Castro das Grobas , a enciclopedia libre

O castro, litoral, ten unha forma circular ben definida, cunhas dimensións máximas duns 230 m x 180 m, ocupando algo máis de dúas hectáreas e media, ó sur da insua de Vilaselán (Penedo da Ínsua). Suponse que a insua veciña ten algo que ver co castro, pois apareceron alí restos arqueolóxicos como cerámicas.

Distínguense tres foxos paralelos escavados na rocha e de anchura entre 8 e 10 m, separados por parapetos.^[1] Asemade, hai indicios dun antecastro, protexido por outro foxo.

Non se aprecian destrucións nin alteracións. Na actualidade o castro forma parte dun terreo comunal creado a resultas da concentración parcelaria en Vilaselán, Ribadeo.

A datación abrangue dende a época castrexa do ferro a finais da conquista romana.

Está adscrito á idade de ferro romana e atópase no lugar coñecido como O Morgullón.^[2]

•  
  Detalle de cata escavada.
•  
  Vista xeral dunha cata correspondendo a foxo e muro.
•  
  Placa de Dominio Público Marítimo Terrestre na inmediación do castro.

• Castro
• Cultura castrexa

• Artigo sobre o castro
• Presentación sobre o castro