Xocəsən (elektrik deposu) — Vikipediya

Xocəsən
3-cü xətt
Depodakı qatarlar
Ölkə	Azərbaycan
Şəhər	Bakı
Açılma tarixi	23 dekabr 2022
Ən yaxın stansiya	Xocəsən
Vikianbarda əlaqəli mediafayllar

Xocəsən — Bakı metrosunun sayca ikinci elektrik deposu.^[1] Bənövşəyi xəttin bir hissəsini təşkil edir.^[1] Xocəsən metrostansiyasının yanında yerləşir.^[1]

Tarixi[redaktə | mənbəni redaktə et]

"Xocəsən" elektrik deposunun açılışı 23 dekabr 2022-ci ildə baş tutmuşdur.^[1] Açılışda Azərbaycan prezidenti İlham Əliyev iştirak etmişdir.^[1] Elektrik deposunun tikintisi üç mərhələli plan üzrə aparılmış və birinci mərhələ başa çatmışdır.^[1] Daha iki mərhələ üzrə işlər xəttin yeni stansiyaları və tunelləri inşa olunduqca tələbata uyğun görüləcək.^[1]

İkinci mərhələdə məişət otağı ilə dayanma korpusu, qatarların yuyulması kamerası, təkərlərin diaqnostika kompleksi, yanacaq-sürtkü materialları anbarı, dönmə qurğuları, kompressor stansiyası, təmir-dayanacaq binası üçün qazanxana inşa olunacaq.^[1] Üçüncü mərhələdə isə vaqonların təmiri və istehsalı korpusu, inzibati və məişət binaları, dispetçer idarəetmə məntəqəsi və vaqon təmiri binaları üçün qazanxana, qaldırıcı kran estakadası ilə texnoloji platformanın tikintisi planlaşdırılır.^[1]

Xüsusiyyətlər[redaktə | mənbəni redaktə et]

Elektrik deposu 24 hektardan çox ərazini əhatə edir.^[1] Depoda iki içməli su anbarı, iki yanğın su anbarı, üç baxış qanovu və xidməti otaqlar, qatarların hərəkətini idarə etmək üçün blok-post, elektrik yarımstansiyası, təmir və texniki baxış infrastrukturu yaradılıb.^[1]

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]

• metro.gov.az/az/ — Bakı Metropoliteninin rəsmi saytı