I am... , a enciclopedia libre

I am… é o cuarto álbum de estudio lanzado pola cantante Ayumi Hamasaki oficialmente o 1 de xaneiro do ano 2002. Neste álbum pódese notar por primeira vez o cambio no contido das letras da artista, dende sentimentos de soidade, temor e tristeza expresados nos seus anteriores traballos, este contén letras moito máis esperanzadoras e en xeral, máis positivas, cambiando un pouco o enfoque musical da artista tamén.

I am...
Álbum de Ayumi Hamasaki
Publicado	1 de xaneiro de 2002
Gravación	2000 - 2001
Duración	70 min 53 s
Xénero(s)	J-Pop, Pop/Rock
Selo(s)	avex trax
Produtor	Max Matsuura
Cronoloxía
Cyber trance presents Ayu trance I am... Ayu-mi-x 4 + selection Non-Stop Mega Mix Version
Na rede
[ editar datos en Wikidata ]
v c e

Co lanzamento do primeiro single titulado "M”, lanzado en decembro do ano 2000, Ayumi deu os seus primeiros pasos ó traballar de compositora baixo o alias de CREA, compoñendo a letra e a música da canción. Dende o seu lanzamento e éxito, "M" converteuse nun dos clásicos da artista e nun dos singles mellor vendidos. Neste álbum Ayu comeza a separarse pouco a pouco do estilo J-Pop puro dos seus primeiros traballos, achegándose moito máis o uso de guitarras acústicas e eléctricas e máis toques de rock, cun claro reflexo no seu segundo single, "Never Ever". O terceiro single, "Endless Sorrow", foi regravado e rearranxado para o lanzamento deste álbum, con algúns cambios nas letras e cun toque moito máis acústico. Do cuarto single, titulado "Dearest", pódese mencionar que foi un dos endings do anime chamado Inuyasha, e tamén utilizouse a canción "No More Words", unha das cancións de apoio, nunha das películas da serie. "A Song Is Born" foi regravada xunto a cantante de Globe, Keiko e utilizada para unha campaña benéfica de Avex Trax titulada "Song+Nation", para recadar fondos para as vítimas do 11 de setembro dos Estados Unidos.