Adonis , a enciclopedia libre

Adonis é un deus grego que simboliza a morte e a renovación da natureza, sendo unha das figuras máis complexas dos tempos clásicos. A figura de Adonis está baseada case totalmente no deus semita Tammuz, relacionado co termo hebreo Adonaï (o meu señor).

Adonis
Tipo	divindade grega
Venerado por	relixión da Grecia Antiga
Patrón de	beleza e desexo
Obra
Presente na obra Metamorfoses L'Adone (en)
Representado por Adonis (en) Dying Adonis (en)
Biografía
Circunstancias morte	morte non natural
Asasinado por	xabaril
Sexo	home
Familia
Nai	Esmirna (pt) e Alphesiboea (en)
Pai	Cíniras (pt) , Theias (en) e Fénix (pt)
Parella	Afrodita e Perséfone
Irmá/n	Esmirna (pt) , Braesia (en) , Laogore (en) e Orsedice (en)
Fillo/a	Béroe (pt) e Golgos (pt)
Descrito pola fonte
Descrito pola fonte  Enciclopedia de Otto  Enciclopedia Bíblica de Archimandrita Nicéforo  Encyclopædia Britannica  The Nuttall Encyclopædia  Metropolitan Museum of Art Tagging Vocabulary  Meyers Konversations-Lexikon, 4ª edición (1885–1890)  Real'nyj slovar' klassicheskih drevnostej po Ljubkeru  Grande Enciclopedia Soviética (1926—1947)  Enciclopedia Xudía de Brockhaus e Efron  Paulys Realenzyklopädie der klassischen Altertumswissenschaft  Pequeno Dicionario Enciclopédico de Brockhaus e Efron  Dicionario Enciclopédico Brockhaus e Efron  The New Student's Reference Work
[ Wikidata ] [ C:Commons ]

Afrodita por medio dun meigallo fixo que Mirra tivese relacións incestuosas con seu pai, Tías, rei de Asiria. Cando o rei o descubriu tratou de matar a filla cun coitelo, e os deuses para o evitar converteron a Mirra nunha árbore de mirra. Desta árbore xermolou Adonis, confirmando a súa natureza como deus da vexetación.

Segundo a versión de Apolodoro, Adonis era fillo de Ciniras, rei de Chipre e Metharne, e segundo Hesíodo era o fillo de Fénix.

Unha vez nado Adonis, Afrodita meteuno nun cofre e levouno baixo a súa á, confiando a súa crianza a Perséfone. Cando Afrodita o reclamou, Perséfone negouse a devolvelo, prendada da súa beleza. Zeus decidiu que Adonis debería pasar catro meses con Afrodita, catro con Perséfone e catro meses con quen elixise; Adonis sempre elixiu a Afrodita por ser Perséfona a deusa máis fría do baixomundo.

Durante unha xornada de caza con Afrodita, un xabaril (enviado por Ares) atacouno, e do seu sangue naceron unhas flores chamadas anemones; cando Afrodita foi socorrelo feriuse cunhas silvas e as pingas do seu sangue transformáronse nunhas flores semellantes á rosa, denominadas adonis.