Event Horizon , a enciclopedia libre

Event Horizon é un filme británico-estadounidense de terror e ciencia ficción dirixido por Paul W. S. Anderson que se estreou en 1997. O guión foi escrito por Philip Eisner, e re-escrito sen acreditar por Andrew Kevin Walker. Está protagonizado por Laurence Fishburne e Sam Neill. Ambientado no ano 2047, o filme segue a un grupo de astronautas enviados nunha misión de rescate á nave Event Horizon, que apareceu de súpeto no órbita de Neptuno logo de sete anos desaparecida. Mentres buscan algún sinal de vida na nave, o grupo de rescate descobre que a Event Horizon conta cun motor experimental que abriu unha fenda no continuo espazo tempo, permitindo a entrada dunha entidade hostil a bordo.

Event Horizon
Tipo	filme
Xénero artístico	cinema de terror, cinema de ciencia ficción, cinema de aventuras e cinema fantástico
Lingua orixinal	lingua inglesa
Autoría
Interpretado por	Michael Kamen
Director/a	Paul W. S. Anderson
Compositor/a	Michael Kamen
Guionista	Philip Eisner (en)
Director/a fotografía	Adrian Biddle
Actores Laurence Fishburne Richard T. Jones Jack Noseworthy (pt) Noah Huntley Sean Pertwee Jason Isaacs Kathleen Quinlan Joely Richardson Sam Neill Emily Booth (pt)
Temática
Tema principal	Sobrenatural, inferno, burato de verme, perda, arranxar conta co pasado e voo espacial
Ambientado en	sistema solar, Neptuno, Lewis and Clark (en) e Event Horizon (en)
Época ambientación	2047
Universo ficticio	Event Horizon universe (en)
Representa a Neptuno
Publicación
Data publicación 22 de agosto de 1997 (Reino Unido) 15 de agosto de 1997 (Estados Unidos de América) 15 de xaneiro de 1998 (Alemaña) 1997
País orixe	Reino Unido e Estados Unidos de América
Produtor/a	Lawrence Gordon e Lloyd Levin (en)
Editorial	CBS
Compañía produtora	Paramount Pictures
Distribuidor/a	Paramount Pictures
Recadación	26.673.242 $
Custo	60.000.000 $
Formato de distribución	vídeo baixo demanda
Puntuación crítica (8 de novembro de 2024)  35%, Rotten Tomatoes (13 de outubro de 2023)  35/100, Metacritic (6 de outubro de 2021)  5/10, Rotten Tomatoes
Dimensións
Duración	1 hora e 32 minutos
Localización
Localización rodaxe	Pinewood Studios e Inglaterra
Premios
Premios (1998)  Q3411704
Fontes e ligazóns
Redes
[ Wikidata ]

Event Horizon tivo un produción dificultosa, cunha gravación e edición apreurada por parte de Paramount para asegurar que a data de estrea prevista non coincidise con Titanic. O corte orixinal de 130 minutos foi duramente editado por orde do estudio, para a consternación do director Paul W.S. Anderson. Na súa estrea, foi un fracaso comercial e da crítica, recadando só $26,7 millóns sobre un orzamento de $60 millóns. A crítica comparou o filme de xeito pouco favorable con Alien, Hellraiser, The Black Hole, Solaris, Star Trek, Stargate, Fantastic Voyage, The Andromeda Strain, The Shining e 2001: Unha odisea do espazo.

Malia o fracaso na gran pantalla, o filme comezou a venderse ben en vídeo; a súa estrea en DVD foi tan ben que a Paramount contactou con Anderson pouco despois para comezar a traballar na restauración do material eliminado. Porén, descubriuse que o material estaba perdido ou destruído. Co paso dos anos, foise convertendo nun filme de culto, e é un referente noutras obras da cultura popular.^[1]