Qafqaz rəqsi (film) — Vikipediya

Qafqaz rəqsi
Filmi anons edən "Kaspi" qəzeti (2 avqust 1898)
Janr	sənədli film, səssiz film
Rejissor	Aleksandr Mişon[1]
Prodüser	Aleksandr Mişon
Ssenari müəllifi	Aleksandr Mişon
Operator	Aleksandr Mişon
İlk baxış tarixi	2 avqust 1898
Filmin növü	qısametrajlı sənədli film-konsert
Ölkə	Rusiya imperiyası
Dil	səssiz
Texniki məlumatlar	1 hissə 35 mm
Rəng	ağ-qara
IMDb	ID1441350

Qafqaz rəqsi — 1898-ci ildə çəkilmiş qısametrajlı sənədli film.^[2]

Məzmun[redaktə | mənbəni redaktə et]

Əyninə milli paltar geymiş rəqqas Qafqaz rəqsini ifa edir. Onun ağzında, əllərində və belində xəncərlər var. O, hər dəfə rəqs edə-edə səhnənin ortasına çatanda başı üzərindən xəncəri arxaya tullayır və xəncər taxta döşəməyə sancılır. Bu minvalla rəqqas xəncərlərin hamısını yerə sancıb qurtarana kimi rəqs edir.^[1]

Film haqqında[redaktə | mənbəni redaktə et]

Kinosüjet film-konsert janrında çəkilmiş ilk Azərbaycan filmidir.^[3]

Kinosüjet Bakıda V.İ.Vasilyev-Vyatskinin teatr-sirkində avqustun 2-də axşam saat 21.00-da ayrıca proqramla nümayiş etdirilmişdir.

Kinosüjet "Canlı fotoşəkillər" kolleksiyası adı altında 1900-cü ildə Parisdə Ümumdünya sərgisində böyük uğurla nümayiş etdirilmişdir. Nümayiş etdirilən süjetlər arasında "Bibiheybətdə neft fontanı yanğını", "Əlahəzrət Buxara əmirinin "Veliki knyaz Aleksey" paroxodunda yolasalma mərasimi",""İlişdin", "1898-ci il avqustun 4-də Balaxanıda neft fontanı" kinosüjetləri də var idi. Bunları izləyən Lümyer qardaşları onlardan bir neçəsini almış və öz kolleksiyalarına daxil etmişlər. Sonradan həmin kinosüjetlər Paris kinoarxivinə təhvil verilmiş və bu günə kimi orada qorunub saxlanılır.

Filmin heyəti[redaktə | mənbəni redaktə et]

Film üzərində işləyənlər[redaktə | mənbəni redaktə et]

Rejissor: Aleksandr Mişon

Ssenari müəllifi: Aleksandr Mişon

Operator: Aleksandr Mişon

İstinadlar[redaktə | mənbəni redaktə et]

Mənbə[redaktə | mənbəni redaktə et]

• Aydın Kazımzadə. Azərbaycan kinosu. Filmlərin izahlı kataloqu: 1898-2002. 2 cilddə. 1-ci cild. Bakı: Nağıl evi, 2003.
• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 12.
• Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 812.
• Aydın Kazımzadə. "Bu belə olub". [Azərbaycan kinosu - 110] //"Cinema News" jurnalı.- 2008.- iyun.- səh. 10-11.