Interpol , a enciclopedia libre

A Organización Internacional de Policía Criminal, mundialmente coñecida pola súa sigla Interpol (en inglés: International criminal Police Organization), é unha Organización Internacional que axuda na cooperación de policías de distintos países. Foi creada en Viena, en Austria, o ano de 1923, polo xefe da policía vienense Johannes Schober, coa designación de Comisión Internacional de Policía Criminal.

Interpol
Tipo	organización intergobernamental, força de segurança (pt) , organización internacional, telegraphic address (en) , missing persons organization (en) e organización
Forma xurídica	organización internacional
Lingua oficial	lingua inglesa, lingua francesa, lingua castelá e lingua árabe
Personalidades
Cargo dirixente	President of Interpol (en)
Presidente/a	Ahmed Naser Al-Raisi (pt) 25 de novembro de 2021
Secretario/a	Jürgen Stock 7 de novembro de 2014
Número de membros 196 ()
Número de empregados 756 (2013)
Actividade
Industria	actividades extraterritoriais de organismos e corpos
Entidades
En sociedade con	Organización de Aviación Civil Internacional
Economía
Orzamento	113000000 $ (2017)
Data
Fundación	7 de setembro de 1923
Cronoloxía
← International Criminal Police Commission (en)
Localización
45°46′56″N 4°50′54″L / 45.78219, 4.84838
País	Francia
Sede	Lión
Área de operación	mundial
Lugar de formación	Viena
Contacto
Páxina WEB	interpol.int
Redes
[ Wikidata ]

Entre 1938 e 1945 despois da anexión de Austria polo Terceiro Reich, a organización foi comandada por catro diferentes oficiais nazis da SS: Otto Steinhäusl, Reinhard Heydrich, Arthur Nebe e Ernst Kaltenbrunner^[1], todos mortos durante a segunda guerra mundial ou executados como criminais de guerra ao fin do conflito.

Ten a súa sede en Lión (Francia),^[1] adoptando o nome actual en 1956 e ten a participación de 188 países membros.

A sigla Interpol foi por primeira vez utilizada en 1946. A Interpol non se implica na investigación de delitos que non impliquen varios países membros ou crimes políticos, relixiosos e étnicos. Trátase dunha central de información para que as policías de todo o mundo poidan traballar integradas no combate ao crime internacional, o tráfico de drogas e os contrabandos.

Dende o 21 de novembro de 2018, o seu presidente é Kim Jong Yang, orixinario de Corea do Sur.^[2]

Un exemplo da participación da Interpol nun caso é a desaparición de Madeleine McCann, unha rapaza inglesa que desapareceu nun cuarto de hotel nunha cidade portuguesa próxima á fronteira coa España. En setembro de 2011 a Interpol publicou mandado de prisión contra o entón Xefe de Estado de Libia, Muammar al-Gaddafi, durante as protestas en contra do Goberno.^[3]