Nizami Gəncəvinin heykəli (Sankt-Peterburq) — Vikipediya

Nizami Gəncəvinin heykəli
rus. Памятник Низами Гянджеви
Ölkə	Rusiya
Yerləşir	Sankt-Peterburq
Heykəltaraş	Görüş Babayev
Memar	Feliks Romanovski
Tikilib	2002
Hündürlüyü	5 m.
Material	tunc
Vikianbarda əlaqəli mediafayllar

Nizami Gəncəvinin heykəli (rus. Памятник Низами Гянджеви) — görkəmli Azərbaycan şairi, farsdilli Azərbaycan poeziyasının klassiki Nizami Gəncəvinin Sankt-Peterburq şəhərinin Kamennoostrovski prospektində 25 və 27-ci binalar arasında yerləşən bağçadakı heykəli.^[1]

Tarixi[redaktə | mənbəni redaktə et]

Heykəltəraşlıq əsəri Bakıda hazırlanıb və Sankt-Peterburq şəhərinin 300 illiyinə Azərbaycanın hədiyyəsi kimi göndərilib.^[2]

Şairin abidəsi azərbaycanlı heykəltaraş, Muxina adına Leninqrad ali sənaye-rəssamlıq məktəbinin məzunu Görüş Babayev tərəfindən hazırlanıb. Postament layihəsinin müəllifi Rusiya Federasiyasının əməkdar rəssamı Feliks Romanovskidir. Postament Peterburqdakı "Heykəltəraşlıq kombinatı" müəssisəsində hazırlanmışdır.

Abidənin açılışında Azərbaycan prezidenti Heydər Əliyev və Rusiya prezidenti Vladimir Putin iştirak ediblər.^[3]

Memarlığı[redaktə | mənbəni redaktə et]

Şairin 5 metrlik tunc fiquru şərq üslubunda işlənilib. Nizami tağ altında, oturaq vəziyyətdə, əlində kitab və ənənəvi şərq geyimində təsvir olunub. 150 sm-lik pyedestal səkkizguşəli ulduz formasında düzəldilib. Postament üzərində Azərbaycan dilində "Nizami Gəncəvi" sözləri yazılmışdır.

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]

• – Это Низами говорил, что слово, сказанное от сердца, попадает прямо в сердце, - напомнил Владимир Путин на открытии в Петербурге памятника великому поэту Востока Arxivləşdirilib 2016-04-19 at the Wayback Machine
• Памятник Низами откроется в Санкт-Петербурге

Həmçinin bax[redaktə | mənbəni redaktə et]

• Nizami Gəncəvinin heykəli
• Nizami Gəncəvi
• Sankt-Peterburq
• Heykəl