Conxuntiva , a enciclopedia libre

A conxuntiva é unha capa de mucosa transparente que tapiza o interior das pálpebras e cobre a esclerótica anterior (branco dos ollos), chegando ata o limbo corneal, onde empeza a córnea. Está composta por un epitelio columnar estratificado non queratinozado con células caliciformes, de grosor variable segundo a parte da conxuntiva.

Conxuntiva
tunica conjunctiva Editar o valor en Wikidata
Instancia declase de entidade anatómica Editar o valor en Wikidata
Subclase dewall of organ (en) Traducir e entidade anatómica particular Editar o valor en Wikidata
Irrigado porartéria lacrimal (pt) Traducir Editar o valor en Wikidata
Drenado porconjunctival veins (en) Traducir Editar o valor en Wikidata
Descrito pola fonte
Identificadores
MeSHD003228 Editar o valor en Wikidata
Thesaurus do NCIC12341 Editar o valor en Wikidata
Terminologia Anatomica 98A15.2.07.047
[ Wikidata ] [ C:Commons ]
Imaxe do ollo humano mostrando os vasos sanguíneos da conxuntiva.
Hiperemia dos vasos sanguíneos superficiais da conxuniva.

Función

editar

A conxuntiva axuda a lubricar o ollo ao producir moco e bágoas, aínda que un volume menor de bágoas que a glándula lacrimal.[1] Tamén contribúe á vixilancia inmunitaria e axuda a impide a entrada de microbios no ollo.

Anatomía

editar

A conxuntiva divídese en tres partes:

Parte Área
Conxuntiva palpebral ou tarsal Tapiza as pálpebras.
Conxuntiva bulbar ou ocular Cobre o globo ocular sobre a esclerótica anterior. Esta rexión da conxuntiva está estreitamente unida á esclerótica subxacente pola cápsula de Tenon e móvese xunto cos movementos do globo ocular.
Conxuntiva do fórnix Forma a unión entre as conxuntivas bulbar e palpebral. Forma uns pregamentos profundos entre as pálpebras e o globo ocular, que son os fórnices superior e inferior. Esta zona é frouxa e flexible, e permite o libre movemento das pálpebras e o globo ocular.[2]

Innervación sensorial

editar

A innervación sensorial da conxuntiva divídese en catro porcións:[3]

Área Nervio
Superior
Inferior Nervio infraorbital
Lateral Nervio lacrimal (con contribución do nervio cigomaticofacial)
Circumcorneal Nervios ciliares longos

Histoloxía

editar

A conxuntiva consta tanto de epitelio escamoso estratificado non queratinizado (na zona do limbo corneal) coma de epitelio columnar estratificado non queratinizado (noutras partes), con células caliciformes dispersas.[4] A capa epitelial contén vasos sanguíneos, tecidos fibrosos, e canais linfáticos.[4] Nalgunhas zonas presenta invaxinacións con células mucosas, que se interpretan como glándulas lacrimais accesorias da conxuntiva, que producen constantemente a porción acuosa das bágoas.[4] Outras células presentes no epitelio conxuntivo son melanocitos, linfocitos T e B.[4] A lámina propia da conxuntiva é de tecido conxuntivo denso.

Enfermidades e trastornos

editar

Os trastornos da conxuntiva e a córnea son trastornos oculares comúns.

A superficie do ollo está exposta a varias influencias externas e é especialmente susceptible a traumas, infeccións, irritacións químicas, reaccións alérxicas e sequidade ocular (queratoconxuntivite seca).

A conxuntiva pode inflamarse debido a unha infección ou unha resposta autoinmune. Isto denomínase conxuntivite.

A irritación conxuntiva pode ocorrer por diversas razóns, como a sequidade dos ollos ou a sobreexposción a compostos orgánicos volátiles.

A leptospirose (infección por Leptospira) pode causar sufusión conxuntiva, que se caracteriza por quemose (inchamento), e ollos avermellados sen exsudados.

Coa idade, a conxuntiva pode estirarse e afrouxarse da esclerótica subxacente, o que orixina a formación de pregamentos da conxuntiva, unha condición chamada conxuntivocalase.[5][6]

A conxuntiva pode ser afectada por tumores que poden ser benignos, pre-malignos ou malignos.[7]

Galería

editar
  •  
    Sección saxital da pálpebra superior.
  •  
    Músculo ocular extrínseco. Nervios da órbita. Disección profunda.

Notas

editar
  1. ↑ London Place Eye Center (2003). Conjunctivitis Arquivado 08 de agosto de 2004 en Wayback Machine..
  2. ↑ Eye, human Encyclopaedia Britannica
  3. ↑ "Copia arquivada". Arquivado dende o orixinal o 14 de febreiro de 2013. Consultado o 04 de agosto de 2015. 
  4. ↑ 4,0 4,1 4,2 4,3 Goldman, Lee (2012). Goldman's Cecil Medicine (24th ed. ed.). Philadelphia: Elsevier Saunders. p. 2426. ISBN 1437727883. 
  5. ↑ "Conjunctivochalasis - Medical Definition". Medilexicon.com. Arquivado dende o orixinal o 03 de marzo de 2016. Consultado o 2012-11-13. 
  6. ↑ WL Hughes Conjunctivochalasis. American Journal of Ophthalmology 1942
  7. ↑ Biswas, J.; Varde, M. (2009). "Ocular surface tumors". Oman Journal of Ophthalmology 2: 1. doi:10.4103/0974-620X.48414. [1] Arquivado 16 de abril de 2016 en Wayback Machine.

Véxase tamén

editar

Ligazóns externas

editar
Traído desde «https://gl.wikipedia.org/w/index.php?title=Conxuntiva&oldid=7074094»