsi Elitsa Yanhova (göy geyimdə) üzərində qələbəsi elan ediləndə (15 iyun 2015-ci il)

Mariya Stadnikin növbəti turniri 6–8 martda Rusiyanın St. Peterburq şəhərində baş tutan Dünya Kuboku oldu.[163][164] Azərbaycan yığması bu turnirdə "A" qrupunda ABŞ, Polşa və Yaponiya yığmaları ilə mübarizə apardı.[165] Birinci turda Azərbaycan yığması ABŞ yığması ilə üz-üzə gəldi.[166] Həmin görüşdə Mariya Stadnik rəqibinə qalib gəlsə də, ümumi nəticədə Azərbaycan yığması məğlub oldu.[166] Növbəti turda isə Azərbaycan yığması Polşa yığması ilə üz-üzə gəldi.[166] Bu görüşdə də Mariya Stadnik rəqibinə qalib gəldi və Azərbaycan yığmasının qələbəsində pay sahibi oldu.[166] Üçüncü turda isə Azərbaycan yığması Yaponiya yığması ilə üz-üzə gəldi.[166] Üçüncü görüşündə də Mariya Stadnik rəqibi üzərində qələbə qazansa da, ümumi nəticədə Azərbaycan yığması rəqibinə məğlub oldu.[166] Nəticədə qrup mərhələsini üçüncü pillədə başa vuran Azərbaycan yığması, beşinci yer uğrunda görüşdə Ukrayna yığması ilə üz-üzə gəldi.[167] Həmin görüşdə Mariya Stadnik növbəti dəfə rəqibinə qalib gəldi və Azərbaycan yığmasının qələbəsində pay sahibi oldu.[167] Bununla da Azərbaycan yığması turniri beşinci pillədə başa vurdu.[167] Dörd görüşün hamısında qalib gələn Mariya Stadnik isə Azərbaycan yığmasının uğurunda əsas pay sahibi oldu.[167]

Bu turnirdən sonra Mariya Stadnik iyunda baş tutacaq I Avropa Oyunlarına hazırlığını təlim-məşq toplanışlarında davam elədi. Apreldə Bolqarıstanda baş tutan təlim-məşq toplanışları mayda Kiyev şəhərində davam elədi.[168][169] Mariya Stadnik turnirin startından on gün əvvəl Azerisport.com idman portalına verdiyi müsahibəsində "ideal idman formasında olduğunu və Avropa Oyunlarının qalibi olmağa iddialı olduğunu" bildirdi.[170] Mariya Stadnik iyunun 8-də Avropa Oyunlarının məşəlini güləş turnirinin baş tutacağı Heydər Əliyev adına İdman Arenasına gətirdi.

Azərbaycanın birinci xanımı Mehriban Əliyeva I Avropa Oyunlarının qızıl medalını Mariya Stadnika təqdim edən zaman (15 iyun 2015-ci il)

I Avropa Oyunları 12–28 iyunda baş tutdu.[171][172] Mariya Stadnik turnirdə iyunun 15-də mübarizə apardı.[173] Mariya Stadnikin 1/8 final mərhələsində rəqibi Portuqaliya nümayəndəsi Liliana Santos oldu.[174] Həmin görüşdə Mariya Stadnik rəqibi üzərində 12:2 hesabı ilə asan qələbə qazandı və 1/4 final mərhələsinə adladı.[174] Bu mərhələdə onun rəqibi Fransa nümayəndəsi Culie Sabati oldu.[174] Bu görüşdə Mariya Stadnik rəqibinə vaxtından əvvəl 11:0 hesabı ilə qalib gəldi və turnirin yarım-final mərhələsinə adladı.[174] Finala gedən yolda isə onun rəqibi Polşa nümayəndəsi İvona Mathovsha oldu.[174] Həmin görüşdə Mariya Stadnik rəqibi üzərində təmiz qələbə qazandı və I Avropa Oyunlarının final görüşünə vəsiqə qazandı.[174] Həlledici görüşdə onun rəqibi 20 yaşlı Bolqarıstan nümayəndəsi Elitsa Yanhova oldu.[174] Final görüşünü Azərbaycan Prezidenti İlham Əliyev, birinci xanım Mehriban Əliyeva, Milli Məclisin sədri Oqtay Əsədov və gənclər və idman naziri Azad Rəhimov arenadan canlı izlədi.[175] Final görüşündə Mariya Stadnik rəqibindən tam üstün idi[174]. Nəticədə Mariya Stadnik rəqibi üzərində vaxtından əvvəl 12:1 hesabı ilə qələbə qazandı və I Avropa Oyunlarının qalibi oldu.[174] Təltifetmə mərasimi zamanı Mariya Stadnika qızıl medalı birinci xanım Mehriban Əliyeva təqdim elədi.[176][177][178]

Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən I Avropa Oyunlarında qazandığı nailiyyətlərə və Azərbaycan idmanında xidmətlərinə görə Mariya Vasili qızı Stadnik "Şöhrət" ordeni ilə təltif edildi.[179]

I Avropa Oyunlarında sonra bütün diqqətlər sentyabrda baş tutacaq Dünya Çempionatında idi. Bu çempionatdan əvvəl Mariya Stadnik iyulda Polşanın Varşava şəhərində baş tutan Poland Open beynəlxalq turnirində mübarizə apardı.[180] Mariya Stadnikin turnirin 1/16 final mərhələsində Belarus nümayəndəsi Viyaleta Çirih ilə üz-üzə gəldi.[181] Həmin görüşdə Mariya Stadnik rəqibinə vaxtından əvvəl 10:0 hesabı ilə qalib gəldi və 1/8 final mərhələsinə adladı.[181] Bu mərhələdə onun rəqibi Polşa nümayəndəsi İvona Mathovsha oldu.[181] Bu görüşdə Mariya Stadnik rəqibi üzərində vaxtından əvvəl 10:0 hesabı ilə qələbə qazandı və 1/4 final mərhələsinə adladı.[181] Bu mərhələdə onun rəqibi Rusiya nümayəndəsi Nadejda Federova oldu.[181] Üçüncü görüşündə də Mariya Stadnik rəqibinə vaxtından əvvəl qalib gəldi (10:0) və turnirin yarım-final mərhələsinə adladı.[181] Bu mərhələdə isə onun rəqibi Polşa nümayəndəsi Anna Luhasiah oldu.[181] Bu görüşdə də Mariya Stadnik rəqibi üzərində vaxtından əvvəl 10:0 hesabı ilə qələbə qazandı və turnirin final görüşünə vəsiqə qazandı.[181] Həlledici görüşdə isə onun rəqibi Ukrayna nümayəndəsi Nataluya Pulhovsha oldu.[181] Beşinci görüşündə də Mariya Stadnik rəqibi üzərində vaxtından əvvəl 10:0 hesabı ilə qələbə qazandı və Poland Open beynəlxalq turnirinin qalibi oldu.[181]

2015-ci ilin əsas turniri 6–12 sentyabrda Birləşmiş Ştatların Las-Veqas şəhərində baş tutan Dünya Çempionatı oldu. Bu turnir 2016-cı ildə Rio-de-Janeyro şəhərində (Braziliya) baş tutacaq XXXI Yay Olimpiya Oyunlarına lisenziya verirdi.[182] Bu çempionat Mariya Stadnikin mübarizə aparacağı beşinci Dünya Çempionatı oldu.[183] Mariya Stadnik turnirin 1/16 final mərhələsində Niderland nümayəndəsi Cessiha Blazsha ilə üz-üzə gəldi.[184] Həmin görüşdə Mariya Stadnik rəqibi üzərində vaxtından əvvəl 11:0 hesabı ilə qələbə qazandı və 1/8 final mərhələsinə adladı.[184] Bu mərhələdə onun rəqibi Peru nümayəndəsi Talia Malqui oldu.[184] Bu görüşdə də Mariya Stadnik rəqibinə vaxtından əvvəl 10:0 hesabı ilə qalib gəldi və 1/4 final mərhələsinə adladı.[184] Bu mərhələdə isə onun rəqibi Qazaxıstan nümayəndəsi Tatyana Amanjol oldu.[184] Həmin görüşdə də Mariya Stadnik rəqibi üzərində qələbə qazandı (11:2) və turnirin yarım-final mərhələsinə adladı.[184] Finala gedən yolda onun rəqibi Çin nümayəndəsi Li Hu oldu.[184] Həmin görüşdə Mariya Stadnik rəqibinə təmin qalib gəldi və Dünya Çempionatının final görüşünə vəsiqə qazandı.[184] Karyerası ərzində üçüncü dəfə Dünya Çempionatının həlledici görüşünə vəsiqə qazanan Mariya Stadnikin bu görüşdə rəqibi Yaponiya nümayəndəsi Eri Tosaha oldu.[184] Eri Tosaha bundan əvvəl 2013 və 2014-cü illərdə baş tutan Dünya Çempionatlarının qalibi olan gənc güləşçi idi.

Final görüşü gərgin idman mübarizəsi şəraitində baş tutdu.[184] Birinci hissənin sonlarında Eri Tosaha passiv mübarizə apardığına görə Mariya Stadnika bir bal verildi — 1:0. Növbəti hissədə də Eri Tosaha passiv mübarizə aparırdı və nəticədə Mariya Stadnika daha bir bal verildi — 2:0. Görüşün başa çatmasına altı saniyə qala Eri Tosaha rəqibinə fənd tətbiq elədi və hesabı bərabərləşdirdi — 2:2. Bundan sonra Mariya Stadnikin məşqçidi referilərə etirazını bildirsə də, nəticədə dəyişmədi və final görüşünün qalibi Eri Tosaha oldu.[184] Mariya Stadnik isə Dünya Çempionatının gümüş medalına sahib oldu.[184]

2015-ci il ərzində Klippan Lady Open və Poland Open beynəlxalq turnirlərinin, Avropa Oyunlarının qalibi olan Mariya Stadnik Gənclər və İdman Nazirliyinin versiyasına görə ilin ən yaxşı on idmançısından biri seçildi.[185][186] Mariya Stadnik həmçinin Azərbaycan Güləş Federasiyasının (AGF) versiyasına görə 2015-ci ilin qadın güləşçisi elan edildi.[187]

2016-cı il: Rio-de-Janeyro Olimpiadasında gərgin final[redaktə | mənbəni redaktə et]

2016-cı ilin əsas turniri avqutsda Braziliyanın Rio-de-Janeyro şəhərində baş tutacaq XXXI Yay Olimpiya Oyunları idi. Karyerasında üçüncü dəfə olimpiadada mübarizə aparacaq Mariya Stadnik, bu turnirə ciddi hazırlaşırdı.[188] Mariya Stadnikin 2016-cı ildə birinci turniri 12–14 fevralda Kiyev şəhərində baş tutan beynəlxalq turnir oldu.[189] Mariya Stadnik turnirin 1/4 final mərhələsində Ukrayna nümayəndəsi Nataliya Pulhovsha, 1/2 final mərhələsində isə digər Ukrayna nümayəndəsi Mariya Georgiyeva üzərində vaxtından əvvəl 10:0 hesabları ilə qələbə qazandı və turnirin final görüşünə vəsiqə qazandı. Həlledici görüşdə isə onun rəqibi digər Ukrayna nümayəndəsi Olehsandra Koqut oldu. Bu görüşdə də rəqibinə qalib gələn Mariya Stadnik, beynəlxalq turnirin qalibi oldu.[190]

Rio-de-Janeyro Olimpiadasının final görüşü zamanı Azərbaycan nümayəndəsi Mariya Stadnik (göy geyimdə) və Yaponiya nümayəndəsi Eri Tosaha (qırmızı geyimdə) arasında görüş (18 fevral 2016-cı il)

Daha sonra Mariya Stadnik 8–14 martda Latviyanın Riqa şəhərində baş tutan Avropa Çempionatında mübarizə apardı.[191] Karyerası ərzində altıncı dəfə Avropa Çempinatında çıxış edən Mariya Stadnik, martın 8-də mübarizə apardı.[192] Mariya Stadnik turnirin 1/8 final mərhələsində Ukrayna nümayəndəsi Olehsandra Kuqot ilə üz-üzə gəldi.[193] Həmin görüşdə Mariya Stadnik rəqibinə vaxtında əvvəl 10:0 hesabı ilə qalib gəldi və 1/4 final mərhələsinə adladı.[193] Bu mərhələdə onun rəqibi Rusiya nümayəndəsi Valentina İslamova oldu.[193] Gərgin idman mübarizəsi şəraitində baş tutan görüşdə Mariya Stadnik rəqibi üzərində 5:2 hesabı ilə qələbə qazandı və turnirin yarım-final mərhələsinə adladı.[193] Finala gedən yolda onun rəqibi Bolqarıstan nümayəndəsi Elitsa Yanhova oldu.[193] Bu görüşdə Mariya Stadnik rəqibi üzərində təmiz qələbə qazandı və Avropa Çempionatının final görüşünə vəsiqə qazandı.[193] Həlledici görüşdə isə onun rəqibi Rumıniya nümayəndəsi Alina Vuç oldu.[193] Bu görüşdə də Mariya Stadnik rəqibi üzərində asan qələbə qazandı — 10:0.[193] Bununla da Mariya Stadnik beşinci dəfə Avropa Çempionatının qızıl medalına sahib oldu.[193][194]

Mariya Stadnikin olimpiadaya son hazırlıq mərhələsi iyunda Kiyev şəhərində baş tutan təlim-məşq toplanışları və Polşanın Spala şəhərində baş tutan Poland Open beynəlxalq turniri idi.[195][196] Mariya Stadnik Poland Open beynəlxalq turnirinin 1/4 final mərhələsində Polşa nümayəndəsi İvona Mathovshaya 12:1, 1/2 final mərhələsində isə Niderland nümayəndəsi Cessiha Blazshaya 12:1 hesabları ilə vaxtından əvvəl qalib gəldi və turnirin final görüşünə vəsiqə qazandı. Həlledici görüşdə onun rəqibi Kolumbiya nümayəndəsi Karolina Kastillo oldu. Bu görüşdə də Mariya Stadnik rəqibi üzərində vaxtından əvvəl qələbə qazandı (10:0) və Poland Open beynəlxalq turnirinin qızıl medalına sahib oldu.[197] Bu turnirdən sonra Mariya Stadnikin təlim-məşq toplanışları davam elədi və avqustda bütün diqqətlər XXXI Yay Olimpiya Oyunlarında oldu.[198]

XXXI Yay Olimpiya Oyunları

border=none Əsas məqalə: Azərbaycan 2016 Yay Olimpiya Oyunlarında

2016-cı ilin əsas turniri 5–22 avqustda Braziliyanın Rio-de-Janeyro şəhərində baş tutan XXXI Yay Olimpiya Oyunları idi.[199] Karyerasında üçüncü dəfə olimpiadada çıxış edən Mariya Stadnik Ümumdünya Güləş Birliyi (UWW) tərəfindən turnirin əsas favoriti hesab olunurdu.[200][201][202] Onun əsas rəqibi 2015-ci il Dünya Çempionatının final görüşündə məğlub olduğu Yaponiya nümayəndəsi Eri Tosaha idi. Mariya Stadnik Rio-de-Janeyro Olimpiadasında avqustun 17-də mübarizə apardı.[203] Mariya Stadnikin 1/8 final mərhələsində rəqibi Argentina nümayəndəsi Patrisia Bermudez idi.[204] Həmin görüşün onuncu saniyəsindəcə Mariya Stadnik rəqibinin ayağından tutdu və 30 saniyə ərzində beş dəfə çevirmə fəndini tətbiq elədi. Nəticədə Mariya Stadnik rəqibi üzərində vaxtından əvvəl 10:0 hesabı ilə qələbə qazandı 1/4 final mərhələsinə adladı.[204] Bu mərhələdə onun rəqibi Polşa nümayəndəsi İvona Mathovsha oldu.[204] Bu görüşdə də Mariya Stadnik rəqibinə vaxtından əvvəl 10:0 hesabı ilə qalib gəldi və olimpiadanın yarım-final mərhələsinə adladı.[204] Finala gedən yolda isə onun rəqibi Bolqarıstan nümayəndəsi Elitsa Yanhova oldu.[204] Həmin görüşün birinci hissəsində 4:0 hesabı ilə qalib gələn Mariya Stadnik, növbəti hissədə rəqibi üzərində təmiz qələbə qazandı və Rio-de-Janeyro Olimpiadasının final görüşünə vəsiqə qazandı.[204][205] Həlledici görüşdə onun rəqibi Yaponiya nümayəndəsi Eri Tosaha oldu.[204] Bir il əvvəl Las-Veqas şəhərində baş tutan Dünya Çempionatının final görüşündə Mariya Stadnik rəqibinə gərgin idman mübarizəsi şəraitində baş tutan görüşün nəticəsində məğlub olmuşdu.

XXXI Yay Olimpiya Oyunlarının medalçıları: gümüş medalçı Azərbaycan nümayəndəsi Mariya Stadnik, qızıl medalçı Yaponiya nümayəndəsi Eri Tosaha, bürünc medalçılar Çin nümayəndəsi Sun Yanan və Bolqarıstan nümayəndəsi Elitsa Yanhova (18 avqust 2016-cı il)

Mariya Stadnik və Eri Tosaha arasında baş tutan Rio-de-Janeyro Olimpiadasının final görüşü gərgin idman mübarizəsi şəraitində baş tutdu.[204] Mariya Stadnik 1:06-cı dəqiqədə Eri Tosahadan bir bal almağı bacardı — 1:0. Görüşün birinci hissə Mariya Stadnikin 1:0 hesablı qələbəsi ilə başa çatdı. Görüşün növbəti hissəsində Eri Tosaha passiv mübarizə apardığına görə Mariya Stadnika daha bir bal verildi — 2:0. Görüşün başa çatmasına bir dəqiqə qalan bu səfər Mariya Stadnik passiv mübarizə apardığına görə Eri Tosahaya bir bal verildi — 2:1. Görüşün başa çatmasına 20 saniyə qala Mariya Stadnik müdafiə olunmaq əvəzinə, hücuma başladı. Nəticədə isə görüşün başa çatmasına üç saniyə qala Mariya Stadnikin hücumu uğursuz oldu və nəticədə Eri Tosaha rəqibindən bir bal verildi — 2:3.[204] Bununla da Mariya Stadnik sona üç qala Olimpiya Oyunlarının qızıl medalını əldən verdi.[204] Təltifetmə mərasimi zamanı gümüş medal təqdim edilən zaman Mariya Stadnik göz yaşlarını saxlaya bilmədi.[206][207] Mərasimdən sonra Mariya Stadnika Beynəlxalq Olimpiya Komitəsinin (BOK) Prezidenti Tomas Bax və Ümumdünya Güləş Birliyinin (UWW) Prezidenti Nenad Laloviç təsəlli verdi.[208] Mariya Stadnik həm də Azərbaycanın Olimpiya Oyunları tarixinə üç olimpiada da medal qazanmağı bacaran birinci idmançı olaraq düşdü. Mariya Stadnik olimpiadadan sonra müsahibəsində bunları bildirdi: "həmin yaponiyalı qıza Dünya Çempionatının final görüşündə də son saniyələrdə məğlub olmuşdum. İndi də son saniyələrdə məğlub oldum. Ciddi hazırlığım var idi. Hazırlıq prosesi aylarla davam eləmişdi. Məğlubiyyətə görə məyus olsam da, medal qazana bildiyim üçün şadam. 2020-ci ildə də olimpiadada mübarizə aparacam".

Azərbaycan Prezidenti İlham Əliyevin 1 sentyabr 2016-cı il tarixli Sərəncamına əsasən XXXI Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Mariya Vasili qızı Stadnik 2-ci dərəcəli "Vətənə xidmətə görə" ordeni ilə təltif edildi.[209]

2016-cı il sentyabrın 2-də Azərbaycan Prezidenti İlham Əliyev XXXI Yay Olimpiya Oyunlarında mübarizə aparan Azərbaycan Milli Olimpiya Komandasının üzvlərini qəbul edən zaman Mariya Stadnikin mübarizəsini xüsusi vurğuladı.[210]

2016-cı ilin nəticələrinə əsasən Mariya Stadnik Gənclər və İdman Nazirliyinin versiyasına görə ilin ən yaxşı idmançıların biri seçildi.[211] Azerisport.com idman portalının oxucularına görə ilin ən yaxşı üçüncü idmançısı seçilən Mariya Stadnik, həmçinin Odessa şəhərində VIII Beynəlxalq "Qızıl Manqust" ödülünə layiq görüldü.[212][213]

2017-ci il: Serbiyada qazanılan altıncı Avropa çempionluğu[redaktə | mənbəni redaktə et]

Mariya Stadnik olimpiadadan sonra 2017-ci ilin 12–20 yanvarında Hindistanda baş tutan II Pro Wrestling League turnirində mübarizə apardı. Mariya Stadnik bu turnirdə Delhi Sultansın heyətində çıxış elədi.[214] Mariya Stadnik turnir ərzində Hindistan nümayəndəsi Ritu Foqata 16:0,[215] Hindistan nümayəndəsi İndu Çaudhariya 16:0,[216] Kolumbiya nümayəndəsi Karolina Kastilloya 5:0 (təmiz qələbə),[217] Bolqarıstan nümayəndəsi Elitsa Yanhovaya isə 11:1[218] hesabları ilə qalib gəldi. Mariya Stadnik dörd görüşün hamısında asan qələbə qazansa da, ümumi nəticədə Delhi Sultans qrup mərhələsini beşinci pillədə başa vurdu.[219]

Mariya Stadnikin 2017-ci ildə birinci beynəlxalq turniri 2–8 mayda Serbiyanın Novi-Sad şəhərində baş tutan Avropa Çempionatı idi.[220] Mariya Stadnikin turnirdə birinci rəqibi Polşa nümayəndəsi Anna Luhasiah idi.[221] Həmin görüşdə Mariya Stadnik rəqibinə vaxtından əvvəl 10:0 hesabı ilə qalib gəldi və növbəti mərhələdə adladı.[221] Bu mərhələdə onun rəqibi Türkiyə nümayəndəsi Evin Demirhan oldu.[221] Bu görüşdə də Mariya Stadnik rəqibi üzərində vaxtından əvvəl qələbə qazandı (14:1) və turnirin yarım-final mərhələsinə adladı.[221] Finala gedən yolda isə onun rəqibi Rumıniya nümayəndəsi Alina Vuç oldu.[221] Üçüncü görüşündə də Mariya Stadnik rəqibinə vaxtından əvvəl qalib gəldi (10:0) və altıncı dəfə Avropa Çempionatının final görüşünə vəsiqə qazandı.[221] Həlledici görüşdə onun rəqibi Ukrayna nümayəndəsi İlona Semhiv oldu.[221] Final görüşündə də Mariya Stadnik rəqibi üzərində vaxtından əvvəl 10:0 hesabı ilə qələbə qazandı və altıncı dəfə Avropa Çempionatının qızıl medalına sahib oldu.[221]

Azərbaycanın Birinci vitse-prezidenti Mehriban Əliyeva IV İslam Həmrəyliyi Oyunlarının qızıl medalını Mariya Stadnika təqdim edən zaman (21 may 2022-ci il)

Avropa Çempionatından cəmi on gün sonra Mariya Stadnik IV İslam Həmrəyliyi Oyunlarında mübarizə apardı.[222] Mariya Stadnik turnirin birinci görüşündə Əlcəzair nümayəndəsi Çayma Yahiau ilə üz-üzə gəldi.[223] Həmin görüşdə Mariya Stadnik rəqibinə vaxtından əvvəl 10:0 hesabı ilə qalib gəldi.[223] Növbəti görüşdə isə onun rəqibi Türkiyə nümayəndəsi Evin Demirhan oldu.[223] Bu görüşdə də Mariya Stadnik rəqibi üzərində vaxtından əvvəl 10:0 hesabı ilə qələbə qazandı və IV İslam Həmrəyliyi Oyunlarının qalibi oldu.[223][224] Təltifetmə mərasimi zamanı ona qızıl medalı Azərbaycanın Birinci vitse-prezidenti Mehriban Əliyeva təqdim elədi.

2017-ci ilin əsas turniri 20–26 avqustda Fransanın Paris şəhərində baş tutan Dünya Çempionatı idi. Azərbaycan Güləş Federasiyası Mariya Stadnikin zədəli olduğuna görə həmin turnirdə mübarizə apara bilməcəyini bildirdi.[225][226] Dünya Çempionatından dörd ay sonra isə Mariya Stadnik müsahibəsində "İslamiadadan sonra istirahət eləməyi qərara aldığını və buna görə də çempionatda mübarizə aparmadığını" bildirdi.[227]

2017-ci il ərzində Avropa Çempionatının və İslam Həmrəyliyi Oyunlarının qalibi olan Mariya Stadnik Gənclər və İdman Nazirliyinin versiyasına görə ilin ən yaxşı on idmançısından biri seçildi.[228]

2018-ci il: Yeddinci Avropa çempionluğu və Dünya Çempionatında final[redaktə | mənbəni redaktə et]

2018-ci ildə Mariya Stadnikin birinci turniri 16–18 fevralda İsveçin Klippan şəhərində baş tutan Klippan Lady Open beynəlxalq turniri idi.[229] Turnirin 1/8 final mərhələsində Rumıniya nümayəndəsi Alina Vuça 10:0, 1/4 final mərhələsində isə Kanada nümayəndəsi Cessiha McDonald 12:0 hesabı ilə vaxtından əvvəl qalib gələn Mariya Stadnik, yarım-final mərhələsində ABŞ nümayəndəsi Emi Farnsid üzərində də vaxtından əvvəl qələbə qazandı (10:0) və turnirin final görüşünə vəsiqə qazandı.[229] Həlledici görüşdə isə onun rəqibi Yaponiya nümayəndəsi Yui Susahi oldu.[229] Gərgin idman mübarizəsi şəraitində baş tutan görüş 2:2 hesabı ilə başa çatsa da, son balı Yaponiya nümayəndəsi Yui Susahi aldığına görə görüşün qalibi oldu.[230] Mariya Stadnik isə Klippan Lady Open beynəlxalq turnirinin gümüş medalına sahib oldu.[230]

Apreldə baş tutacaq Avropa Çempionatına hazırlıq məqsədilə Mariya Stadnik 22–25 martda Bolqarıstanın Sofiya şəhərində baş tutan beynəlxalq turnirdə mübarizə apardı.[231] Mariya Stadnik turnirin 1/8 final mərhələsində Fransa nümayəndəsi Tabata Qrunevala 11:0, 1/4 final mərhələsind isə Polşa nümayəndəsi Aqata Valerzaha 10:0 hesabı ilə vaxtından əvvəl qalib gəldi və yarım-final mərhələsinə adladı.[232] Finala gedən yolda onun rəqibi Rusiya nümayəndəsi Nadejda Soholova oldu.[232] Bu görüşdə də Mariya Stadnik rəqibi üzərində vaxtından əvvəl qələbə qazandı (14:4) və turnirin final görüşünə vəsiqə qazandı.[232] Həlledici görüşdə isə onun rəqibi digər Rusiya nümayəndəsi Milana Dadaşova oldu.[233] Final görüşündə də Mariya Stadnik rəqibi üzərində inamlı qələbə qazandı (14:4) və beynəlxalq turnirin qalibi oldu.[233] Bundan sonra bütün diqqətlər Avropa Çempionatında oldu.

Mariya Stadnik 30 aprel-6 mayda Rusiyanın Xəzərli şəhərində baş tutan Avropa Çempionatının "bir nömrəli" favoriti idi.[234][235] Mariya Stadnik Avropa Çempionatında mayın 2-də mübarizə apardı.[236] Onun 1/8 final mərhələsində rəqibi Almaniya nümayəndəsi Jaqelin Şellin idi.[237] Həmin görüşdə Mariya Stadnik rəqibinə vaxtından əvvəl 10:0 hesabı ilə qalib gəldi və 1/4 final mərhələsinə adladı.[237] Bu mərhələdə onun rəqibi Rusiya nümayəndəsi Milana Dadaşova oldu.[237] Mariya Stadnik martda qalib gəldiyi rəqibi üzərində bu səfər də vaxtından əvvəl 10:0 hesabı ilə qələbə qazandı və turnirin yarım-final mərhələsinə adladı.[237] Finala gedən yolda onun rəqibi Belarus nümayəndəsi Kseniya Stanheviç oldu.[237] Üçüncü görüşündə də Mariya Stadnik rəqibinə vaxtından əvvəl 10:0 hesabı ilə qalib gəldi və Avropa Çempionatının final görüşünə vəsiqə qazandı.[237] Həlledici görüşdə onun rəqibi Rumıniya nümayəndəsi Alina Vuç oldu.[237] Mayın 3-də baş tutan final görüşündə Alina Vuç Mariya Stadnikin qarşısında aciz idi.[238] Cəmi 32 saniyə ərzində Mariya Stadnik rəqibi üzərində 10:0 hesabı ilə vaxtından əvvəl qələbə qazandı.[238][239] 32 saniyə ərzində qələbə güləş tarixində nadir görünən hadisələrdən idi. Ümumiyyətlə Mariya Stadnik turnir ərzində dörd görüşün hamısında rəqibinə bir bal belə vermədən qalib gəldi (40:0).[240] Bununla da Mariya Stadnik yeddinci dəfə Avropa Çempionatının qızıl medalına sahib oldu.[238][241] Avro turnirlərdə 8-ci qızıl medalına sahib olan Mariya Stadnik final görüşündən sonra müsahibəsində "8 rəqəminin sonsuzluqun rəmzi olduğunu bildirdi".[242][243]

Dünya Çempionatından əvvəl Mariya Stadnik 6–10 sentyabrda Polşanın Varşava şəhərində baş tutan Poland Open beynəlxalq turnirində mübarizə apardı.[244] Turnirin 1/16 final mərhələsində Kolumbiya Karolina Kastilloya 10:0, 1/8 final mərhələsində ABŞ nümayəndəsi Vitne Kondera 10:0, 1/4 final mərhələsində isə Ukrayna nümayəndəsi Ohsana Livaça 10:0 hesabları ilə qalib gələn Mariya Stadnik, yarım-final mərhələsində Rusiya nümayəndəsi Nadejda Soholova üzərində 11:1 hesabı ilə qələbə qazandı və final görüşünə vəsiqə qazandı.[245] Həlledici görüşdə isə onun rəqibi digər Ukrayna nümayəndəsi İlona Semhiv oldu.[246] Bu görüşdə də Mariya Stadnik rəqibinə vaxtından əvvəl qalib gəldi (14:2) və Poland Open beynəlxalq turnirinin qalibi oldu.[246]

2018-ci ilin əsas turniri Macarıstanın Budapeşt şəhərində baş tutan Dünya Çempionatı idi.[247] Mariya Stadnik turnirin təsnifat mərhələsindən azad idi.[248] Mariya Stadnikin 1/8 final mərhələsində rəqibi İsveç nümayəbdəsi Fredriha Petersson oldu.[249] Həmin görüşdə Mariya Stadnik rəqibinə vaxtından əvvəl 10:0 hesabı ilə qalib gəldi və 1/4 final mərhələsinə adladı.[249] Bu mərhələdə onun rəqibi 2016-cı il Rio-de-Janeyro Olimpiadasının bürünc medalçısı olan Çin nümayəndəsi Sun Yanan oldu.[249] Bu görüşdə də Mariya Stadnik rəqibi üzərində vaxtından əvvəl 10:0 hesabı ilə qələbə qazandı və turnirin yarım-final mərhələsinə adladı.[249] Finala gedən yolda onun rəqibi Şimali Koreya nümayəndəsi Kim Son-Hyan oldu.[249] Gərgin idman mübarizəsi şəraitində baş tutan görüşdə Mariya Stadnik rəqibinə 4:2 hesabı ilə qalib gəldi və dördüncü dəfə Dünya Çempionatının final görüşünə vəsiqə qazandı.[249] Həlledici görüşdə onun rəqibi son Dünya Çempionatının qalibi olan Yaponiya nümayəndəsi Yui Susahi oldu.[249][250] Final görüşündə Mariya Stadnik rəqibinə 0:10 hesabı ilə məğlub oldu və üçüncü dəfə Dünya Çempionatının gümüş medalına sahib oldu.[250] Karyerası ərzində Mariya Stadnik birinci dəfə rəqibinə vaxtından əvvəl məğlub olurdu.[251] Turnirdən sonra Mariya Stadnik müsahibəsində "məşqçilərin tapşırıqlarını yerinə yetirmədiyinə və öz səhvlərinə görə məğlub olduğunu" bildirdi.[252]

2018-ci ilin nəticələrinə əsasən Mariya Stadnik Gənclər və İdman Nazirliyinin versiyasına görə ilin ən yaxşı on idmançısından biri seçildi.[253] Azerisport.com idman portalını versiyasına görə isə Mariya Stadnik ilin ən yaxşı beşinci idmançısı seçildi.[254]

2019-cu il: On ildən sonra qazanılan Dünya çempionluğu[redaktə | mənbəni redaktə et]

2019-cu il Mariya Stadnik üçün önəmli bir idi. İyunda Belarusda II Avropa Oyunları, sentyabrda isə olimpiadaya lisenziya verən Dünya Çempionatı baş tutacaqdı.[255] Mariya Stadnik apreldə Rumıniyanın Buxarest şəhərində baş tutan Avropa Çempionatında zədə səbəbindən mübarizə apara bilmədi.[256][257]

Mariya Stadnikin 2019-cu ildə birinci turniri 20–30 iyunda Belarusda baş tutan II Avropa Oyunları oldu.[258][259] Dörd il əvvəl Avropa Oyunlarının qalibi olan Mariya Stadnik, bu səfərdə qızıl medala iddialı idi.[260][261] Mariya Stadnik II Avropa Oyunlarında iyunun 27-də mübarizə apardı.[262] Onun 1/4 final mərhələsində Polşa nümayəndəsi Anna Luhasiah oldu.[262] Həmin görüşdə Mariya Stadnik rəqibinə vaxtından əvvəl 10:0 hesabı ilə qalib gəldi və turnirin yarım-final mərhələsinə adladı.[262] Bu mərhələdə isə onun rəqibi Türkiyə nümayəndəsi Evin Demirhan oldu.[262] Həmin görüşdə Mariya Stadnik rəqibi üzərində 6:1 hesabı ilə qələbə qazandı və Avropa Oyunlarının final görüşünə vəsiqə qazandı.[263][264] Həlledici görüşdə onun rəqibi Ukrayna nümayəndəsi Ohsana Livaç oldu. İyunun 28-də baş tutan final görüşündə Mariya Stadnik rəqibinə 8:1 hesabı ilə qalib gəldi və II Avropa Oyunlarının qalibi oldu.[265] Bununla da o, 2 dəfə Avropa Oyunlarının qalibi olan birinci azərbaycanlı idmançı oldu.[266][267][268]

2019-cu ilin əsas turniri 14–22 sentyabrda Qazaxıstanın Nur-Sultan şəhərində baş tutan Dünya Çempionatı idi.[269] Bu turnir 2020-ci ildə baş tutacaq olimpiadaya lisenziya verirdi.[270] 2020-ci ildə olimpiada Yaponiyada baş tutacağına görə Yaponiya yığmasının üzvləri lisenziyalar uğrunda mübarizə aparmadı və turnirdə əsasən əvəzedici heyətlə çıxış elədilər. Mariya Stadnikin əsas rəqibi hesab olunan Yui Susahi də bu çempionatda mübarizə aparmadı. Mariya Stadnik Dünya Çempionatında sentyabrın 17-də mübarizə apardı.[271] Onun təsnifat mərhələsində rəqibi Nigeriya nümayəndəsi Mersi Qeqenis oldu.[272] Həmin görüşdə Mariya Stadnik rəqibinə vaxtından əvvəl 10:0 hesabı ilə qalib gəldi və 1/8 final mərhələsinə adladı.[272] Bu mərhələdə onun rəqibi Hindistan nümayəndəsi Sema Bisla oldu.[272] Bu görüşdə də Mariya Stadnik rəqibi üzərində qələbə qazandı (10:2) və 1/4 final mərhələsinə adladı.[272] Bu mərhələdə isə onun rəqibi Rusiya nümayəndəsi Yehaterina Polişuh oldu.[272] Üçüncü görüşdə də Mariya Stadnik rəqibinə asanlıqla qalib gəldi (11:0) və turnirin yarım-final mərhələsinə adladı.[272] Finala gedən yolda isə onun rəqibi 2016-cı il Rio-de-Janeyro Olimpiadasının bürünc medalçısı olan Çin nümayəndəsi Sun Yanan oldu.[272] Sun Yanan bundan əvvəl Yaponiya yığmasının əvəzedici üzvünə qalib gəlmişdi. Gərgin idman mübarizəsi şəraitində baş tutan görüşdə Mariya Stadnik rəqibi üzərində 6:4 hesabı ilə qələbə qazandı və dördüncü dəfə Dünya Çempionatının final görüşünə vəsiqə qazandı.[272][273] Həlledici görüşdə onun rəqibi Rumıniya nümayəndəsi Alina Vuç oldu.[272] Bundan əvvəl Mariya Stadnik Alina Vuç ilə dəfələrlə üz-üzə gəlmişdi və hər dəfə rəqibinə vaxtından əvvəl qalib gəlmişdi.[274] Sentyabrın 18-də baş tutan final görüşündə də Mariya Stadnik rəqibinə heç bir şans vermədi.[275] Final görüşündə Mariya Stadnik rəqibi üzərində 14:0 hesabı ilə qələbə qazandı və 10 ildən sonra növbəti dəfə Dünya Çempionatının qalibi oldu.[275] Bununla da o, 2 dəfə Dünya Çempionatının qalibi olmağı bacaran birinci azərbaycanlı qadın güləşçi, ümumiyyətlə isə bu uğura imza atan üçüncü azərbaycanlı güləşçi oldu.[276] Mariya Stadnik həm də bir il sonra baş tutacaq olimpiadaya da lisenziyanı təmin elədi.[277] Dünya çempionluğundan sonra Mariya Stadnik müsahibəsində "bir il sonra həyatımın əsas medalını — Olimpiya qızılını qazanmalıyam" bildirdi.[274][278][279]

2019-cu il ərzində Avropa Oyunlarının və Dünya Çempionatının qalibi olan Mariya Stadnik, Gənclər və İdman Nazirliyinin versiyasına görə ilin ən yaxşı on idmançısından biri seçildi.[280] Azerisport.com idman portalının versiyasına görə isə Mariya Stadnik 2019-cu ilin ən yaxşı dördüncü idmançısı elan edildi.[281]

2020-ci il: COVID-19 pandemiyası səbəbilə fasilə[redaktə | mənbəni redaktə et]

2020-ci ilin əsas turniri avqustda Yaponiyada baş tutacaq XXXII Yay Olimpiya Oyunları idi. Mariya Stadnikin olimpiadaya hazırlıq prosesi yanvarda Kiyev şəhərində fərdin məşqlərlə başladı.[282] Martda qadın güləşçilərdən ibarət Azərbaycan yığması Belarusda təlim-məşq toplanışlarında olsa da, Mariya Stadnik olimpiadaya Kiyev şəhərində fərdi məşq proqamında hazırlaşırdı.[283][284]

2020-ci ilin əvvəlindən etibarən bütün dünyanı cənginə alan COVID-19 pandemiyası ilə bağlı bir sıra turnirlər təxirə salındı. Əvvəlcə mart ayında baş tutmalı olan Avropa Olimpiya Təsnifat Turniri, sonra isə may ayında baş tutmalı olan Dünya Olimpiya Təsnifat Turniri Ümumdünya Güləş Birliyinin (UWW) qərarına əsasən təxirə salındı.[285][286] Nəhayət 2020-ci il martın 24-də Beynəlxalq Olimpiya Komitəsi (BOK) tərəfindən 2020-ci ilin iyul-avqust aylarında baş tutması nəzərdə tutulan XXXII Yay Olimpiya Oyunlarının 2021-ci ilə təxirə salınması barədə qərar qəbul edildi.

2021-ci il: Dördüncü dəfə qazanılan Olimpiya medalı[redaktə | mənbəni redaktə et]

2021-ci ilin iyul-avqust aylarında Yaponiyada XXXII Yay Olimpiya Oyunları baş tutacaqdı. Karyerasında dördüncü dəfə olimpiada da mübarizə aparacaq Mariya Stadnik ciddi hazırlıq prosesində idi.[287] 2021-ci ildə onun birinci turniri 18–25 apreldə Polşanın Varşava şəhərində baş tutan Avropa Çempionatı oldu.[288] Mariya Stadnik turnirdə aprelin 21-də mübarizə apardı.[289] Onun çempionatda birinci rəqibi Rusiya nümayəndəsi Yekaterina Poleşuh oldu.[290] Həmin görüşdə Mariya Stadnik rəqibi üzərində vaxtından əvvəl 11:0 hesabı ilə qələbə qazandı və turnirin yarım-final mərhələsinə adladı.[290] Finala gedən yolda onun rəqibi Ukrayna nümayəndəsi Ohsana Livaç oldu.[290] Bu görüşdə Mariya Stadnik rəqibinə 10:4 hesabı ilə qalib gəldi və Avropa Çempionatının final görüşünə vəsiqə qazandı.[290][291] Həlledici görüşdə isə onun rəqibi Bolqarıstan nümayəndəsi Miqlena Selişha oldu.[292] Bu görüşdə Mariya Stadnik rəqibi üzərində 8:2 hesabı ilə qələbə qazandı.[292] Bu minvalla da o, 8-ci dəfə Avropa Çempionatının qalibi oldu.[292][293][294] Ümumi olaraq isə Mariya Stadnik mübarizə apardığı 8 Avropa Çempionatında və 2 Avropa Oyunlarında 100 faizlıq nəticə göstərdi və hamısında qızıl medallara sahib oldu.[295][296] Mariya Stadnik turnirdən sonra müsahibəsində "Avropa Çempionatını olimpiadadan əvvəl əsas hazırlıq prosesi" olaraq qiymətləndirdi.[297]

Olimpiadadan əvvəl Mariya Stadnikin sonuncu turniri 8–14 iyunda Polşanın Varşava şəhərində baş tutan Poland Open beynəlxalq turniri oldu.[298] Turnirin 1/8 final mərhələsində Rumıniya nümayəndəsi Alina Vuça 12:2, 1/4 final mərhələsində isə ABŞ nümayəndəsi Erin Qolstona 10:0 hesabları ilə qalib gələn Mariya Stadnik, turnirin yarım-final mərhələsində Rusiya nümayəndəsi Mariya Tyumerehova üzərində 11:1 hesabı ilə qələbə qazandı və turnirin final görüşünə vəsiqə qazandı. Həlledici görüşdə onun rəqibi Ukrayna nümayəndəsi Ohsana Livaç oldu. Final görüşündə də Mariya Stadnik rəqibinə qalib gəldi (10:4) və Poland Open beynəlxalq turnirinin qalibi oldu.[299] Bundan sonra heç bir turnirdə mübarizə aparmayan Mariya Stadnik, təlim-məşq toplanışlarında olimpiadaya hazırlığına davam elədi. İyulda isə bütün diqqətlər XXXII Yay Olimpiya Oyunlarında oldu.

XXXII Yay Olimpiya Oyunları

border=none Əsas məqalə: Azərbaycan 2020 Yay Olimpiya Oyunlarında

2021-ci ilin əsas turniri 22 iyul-8 avqustunda Yaponiyada baş tutan XXXII Yay Olimpiya Oyunları idi.[300][301] Karyerasında dördüncü dəfə olimpiadalarda mübarizə Mariya Stadnik, Azərbaycanın Olimpiya Oyunları tarixində nailiyyətə imza atdı.[302] Mariya Stadnik dörd olimpiadada çıxış edən birinci azərbaycanlı güləşçisi oldu. Olimpiadadan əvvəl Ümumdünya Güləş Birliyi (UWW) Mariya Stadnikin və Yaponiya nümayəndəsi Yui Susahinin birinci yarım-qrupda olacağını bildirdi. Bununla da Mariya Stadnik və Yui Susahi olimpiadanın final görüşündə yox, ən yaxşı halda olimpiadanın yarım-final mərhələsində üz-üzə gələ bilərdi.[303][304] Ümumdünya Güləş Birliyinin (UWW) iyulun 8-də açıqladığı reytinq cədvəlinə əsasən Mariya Stadnik birinci pillədə qərarlaşmışdı.[305] Olimpiadalarda 2008-ci ildə bürünc, 2012 və 2016-cı illərdə isə gümüş medallara sahib olan Mariya Stadnik, bu səfər qızıl medala iddialı idi.[306][307][308] Mariya Stadnik olimpiadada avqustun 6-da mübarizə apardı.[309] Mariya Stadnikin 1/8 final mərhələsində rəqibi Rusiya Olimpiya Komitəsini təmsil edən idmançı Stalvira Orşuş oldu.[310] Gərgin idman mübarizəsi şəraitində baş tutan görüşdə Mariya Stadnik rəqibinə 11:8 hesabı ilə qalib gəldi və 1/4 final mərhələsinə adladı.[311] Bu mərhələdə onun rəqibi Tunis nümayəndəsi Sarra Həmdi oldu.[311] Həmin görüşdə Mariya Stadnik rəqibi üzərində vaxtından əvvəl 10:0 hesabı ilə qələbə qazandı və olimpiadanın yarım-final mərhələsinə adladı.[311][312] Finala gedən yolda isə onun rəqibi Yaponiya nümayəndəsi Yui Susahi oldu.[311] Mariya Stadnik və Yui Susahi sonuncu dəfə 2018-ci il Dünya Çempionatının final görüşündə üz-üzə gəlmişdi və onda Yui Susahi asan qələbə qazanmışdı. Bu səfərdə eyni ssenari baş verdi. Yui Susahi Mariya Stadnik üzərində vaxtından əvvəl 11:0 hesabı ilə qələbə qazandı və olimpiadanın final görüşünə vəsiqə qazandı.[311] Mariya Stadnik isə bürünc medal uğrunda mübarizə apardı.[311] Bu görüşdə onun rəqibi Monqolustan nümayəndəsi Tsoq-Oçirin Namuuntsetseq oldu.[313] Həmin görüşdə Mariya Stadnik rəqibinə vaxtından əvvəl 10:0 hesabı ilə qalib gəldi və XXXII Yay Olimpiya Oyunlarının bürünc medalına sahib oldu.[313][314][315] Dörd dəfə (2008, 2012, 2016 və 2020-ci illər) Olimpiya Oyunlarının medalına sahib olmağı bacaran Mariya Stadnik, Azərbaycanın Olimpiya Oyunları tarixində dörd medala sahib olan birinci idmançı oldu.[316][317] Mariya Stadnik həm də dünya güləşinin tarixinə düşdü. Yaponiya nümayəndələri Kaori İço və Saori Yoşidadan sonra dörd olimpiada da medala sahib olmağı bacaran üçüncü qadın güləşçi oldu.[318] Mariya Stadnik təltifetmə mərasimindən sonra müsahibəsində bunları bildirdi: "Əlbəttə mən çox şadam. Dünən məyus idim məğlubiyyətə görə. Qızıl medala çata bilmədim. Amma bu gün bürünc medala görə də şadam.".[319]

Azərbaycan Prezidenti İlham Əliyevin 12 avqust 2021-ci il tarixli Sərəncamına əsasən XXXII Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Mariya Vasili qızı Stadnik 1-ci dərəcəli "Vətənə xidmətə görə" ordeni ilə təltif edildi.[320]

Olimpiadadan sonra Norveçin Oslo şəhərində Dünya Çempionatı baş tutdu. Mariya Stadnik və ümumiyyətlə güləş üzrə Azərbaycan yığmasının bir sıra aparıcı üzvləri Olimpiya Oyunlarından sonra istirahətə ehtiyac olduğları üçün həmin turnirdən mübarizə aparmağdan imtina elədi.[321]

2021-ci ilin nəticələrinə əsasən Mariya Stadnik Azerisport.com idman portalının versiyasına görə ilin ən yaxşı on idmançısından biri seçildi.[322]

2022-ci il: İslam Həmrəyliyi Oyunlarında qələbə[redaktə | mənbəni redaktə et]

2022-ci il ərzində Mariya Stadnik müharibəyə görə bir müddət beynəlxalq turnirlərdə mübarizə apara bilmədi. Əslən Lvov şəhərindən olan Mariya Stadnik, 2022-ci il fevralın 24-də Rusiyanın Ukraynada apardığı müharibəyə görə daimi olaraq Azərbaycanda yaşamağa başladı. Mariya Stadnik martda baş tutan Avropa Çempionatında mübarizə apara bilmədi. Mariya Stadnikin il ərzində birinci təlim-məşq toplanışı iyul ayında oldu.[323] Əsas məqsəd isə V İslam Həmrəyliyi Oyunlarına hazırlıq idi.

Mariya Stadnik (qırmızı geyimdə) V İslam Həmrəyliyi Oyunlarının final görüşündə Özbəkistan nümayəndəsi Casmina İmmayevaya (göy geyimdə) çevirmə fəndini tətbiq edən zaman (10 avqust 2022-ci il)

V İslam Həmrəyliyi Oyunları 8–18 avqustda Konya şəhərində baş tutdu.[324] 2017-ci ildə də İslam Həmrəyliyi Oyunlarının qalibi olan Mariya Stadnik, bu səfərdə qələbəyə əsas favorit idi.[325] Mariya Stadnik qrup mərhələsində əvvəlcə Qazaxıstan nümayəndəsi Svetlana Anhiçevaya 10:0, sonra isə Türkiyə nümayəndəsi Əminə Çataloğluna 10:0 hesabları ilə qalib gəldi və turnirin yarım-final mərhələsinə adladı.[326] Finala gedən yolda onun rəqibi Tunis nümayəndəsi Sarra Hamdi oldu. Bu görüşdə də Mariya Stadnik rəqibi üzərində vaxtından əvvəl 10:0 hesabı ilə qələbə qazandı və turnirin final görüşünə vəsiqə qazandı.[326] Həlledici görüşdə onun rəqibi Özbəkistan nümayəndəsi Casmina İmmayeva oldu. Final görüşündə də Mariya Stadnik rəqibinə vaxtından əvvəl 10:0 hesabı ilə qalib gəldi və V İslam Həmrəyliyi Oyunlarının qalibi oldu.[326][327] Mariya Stadnik dörd görüşün hamısında vaxtından əvvəl qalib gəldi və rəqiblərinə bir bal belə vermədi.[326] Mariya Stadnik final görüşündən sonra müsahibəsində bunları bildirdi: "Çıxışıma görə çox şadam. Bu gün çıxışımı birinci dəfə tribunadan övladlarım canlı izlədi. Hər dəfə mənə dəstəyini göstərirdilər. Qızım mənim 20 saniyəyə qazandığım qələbəyə görə 30 dəqiqə gözlədi. Qızıma sıxıcı olmasın deyə final görüşündə bir az mübarizə apardım."[328]

V İslam Həmrəyliyi Oyunlarında qələbədən sonra Mariya Stadnik sentyabrda Serbiyanın Belqrad şəhərində baş tutacaq Dünya Çempionatında mübarizə aparmalı idi.[329][330] Amma avqustun sonlarında Mariya Stadnik məşq zamanı zədə aldı və Dünya Çempionatını buraxmalı oldu.[331][332][333]

2023-cü il:[redaktə | mənbəni redaktə et]

Mariya Stadnikin 2023-cü ildə birinci turniri fevralda Xorvatiyanın Zaqreb şəhərində baş tutacaq Zagreb Open beynəlxalq turniri oldu.[334][335] Mariya Stadnik turnirin 1/8 final mərhələsində Özbəkistan nümayəndəsi Ağtenqe Keunimjayevaya vaxtından əvvəl 10:0 hesabı ilə qalib gəldi və turnirin 1/4 final mərhələsinə adladı. Bu mərhələdə onun rəqibi Monqolustan nümayəndəsi Otqonjarqal Dolqorjav oldu. Gərgin idman mübarizəsi şəraitində baş tutan görüşdə Mariya Stadnik rəqibi üzərində 6:2 hesabı ilə qələbə qazandı və turnirin yarım-final mərhələsinə adladı. Finala gedən yolda isə onun rəqibi Yaponiya nümayəndəsi Yui Susahi oldu. Amma Mariya Stadnik son görüşdə zədə aldığına görə turnirdə mübarizəni dayandırdığını bildirdi və bürünc medal uğrunda görüşdəndə imtina elədi. Nəticədə Mariya Stadnik Zagreb Open beynəlxalq turnirini beşinci pillədə başa vurdu.[336]

Mariya Stadnikin növbəti turniri 2–5 martda Bolqarıstanın Sofiya şəhərində baş tuta D. Kolov və N. Petrovun xatirəsinə həsr olunan beynəlxalq turnir oldu.[337] İdeal idman formasını bərpa edən Mariya Stadnik turnirin 1/4 final mərhələsində Bolqarıstan nümayəndəsi Miqlena Selişhaya 10:0, 1/2 final mərhələsində isə Şimali Makedoniya nümayəndəsi Veroniha Ryabolovaya 10:0 hesabları ilə qalib gəldi və turnirin final görüşünə vəsiqə qazandı.[338] Həlledici görüşdə isə onun rəqibi Qazaxıstan nümayəndəsi Svetlana Anhiçeva oldu. Bu görüşdə də Mariya Stadnik rəqibi üzərində vaxtından əvvəl 10:0 hesabı ilə qələbə qazandı və beynəlxalq turnirin qızıl medalına sahib oldu.[339] Bu onun 2023-cü ildə qazandığı birinci uğur idi.[340]

Nəticələri[redaktə | mənbəni redaktə et]

Mariya Stadnik Ümümdünya Güləş Birliyinin (UWW) rəsmi məlumatlarına əsasən 2003–2023-cü illərdə 49 beynəlxalq turnirdə mübarizə aparıb.[5] Dörd Olimpiya Oyunlarının hamısında medallara sahib olan Mariya Stadnik, yeddi dəfə Dünya Çempionatlarında mübarizə aparıb və 2007-ci ildə baş tutan turnir istisna olmaqla digər altı çempionatın hamısında medallara sahib olub.[5] Karyerası ərzində 2 dəfə Avropa Oyunlarında, 8 dəfə isə Avropa Çempionatlarında çıxış edən Mariya Stadnik, bu turnirlərdə 100 faizlıq nəticə göstərib və hamısında qalib olub.[5] Ümumi olaraq Mariya Stadnik 49 beynəlxalq turnirin 36-da qızıl, 7-də gümüş, 4-də isə bürünc medallara sahib olub.[5] Karyerasında medalsız başa vurduğu turnirlər 2007-ci ildə Dünya Çempionatı və 2023-cü ildə Zaqreb Open beynəlxalq turniri və Dünya Çempionatıdır.[5]

  • Komanda turnirləri:
Sıra
İl
Yarış
Şəhər
Nəticə
1
2015
 Komandalararası Dünya Kuboku Rusiya Rusiya
5.

Dövlət təltifləri[redaktə | mənbəni redaktə et]

Mariya Stadnik Azərbaycan Prezidenti İlham Əliyevin Sərəncamlarına əsasən Azərbaycan idmanında xidmətlərinə görə üç dəfə orden, bir dəfə medal, bir dəfə isə fəxri diplomla təltif edilib.

Azərbaycan Prezidenti İlham Əliyev Mariya Stadnika "Şöhrət" ordenini təqdim edən zaman (29 iyun 2015-ci il) • Azərbaycan Prezidenti İlham Əliyev Mariya Stadnika 2-ci dərəcəli "Vətənə xidmətə görə" ordenini təqdim edən zaman (2 sentyabr 2020-ci il)

Fərdi uğurları[redaktə | mənbəni redaktə et]

Karyerası ərzində Mariya Stadnik dəfələrdə Gənclər və İdman Nazirliyi tərəfindən ilin ən yaxşı idmançılarından, Azerisport.com idman portalı tərəfində ayın idmançısı, ilin idmançısı seçilib. Mariya Stadnik həmçinin Beynəlxalq Güləş Federasiyasının (FILA) versiyasına görə 2011-ci ilin qadın güləşçisi.

Nailiyyətləri[redaktə | mənbəni redaktə et]

Mariya Stadnik 2016-cı ilin avqustunda Rio-de-Janeyro şəhərində (Braziliya) baş tutan XXXI Yay Olimpiya Oyunlarında Polşa nümayəndəsi İvona Mathovsha ilə görüş zamanı
  • Olimpiya Oyunlarında qadın güləşi üzrə medala sahib olan birinci Azərbaycan güləşçisi (2008)
  • Olimpiya Oyunlarında medala sahib olan ən gənc Azərbaycan idmançısı (2008)
  • Güləş üzrə Avropa Çempionatının qızıl medalına sahib olan birinci Azərbaycan qadın güləşçi (2008)
  • Güləş üzrə Avropa Çempionatının 2 dəfə qızıl medalına sahib olan birinci Azərbaycan qadın güləşçisi (2009)
  • Güləş üzrə Dünya Çempionatının qızıl medalına sahib olan birinci Azərbaycan qadın güləşçisi (2009)
  • Güləş üzrə Avropa Çempionatının 3 dəfə qızıl medalına sahib olan birinci Azərbaycan qadın güləşçisi (2011)
  • Güləş üzrə Avropa Çempionatının 3 dəfə qızıl medalına sahib olan yeganə Azərbaycan qadın güləşçisi (2011)
  • Olimpiya Oyunlarında 2 dəfə medala sahib olan birinci Azərbaycan qadın güləşçisi (2012)
  • Olimpiya Oyunlarında 2 dəfə medala sahib olan birinci Azərbaycan yeganə güləşçisi (2012)
  • Güləş üzrə Avropa Çempionatının 4 dəfə qızıl medalına sahib olan birinci Azərbaycan güləşçi (2014)
  • Güləş üzrə Avropa Çempionatının 4 dəfə qızıl medalına sahib olan yeganə Azərbaycan güləşçi (2014)
  • Avropa Oyunlarının qalibi olan birinci Azərbaycan qadın güləşçisi (2015)
  • Güləş üzrə Avropa Çempionatının 5 dəfə qızıl medalına sahib olan birinci Azərbaycan güləşçi (2016)
  • Güləş üzrə Avropa Çempionatının 5 dəfə qızıl medalına sahib olan yeganə Azərbaycan güləşçi (2016)
  • Olimpiya Oyunlarında 3 dəfə medala sahib olan birinci Azərbaycan idmançısı (2016)
  • Güləş üzrə Avropa Çempionatının 6 dəfə qızıl medalına sahib olan birinci Azərbaycan güləşçi (2017)
  • Güləş üzrə Avropa Çempionatının 6 dəfə qızıl medalına sahib olan yeganə Azərbaycan güləşçi (2017)
  • Güləş üzrə Avropa Çempionatının 7 dəfə qızıl medalına sahib olan birinci Azərbaycan güləşçi (2018)
  • Güləş üzrə Avropa Çempionatının 7 dəfə qızıl medalına sahib olan yeganə Azərbaycan güləşçi (2018)
  • Avropa Oyunlarının 2 dəfə qızıl medalına sahib olan birinci Azərbaycan idmançısı (2019)
  • Avropa Oyunlarının 2 dəfə qızıl medalına sahib olan yeganə Azərbaycan idmançısı (2019)
  • Güləş üzrə Dünya Çempionatının 2 dəfə qızıl medalına sahib olan birinci Azərbaycan qadın güləşçisi (2019)
  • Güləş üzrə Dünya Çempionatının 2 dəfə qızıl medalına sahib olan yeganə Azərbaycan qadın güləşçisi (2019)
  • Güləş üzrə Avropa Çempionatının 8 dəfə qızıl medalına sahib olan birinci Azərbaycan güləşçi (2021)
  • Güləş üzrə Avropa Çempionatının 8 dəfə qızıl medalına sahib olan yeganə Azərbaycan güləşçi (2021)
  • Olimpiya Oyunlarında 4 dəfə medala sahib olan birinci Azərbaycan idmançısı (2021)
  • Olimpiya Oyunlarında 4 dəfə medala sahib olan yeganə Azərbaycan idmançısı (2021)
  • Olimpiya Oyunları tarixində 4 dəfə medala sahib olan üçüncü qadın güləşçi (2021)

Görüşlərinin nəticələri[redaktə | mənbəni redaktə et]

Mariya Stadnik 2016-cı il Rio-de-Janeyro Olimpiadasında Argentina nümayəndəsi Patrisia Bermudeza çevirmə fəndini tətbiq edən zaman

Karyerası ərzində Mariya Stadnik 144 dəfə görüşə çıxıb. Onların 133-də qalib gəlib, 11-də isə məğlub olub. Məğlub olduğu güləşçilərdən 8-i Yaponiya, biri ABŞ, biri Kanada, biri isə Polşa nümayəndələri idi.

Mariya Stadnikin əsas rəqibləri 2011–2012-ci illərdə Hitomi Obara (Yaponiya), 2015–2016-cı illərdə Eri Tosaha (Yaponiya), 2018–2021-ci illərdə isə Yui Susahi (Yaponiya) idi. Bu güləşçilərlə görüşlərin hamısında o, rəqiblərinə məğlub olmuşdu.

Karyerası ərzində Avropa Çempionatlarında, Avropa Oyunlarında, İslam Həmrəyliyi Oyunlarında heç bir zaman məğlub olmayıb. 11 məğlubiyyətinin dördü Olimpiya Oyunlarında, altısı Dünya Çempionatlarında, biri isə Klippan Lady Open beynəlxalq turnirində olub. 11 məğlubiyyətinin altısı final görüşlərinə təsadüf edir.

Mariya Stadnikin 144 görüşün 61-də rəqiblərinə bir bal verə vermədən vaxtında əvvəl qalib gəlib, 8-də isə təmiz qələbə qazanıb.

Karyerası ərzində Mariya Stadnik 2018-ci il Dünya Çempionatının final görüşündə və 2020-ci il olimpiadasının yarım-final mərhələsində rəqiblərinə vaxtından əvvəl məğlub olub.

 •      Qəl. — Qalib gəldi / •      Məğ. — Məğlub oldu
Mariya Stadnikin görüşlərinin nəticələri
Sıra
Nəticə
Turnir
Tarix
Rəqib
Hesab
Mərhələ
1.
Qəl.
 Dünya Çempionatı
21/09/2007
 Rumıniya Kristina Kroitoru
2:0
 1/32 final mərhələsi
2.
Qəl.
 Cənubi Koreya Kim Hyun-Jo
2:0
 1/16 final mərhələsi
3.
Qəl.
 Almaniya Briqitte Vaqner
2:0
 1/8 final mərhələsi
4.
Məğ.
 Yaponiya Çiharu İço
1:2
 1/4 final mərhələsi
5.
Məğ.
 ABŞ Stefani Murata
0:2
 təsəlliverici qrup
6.
Qəl.
 Avropa Çempionatı
2008
 Rumıniya Kristina Kroitoru
2:0
 1/8 final mərhələsi
7.
Qəl.
 Ukrayna Alehsandra Koquta
2:1
 1/4 final mərhələsi
8.
Qəl.
 Yunanıstan Fani Psata
2:0
 1/2 final mərhələsi
9.
Qəl.
 Fransa Vanessa Bubryem
2:0
 qızıl medal qazandı
10.
Məğ.
 Olimpiya Oyunları
16/08/2008
 Kanada Karol Huyn
0:2
 1/8 final mərhələsi
11.
Qəl.
 Cənubi Koreya Kim Hyun-Jo
2:0
 təsəlliverici qrup
12.
Qəl.
 Qazaxıstan Tatyana Amanjol
2:0
 bürünc medal qazandı
13.
Qəl.
 Avropa Çempionatı
2009
 Rusiya Liliya Kasharova
2:0
 1/8 final mərhələsi
14.
Qəl.
 Ukrayna Mariya Livaç
2:0
 1/4 final mərhələsi
15.
Qəl.
 Polşa İvona Mathovsha
2:0
 1/2 final mərhələsi
16.
Qəl.
 Rumıniya Ester Dobre
2:0
 qızıl medal qazandı
17.
Qəl.
 Dünya Çempionatı
23/09/2009
 Belarus Tatyana Qurnoviç
1:0F
 1/16 final mərhələsi
18.
Qəl.
 İspaniya Sara Sançez
1:0F
 1/8 final mərhələsi
19.
Qəl.
 Ukrayna Lyudmila Baluşha
2:0
 1/4 final mərhələsi
20.
Qəl.
 Böyük Britaniya Yana Rattiqan
2:0
 1/2 final mərhələsi
21.
Qəl.
 Rusiya Larisa Orjah
2:0
 qızıl medal qazandı
22.
Qəl.
 Avropa Çempionatı
2011
 İspaniya Sara Sançez
2:0
 1/8 final mərhələsi
23.
Qəl.
 Böyük Britaniya Yana Rattiqan
2:0
 1/4 final mərhələsi
24.
Qəl.
 Polşa İvona Mathovsha
2:0
 1/2 final mərhələsi
25.
Qəl.
 Ukrayna Kristina Daranutsa
2:0
 qızıl medal qazandı
26.
Qəl.
 Dünya Çempionatı
14/09/2011
 Argentina Patrisiya Bermudez
2:0
 1/32 final mərhələsi
27.
Qəl.
 Qazaxıstan Ulduz Eşimova
2:0
 1/16 final mərhələsi
28.
Qəl.
 Venesuela Mayelis Karipa
2:0
 1/8 final mərhələsi
29.
Qəl.
 ABŞ Klarissa Çun
2:0
 1/4 final mərhələsi
30.
Qəl.
 Kolumbiya Karolina Kastillo
2:0
 1/2 final mərhələsi
31.
Məğ.
 Yaponiya Hitomi Obara
1:2
 gümüş medal qazandı
32.
Qəl.
 Almaniya Qran-Prisi
2012
 İspaniya Nehane Kepas
2:0
 1/8 final mərhələsi
33.
Qəl.
 Macarıstan Mersedes Deneş
2:0
 1/4 final mərhələsi
34.
Qəl.
 Belarus Vanessa Kaladzinshaya
2:0
 1/2 final mərhələsi
35.
Qəl.
 Polşa Yulita Omilusih
2:0
 qızıl medal qazandı
36.
Qəl.
 Olimpiya Oyunları
08/08/2012
 ABŞ Klarissa Çun
2:0
 1/8 final mərhələsi
37.
Qəl.
 Polşa İvona Mathovsha
2:0
 1/4 final mərhələsi
38.
Qəl.
 Ukrayna İrina Merleni
2:0
 1/2 final mərhələsi
39.
Məğ.
 Yaponiya Hitomi Obara
1:2
 gümüş medal qazandı
40.
Qəl.
 Paris Qran-Prisi
08/02/2014
 ABŞ Klarissa Çun
6:2
 1/8 final mərhələsi
41.
Qəl.
 İsveç Cosefine Fredrihsen
10:2
 1/4 final mərhələsi
42.
Qəl.
 Fransa Culie Sabati
10:0
 1/2 final mərhələsi
43.
Qəl.
 Kanada Cessiha McDonald
5:4
 qızıl medal qazandı
44.
Qəl.
 Klippan Lady Open
02/03/2014
 ABŞ Allena Somera
11:0
 1/16 final mərhələsi
45.
Qəl.
 Norveç Silje Kippernes
10:0
 1/8 final mərhələsi
46.
Qəl.
 Bolqarıstan Elitsa Yanhova
10:0
 1/4 final mərhələsi
47.
Qəl.
 ABŞ Alisa Lampe
10:4
 1/2 final mərhələsi
48.
Qəl.
 ABŞ Vihtoriya Antoni
11:0
 qızıl medal qazandı
49.
Qəl.
 Avropa Çempionatı
02/04/2014
 Rusiya Nadejda Federova
14:2
 1/8 final mərhələsi
50.
Qəl.
 Macarıstan Mersedes Deneş
10:0
 1/4 final mərhələsi
51.
Qəl.
 Rumıniya Madalina Linquraru
11:0
 1/2 final mərhələsi
52.
Qəl.
 Ukrayna Natalya Pulhovsha
11:0
 qızıl medal qazandı
53.
Qəl.
 Almaniya Qran-Prisi
06/2014
 Polşa İvona Mathovsha
10:0
 1/16 final mərhələsi
54.
Qəl.
 Kanada Cessiha McDonald
16:5
 1/8 final mərhələsi
55.
Qəl.
 Rusiya Yelena Vostrihova
8:0
 1/4 final mərhələsi
56.
Qəl.
 Kanada Jasmin Mian
11:0
 1/2 final mərhələsi
57.
Qəl.
 Almaniya Keti Bumqartner
11:0
 qızıl medal qazandı
58.
Qəl.
 Qızıl Qran-Pri
07/2014
 Niderland Cessiha Blazsha
10:0F
 1/8 final mərhələsi
59.
Qəl.
 Qazaxıstan Tatyana Amanjol
11:0
 1/4 final mərhələsi
60.
Qəl.
 Yaponiya Yuhi İrie
12:1
 1/2 final mərhələsi
61.
Qəl.
 Rusiya Yelena Vostrihova
6:0F
 qızıl medal qazandı
62.
Qəl.
 Dünya Çempionatı
10/09/2014
 Böyük Britaniya Yana Rattiqan
11:0
 1/16 final mərhələsi
63.
Qəl.
 Çin Lei Çun
8:0
 1/8 final mərhələsi
64.
Qəl.
 Argentina Patrisiya Bermudez
10:0
 1/4 final mərhələsi
65.
Məğ.
 Polşa İvona Mathovsha
4:5
 1/2 final mərhələsi
66.
Qəl.
 Rumıniya Alina Vuç
11:0
 bürünc medal qazandı
67.
Qəl.
 Avropa Oyunları
15/06/2015
 Portuqaliya Liliana Santos
12:2
 1/8 final mərhələsi
68.
Qəl.
 Fransa Culie Sabati
11:0
 1/4 final mərhələsi
69.
Qəl.
 Polşa İvona Mathovsha
8:2F
 1/2 final mərhələsi
70.
Qəl.
 Bolqarıstan Elitsa Yanhova
12:1
 qızıl medal qazandı
71.
Qəl.
 Poland Open
2015
 Ukrayna Viyaleta Çirih
10:0
 1/16 final mərhələsi
72.
Qəl.
 Polşa İvona Mathovsha
10:0
 1/8 final mərhələsi
73.
Qəl.
 Rusiya Nadejda Federova
10:0
 1/4 final mərhələsi
74.
Qəl.
 Polşa Anna Luhasiah
10:0
 1/2 final mərhələsi
75.
Qəl.
 Ukrayna Nataliya Pulhovsha
10:0
 qızıl medal qazandı
76.
Qəl.
 Dünya Çempionatı
09/09/2015
 Niderland Cessiha Blazsha
11:0
 1/16 final mərhələsi
77.
Qəl.
 Peru Talia Mallqui
10:0
 1/8 final mərhələsi
78.
Qəl.
 Qazaxıstan Tatyana Amanjol
11:2
 1/4 final mərhələsi
79.
Qəl.
 Çin Li Hui
4:0F
 1/2 final mərhələsi
80.
Məğ.
 Yaponiya Eri Tosaha
2:3
 gümüş medal qazandı
81.
Qəl.
 Kiyev beynəlxalq turniri
2016
 Ukrayna Natalya Pulhovsha
-:-
 1/4 final mərhələsi
82.
Qəl.
 Ukrayna Mariya Georgiyeva
-:-
 1/2 final mərhələsi
83.
Qəl.
 Ukrayna Olehsandra Koqut
-:-
 qızıl medal qazandı
84.
Qəl.
 Avropa Çempionatı
08/03/2016
 Ukrayna Olehsandra Kuqot
10:0
 1/8 final mərhələsi
85.
Qəl.
 Rusiya Valentina İslamova
5:2
 1/4 final mərhələsi
86.
Qəl.
 Bolqarıstan Elitsa Yanhova
10:0F
 1/2 final mərhələsi
87.
Qəl.
 Rumıniya Alina Vuç
10:0
 qızıl medal qazandı
88.
Qəl.
 Poland Open
2016
 Polşa İvona Mathovsha
12:1
 1/4 final mərhələsi
89.
Qəl.
 Niderland Cessiha Blazsha
12:1
 1/2 final mərhələsi
90.
Qəl.
 Kolumbiya Karolina Kastillo
10:0
 qızıl medal qazandı
91.
Qəl.
 Olimpiya Oyunları
17/08/2016
 Argentina Patrisia Bermudez
10:0
 1/8 final mərhələsi
92.
Qəl.
 Polşa İvona Mathovsha
10:0
 1/4 final mərhələsi
93.
Qəl.
 Bolqarıstan Elitsa Yanhova
6:0F
 1/2 final mərhələsi
94.
Məğ.
 Yaponiya Eri Tosaha
2:3
 gümüş medal qazandı
95.
Qəl.
 Avropa Çempionatı
02/05/2017
 Polşa Anna Luhasiah
10:0
 1/8 final mərhələsi
96.
Qəl.
 Türkiyə Evin Demirhan
14:1
 1/4 final mərhələsi
97.
Qəl.
 Rumıniya Alina Vuç
10:0
 1/2 final mərhələsi
98.
Qəl.
 Ukrayna İlona Semvih
10:0
 qızıl medal qazandı
99.
Qəl.
 İslam Həmrəyliyi Oyunları
21/05/2017
 Əlcəzair Çayma Yahiau
10:0
 qrup mərhələsi
100.
Qəl.
 Türkiyə Evin Demirhan
10:0
 qızıl medal qazandı
101.
Qəl.
 Klippan Lady Open
17/02/2018
 Rumıniya Alina Vuç
10:0
 1/8 final mərhələsi
102.
Qəl.
 Kanada Cessiha McDonald
12:0
 1/4 final mərhələsi
103.
Qəl.
 ABŞ Emi Farnsid
10:0
 1/2 final mərhələsi
104.
Məğ.
18/02/2018
 Yaponiya Yui Susahi
2:2
 gümüş medal qazandı
105.
Qəl.
 D. Kolov — N. Petrov turniri
24/03/2018
 Fransa Tabata Qruneval
11:0
 1/8 final mərhələsi
106.
Qəl.
 Polşa Aqata Valerzah
10:0
 1/4 final mərhələsi
107.
Qəl.
 Rusiya Nadejda Soholova
14:4
 1/2 final mərhələsi
108.
Qəl.
25/03/2018
 Rusiya Milana Dadaşova
14:4
 qızıl medal qazandı
109.
Qəl.
 Avropa Çempionatı
02/05/2018
 Almaniya Caqelin Şellin
10:0
 1/8 final mərhələsi
110.
Qəl.
 Rusiya Milana Dadaşova
10:0
 1/4 final mərhələsi
111.
Qəl.
 Belarus Kseniya Stanheviç
10:0
 1/2 final mərhələsi
112.
Qəl.
03/05/2018
 Rumıniya Alina Vuç
10:0
 qızıl medal qazandı
113.
Qəl.
 Poland Open
08/09/2018
 Kolumbiya Karolina Kastillo
10:0
 1/16 final mərhələsi
114.
Qəl.
 ABŞ Vitne Konder
10:0
 1/8 final mərhələsi
115.
Qəl.
 Ukrayna Ohsana Livaç
10:0
 1/4 final mərhələsi
116.
Qəl.
 Rusiya Nadejda Soholova
11:1
 1/2 final mərhələsi
117.
Qəl.
09/09/2018
 Ukrayna İlona Semhiv
14:2
 qızıl medal qazandı
118.
Qəl.
 Dünya Çempionatı
24/10/2018
 İsveç Fredriha Petersson
10:0
 1/8 final mərhələsi
119.
Qəl.
 Çin Sun Yanan
10:0
 1/4 final mərhələsi
120.
Qəl.
 Şimali Koreya Kim Son-Hyan
4:2
 1/2 final mərhələsi
121.
Məğ.
25/10/2018
 Yaponiya Yui Susahi
0:10
 gümüş medal qazandı
122.
Qəl.
 Avropa Oyunları
27/06/2019
 Polşa Anna Luhasiah
10:0
 1/4 final mərhələsi
123.
Qəl.
 Türkiyə Evin Demirhan
6:1
 1/2 final mərhələsi
124.
Qəl.
28/06/2019
 Ukrayna Ohsana Livaç
8:1
 qızıl medal qazandı
125.
Qəl.
 Dünya Çempionatı
17/09/2019
 Nigeriya Mersi Genesis
10:0
 1/16 final mərhələsi
126.
Qəl.
 Hindistan Sema Bisla
10:2
 1/8 final mərhələsi
127.
Qəl.
 Rusiya Yehaterina Poleşuh
11:0
 1/4 final mərhələsi
128.
Qəl.
 Çin Sun Yanan
6:4
 1/2 final mərhələsi
129.
Qəl.
18/09/2019
 Rumıniya Alina Vuç
14:0
 qızıl medal qazandı
130.
Qəl.
 Avropa Çempionatı
21/04/2021
 Rusiya Yehaterina Poleşuh
11:0
 1/4 final mərhələsi
131.
Qəl.
 Ukrayna Ohsana Livaç
10:4
 1/2 final mərhələsi
132.
Qəl.
22/04/2021
 Bolqarıstan Miqlena Selişha
8:2
 qızıl medal qazandı
133.
Qəl.
 Poland Open
10/06/2021
 Rumıniya Alina Vuç
12:2
 1/8 final mərhələsi
134.
Qəl.
 ABŞ Erin Qolston
10:0
 1/4 final mərhələsi
135.
Qəl.
 Rusiya Mariya Tyumerehova
11:1
 1/2 final mərhələsi
136.
Qəl.
 Ukrayna Ohsana Livaç
10:4
 qızıl medal qazandı
137.
Qəl.
 Olimpiya Oyunları
06/08/2021
 Beynəlxalq Olimpiya Komitəsi Stalvira Orşuş
11:8
 1/8 final mərhələsi
138.
Qəl.
 Tunis Sarra Hamdi
10:0
 1/4 final mərhələsi
139.
Məğ.
 Yaponiya Yui Susahi
0:11
 1/2 final mərhələsi
140.
Qəl.
07/08/2021
 Monqolustan Tsoq-Oçirin Namuuntsetseq
10:0
 bürünc medal qazandı
141.
Qəl.
 İslam Həmrəyliyi Oyunları
10/08/2022
 Qazaxıstan Svetlana Anhiçeva
10:0
 qrup mərhələsi
142.
Qəl.
 Türkiyə Əminə Çataloğlu
10:0
 qrup mərhələsi
143.
Qəl.
 Tunis Sarra Hamdi
10:0
 1/2 final mərhələsi
144.
Qəl.
 Özbəkistan Casmina İmmayeva
10:0
 qızıl medal qazandı

İctimai mövqeyi[redaktə | mənbəni redaktə et]

Mariya Stadnik 2020-ci ilin sentyabr-noyabr aylarında Dağlıq Qarabağ və ətraf rayonlarda aparılan hərbi əməliyyatlar zamanı video-müraciət yayaraq Ermənistan tərəfinin işğalçılıq siyasəti apardığını bildirdi.[372]

Qeydlər[redaktə | mənbəni redaktə et]

  1. ↑ 2020-ci ildə baş tutmalı olan turnir, dünyanı cənginə alan COVID-19 (Koronavirus) pandemiyasına görə 2021-ci ilə təxirə salındı

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. ↑ Azerisport.com idman portalı. "Легенда Азербайджана против восходящей звезды Японии в борьбе за золото Олимпиады". www.azerisport.com ( (rus.)). 22.08.2022. 2021-09-23 tarixində arxivləşdirilib. İstifadə tarixi: 22.08.2022.
  2. ↑ Normativ hüquqi sənədlərin vahid internet bazası. "Azərbaycan Milli Olimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 29 avqust 2008-ci il tarixli 3017 nömrəli Sərəncamı". www.e-qanun.az ( (az.)). 29.08.2008. 2022-08-22 tarixində arxivləşdirilib. İstifadə tarixi: 24.07.2022.
  3. ↑ Normativ hüquqi sənədlərin vahid internet bazası. "Azərbaycan Milli Olimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 31 avqust 2012-ci il tarixli 2399 nömrəli Sərəncamı". www.e-qanun.az ( (az.)). 31.08.2012. 2022-08-22 tarixində arxivləşdirilib. İstifadə tarixi: 24.07.2022.
  4. ↑ Normativ hüquqi sənədlərin vahid internet bazası. "I Avropa Oyunları qaliblərinin və Azərbaycan idmanında xidmətləri olan şəxslərin təltif edilməsi haqqında Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamı". www.e-qanun.az ( (az.)). 29.06.2015. 2016-12-22 tarixində arxivləşdirilib. İstifadə tarixi: 24.07.2022.
  5. ↑ 1 2 3 4 5 6 7 8 9 10 International Wrestling Database. "Mariya STADNIK". www.iat.uni-leipzig.de (ingilis). 2022-08-22. 2020-07-02 tarixində arxivləşdirilib. İstifadə tarixi: 22.08.2022.
  6. ↑ Azerisport.com idman portalı. "Мария Стадник: После схваток не извиняюсь – не на улице же я ее побила". www.azerisport.com ( (rus.)). 22.08.2022. 2023-01-19 tarixində arxivləşdirilib. İstifadə tarixi: 22.08.2022.
  7. ↑ Azerisport.com idman portalı. "«Не надо осуждать Марию Стадник»". www.azerisport.com ( (rus.)). 22.08.2022. 2023-01-17 tarixində arxivləşdirilib. İstifadə tarixi: 22.08.2022.
  8. ↑ 1 2 International Wrestling Database. "2003 // European Championship // Cadets // Female wrestling // 38 Kg. // Results". www.iat.uni-leipzig.de (ingilis). 2022-08-22. 2023-01-13 tarixində arxivləşdirilib. İstifadə tarixi: 22.08.2022.
  9. ↑ 1 2 International Wrestling Database. "2004 // European Championship // Cadets // Female wrestling // 42 Kg. // Results". www.iat.uni-leipzig.de (ingilis). 2022-08-22. 2023-01-13 tarixində arxivləşdirilib. İstifadə tarixi: 22.08.2022.
  10. ↑ 1 2 3 4 5 6 7 8 9 10 International Wrestling Database. "2005 // World Championship // Juniors // Female wrestling // 44 Kg. // Results". www.iat.uni-leipzig.de (ingilis). 2022-08-22. 2023-01-13 tarixində arxivləşdirilib. İstifadə tarixi: 22.08.2022.
  11. ↑ 1 2 3 4 5 6 7 8 9 International Wrestling Database. "2006 // European Championship // Seniors // Female wrestling // 48 Kg. // Results". www.iat.uni-leipzig.de (ingilis). 2022-08-22. 2022-11-14 tarixində arxivləşdirilib. İstifadə tarixi: 22.08.2022.
  12. ↑ 1 2 Azerisport.com idman portalı. "Мария СТАДНИК: Иногда у меня просто не оставалось сил". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  13. ↑ 1 2 3 4 5 Azerisport.com idman portalı. "Мария СТАДНИК: Лучше пусть мой сын станет футболистом, чем борцом". www.azerisport.com ( (rus.)). 22.08.2022. 2016-11-02 tarixində arxivləşdirilib. İstifadə tarixi: 22.08.2022.
  14. ↑ Azerisport.com idman portalı. "Мария Стадник: В Украине я оказалась никому не нужной". www.azerisport.com ( (rus.)). 22.08.2022. 2023-01-17 tarixində arxivləşdirilib. İstifadə tarixi: 22.08.2022.
  15. ↑ Azerisport.com idman portalı. "Мария СТАДНИК: В Азербайджане я достигла результатов, а в Украине еще неизвестно, как все сложилось бы". www.azerisport.com ( (rus.)). 22.08.2022. 2015-09-19 tarixində arxivləşdirilib. İstifadə tarixi: 22.08.2022.
  16. ↑ 1 2 3 4 5 6 7 8 9 10 11 Azerisport.com idman portalı. "Наши на Чемпионате Мира 2007. День пятый. Мария Стадник завоевала лицензию на Олимпиаду (ОБНОВЛЯЕТСЯ)". www.azerisport.com ( (rus.)). 22.08.2022. 2021-02-25 tarixində arxivləşdirilib. İstifadə tarixi: 22.08.2022.
  17. ↑ 1 2 Azerisport.com idman portalı. "Чемпионат Мира 2007. День пятый. Наши соперники". www.azerisport.com ( (rus.)). 22.08.2022. 2021-02-25 tarixində arxivləşdirilib. İstifadə tarixi: 22.08.2022.
  18. ↑ Azerisport.com idman portalı. "Назим Алиджанов: Мария Стадник засудили". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  19. ↑ Azerisport.com idman portalı. "Мария Стадник подняла сборную на седьмое место". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  20. ↑ Azerisport.com idman portalı. "Азербайджан стал одиннадцатым". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  21. ↑ Azerisport.com idman portalı. "Просто Мария". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  22. ↑ Azerisport.com idman portalı. "У борьбы не женское лицо?". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  23. ↑ Azerisport.com idman portalı. "Мария Стадник побеждает в Донецке". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  24. ↑ Azerisport.com idman portalı. "Девушки едут в Красноярск". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  25. ↑ Azerisport.com idman portalı. "Состав сборной на Мемориале Ярыгина". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  26. ↑ Azerisport.com idman portalı. "Когда наши выйдут на ковер?". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  27. ↑ 1 2 Azerisport.com idman portalı. "Мемориал Ярыгина. Мария Стадник взяла бронзу (ОБНОВЛЕНО)". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  28. ↑ Azerisport.com idman portalı. "Назим Алиджанов: Марию Стадник я видел в финале". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  29. ↑ Azerisport.com idman portalı. "Семерка увидит Киев и Минск". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  30. ↑ 1 2 Azerisport.com idman portalı. "Три киевские медали". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  31. ↑ Azerisport.com idman portalı. "Состав сборной Азербайджана на чемпионате Европы". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  32. ↑ Azerisport.com idman portalı. "На Чемпионате Европы Азербайджан представят 18 спортсменов". www.azerisport.com ( (rus.)). 22.08.2022. 2022-08-16 tarixində arxivləşdirilib. İstifadə tarixi: 22.08.2022.
  33. ↑ Azerisport.com idman portalı. "Мария Стадник: Я приехала только за золотом". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  34. ↑ Azerisport.com idman portalı. "Соперницы наших борцов во второй день Чемпионата Европы". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  35. ↑ 1 2 3 Azerisport.com idman portalı. "Золото Азербайджана (ОБНОВЛЕНО)". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  36. ↑ Azerisport.com idman portalı. "Женская сборная Азербайджана вошла в тройку". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  37. ↑ Azerisport.com idman portalı. "Мария Стадник становится чемпионом Европы". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  38. ↑ Azerisport.com idman portalı. "Зумруд Гурбангаджиева не поехала в Одессу". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  39. ↑ Azerisport.com idman portalı. "Мария Стадник – первая, Олеся Замула - вторая". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  40. ↑ Azerisport.com idman portalı. "Кто выступит на Гран-при?". www.azerisport.com ( (rus.)). 22.08.2022. 2022-08-17 tarixində arxivləşdirilib. İstifadə tarixi: 22.08.2022.
  41. ↑ Azerisport.com idman portalı. "Мария Стадник и Алена Комарова выигрывают золото Гран-При FILA (ОБНОВЛЕНО)". www.azerisport.com ( (rus.)). 22.08.2022. 2023-01-14 tarixində arxivləşdirilib. İstifadə tarixi: 22.08.2022.
  42. ↑ 1 2 Azerisport.com idman portalı. "Мария Стадник выиграла молодежный чемпионат Европы". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  43. ↑ 1 2 3 Azerisport.com idman portalı. "Азербайджанская история в Пекине". www.azerisport.com ( (rus.)). 22.08.2022. 2022-08-17 tarixində arxivləşdirilib. İstifadə tarixi: 22.08.2022.
  44. ↑ 1 2 Azerisport.com idman portalı. "Азербайджанка против Натальи Гольц". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  45. ↑ 1 2 3 4 5 6 7 8 9 10 Azerisport.com idman portalı. "Бронзовая Мария Стадник". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  46. ↑ 1 2 Azerisport.com idman portalı. "Путь Марии Стадник". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  47. ↑ Azerisport.com idman portalı. "Мария СТАДНИК: А я так мечтала о золоте". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  48. ↑ Azerisport.com idman portalı. "Кого наградил президент?". www.azerisport.com ( (rus.)). 22.08.2022. 2022-08-17 tarixində arxivləşdirilib. İstifadə tarixi: 22.08.2022.
  49. ↑ Azerisport.com idman portalı. "Олимпийский чемпион получил еще одно звание". www.azerisport.com ( (rus.)). 22.08.2022. 2022-08-17 tarixində arxivləşdirilib. İstifadə tarixi: 22.08.2022.
  50. ↑ Azerisport.com idman portalı. "Марию Стадник ждет Токио". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  51. ↑ Azerisport.com idman portalı. "Мария Стадник нацелилась на медаль мундиаля". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  52. ↑ Azerisport.com idman portalı. "Мария Стадник отказалась от Чемпионата Мира". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  53. ↑ 1 2 Azerisport.com idman portalı. "Лучшие спортсмены Азербайджана 2008 года". www.azerisport.com ( (rus.)). 22.08.2022. 2022-08-17 tarixində arxivləşdirilib. İstifadə tarixi: 22.08.2022.
  54. ↑ 1 2 Azerisport.com idman portalı. "Читатели azerisport.com назвали лучших, или Как Эльнур Мамедли опередил Берти Фогтса?". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  55. ↑ 1 2 3 Azerisport.com idman portalı. "Мария Стадник и Сона Ахмедли покорили Киев". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  56. ↑ Azerisport.com idman portalı. "Состав сборных Азербайджана к чемпионату Европы". www.azerisport.com ( (rus.)). 22.08.2022. 2022-05-19 tarixində arxivləşdirilib. İstifadə tarixi: 22.08.2022.
  57. ↑ Azerisport.com idman portalı. "Мария Стадник: Я снова хочу стать первой в Европе". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  58. ↑ Azerisport.com idman portalı. "Азербайджан может обыграть Россию еще раз". www.azerisport.com ( (rus.)). 22.08.2022. 2022-05-19 tarixində arxivləşdirilib. İstifadə tarixi: 22.08.2022.
  59. ↑ 1 2 3 4 5 6 7 8 9 10 Azerisport.com idman portalı. "Мария Стадник принесла Азербайджану пятую золотую медаль на Чемпионате Европы (ОБНОВЛЕНО)". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  60. ↑ Azerisport.com idman portalı. "Мария Стадник: Соперницы боялись меня". www.azerisport.com ( (rus.)). 22.08.2022. 2023-01-15 tarixində arxivləşdirilib. İstifadə tarixi: 22.08.2022.
  61. ↑ Azerisport.com idman portalı. "Лилия Каскаракова: Мария Стадник меня разозлила". www.azerisport.com ( (rus.)). 22.08.2022. 2023-01-15 tarixində arxivləşdirilib