Gattaca , a enciclopedia libre

Gattaca
Tipo	filme
Xénero artístico	cinema de ciencia ficción, cinema dramático, filme distópico, biopunk e cinema de ciencia ficción de autor
Lingua orixinal	lingua inglesa
Autoría
Interpretado por	Michael Nyman
Director/a	Andrew Niccol
Compositor/a	Michael Nyman
Guionista	Andrew Niccol
Director/a fotografía	Sławomir Idziak
Editor/a de cine	Lisa Zeno Churgin
Deseñador/a produción	Jan Roelfs
	Actores Mason Gamble (pt) (Vincent Freeman (en) ); Ethan Hawke (Vincent Freeman (en) ); Uma Thurman (Irene Cassini (en) ); Jayne Brook ; William Lee Scott (pt) ; Elizabeth Dennehy (pt) ; Elias Koteas ; Xander Berkeley ; Blair Underwood ; Tony Shalhoub ; Jude Law ; Loren Dean ; Alan Arkin ; Ernest Borgnine ; Gore Vidal ; Maya Rudolph ; ;
Publicación
	Data publicación 24 de outubro de 1997 (Estados Unidos de América); 9 de xullo de 1998 (Alemaña); 1997 ; 7 de setembro de 1997 ; ;
País orixe	Estados Unidos de América
Produtor/a	Danny DeVito, Stacey Sher e Gail Lyon (en)
Compañía produtora	Columbia Pictures
Distribuidor/a	Columbia Pictures e Netflix
Recadación	12.532.777 $
Custo	36.000.000 $
Formato de distribución	vídeo baixo demanda
	Puntuación crítica (2 de agosto de 2024) 82%, Rotten Tomatoes; (26 de febreiro de 2024) 64/100, Metacritic; (6 de outubro de 2021) 7.1/10, Rotten Tomatoes ; ;
Dimensións
Duración	1 hora e 41 minutos
Localización
Localización rodaxe	San Diego
Premios
	Premios (1997) Premio ao mellor filme do Festival de Cinema de Sitges ; ;
	Nomeamentos (10 de febreiro de 1998) Óscar ó mellor deseño de produción ; ;
Fontes e ligazóns
Páxina WEB	sonypictures.com…
Redes
	[ Wikidata ] [ C:Commons ]

Gattaca é un filme de ciencia ficción realizado en 1997. Escrito e dirixido por Andrew Niccol, conta no seu elenco con Ethan Hawke, Uma Thurman e Jude Law nos papeis protagonistas e Gore Vidal e Alan Arkin como actores secundarios.

Ethan Hawke, actor protagonista do filme.

O filme presenta unha visión futurista dunha sociedade altamente tecnoloxizada rexida a través da selección xenética. Nun futuro próximo non precisado, os enxeñeiros xenéticos deseñan meniños-probeta para as clases altas optimizando a través da fecundación in vitro os mellores caracteres xenéticos dos seus pais. Unha base de datos xenética identifica e clasifica automaticamente os "válidos" (os creados por medios artificiais libres de enfermidades e defectos) fronte ós "in-válidos" (os concibidos bioloxicamente). Aínda que a discriminación xenética está legalmente prohibida, na práctica as corporacións recorren a análises de ADN para seleccionar o seu persoal de modo que os "válidos" aparecen cualificados para os mellores postos en tanto que os individuos concibidos polos métodos tradicionais son relegados a unha nova subclase encargada dos traballos subalternos.

Trama

Cando a perfección física se converteu na norma grazas ós avances da biotecnoloxía, os espécimes "in-válidos" téñeno máis cru para conseguiren facer valer a súa vontade. O soño de Vincent Freeman (Ethan Hawke), un "in-válido" cun defecto cardíaco, é chegar a voar ó espazo exterior. Vincent só conseguirá ser tomado en serio no programa espacial denominado "Gattaca" cando asuma a identidade de Jerome (Jude Law), un "válido" que lle proporciona sangue, implantes de tecido e mostras de urina a cambio de amizade (está incapacitado por ter un accidente de coche). O subterfuxio funciona ata que ten lugar un asasinato no seu lugar de traballo e as autoridades comezan as investigacións.

Temas

A película trata sobre os desenvolvementos biotecnolóxicos que facilitan a euxénese e a reproxenética, e as súas posibles consecuencias na sociedade que as permite. Explorando o tema do destino e as maneiras en que goberna as nosas vidas, o filme presenta os personaxes en continua loita coa sociedade e consigo mesmos para atopar un lugar no mundo. Os temas aparentes no filme inclúen os seguintes: a identidade persoal, a amizade, o amor, a esperanza, a rivalidade entre irmáns, a vontade de ser (incluso tratando de ser algo que non se é para cumprir os soños), o determinismo xenético (o que un está destinado a ser segundo os seus xenes) e as limitacións e posibilidades humanas.

Estilo

Clasificado como cine de ciencia ficción, a película enmárcase na liña biopunk da fantaciencia. Conscientemente arredada da sensiblería de filmes de serie B de ínfima calidade que dominaron a fantasía científica dos noventa, Gattaca volve ás raíces das alienantes distopías de Un feliz mundo novo e Fahrenheit 451.

De estética fría e elegante, o estilo do vestiario, dos peiteados, dos edificios e dos automóbiles conduce ó mundo moderno dos primeiros anos sesenta. A tecnoloxía, pola contra, parece atoparse nun estado moi avanzado: o contraste entre estes dous elementos achegan o filme ós trazos característicos da vea steampunk.

Notas

Véxase tamén

Ligazóns externas

Ficha do IMDb (Internet Movie Database) (en inglés)
Sitio Oficial Arquivado 01 de setembro de 2006 en Wayback Machine. (en inglés)
Recensión de Roger Ebert Arquivado 08 de outubro de 2012 en Wayback Machine. (en inglés)