Louis Vuitton , a enciclopedia libre

Louis Vuitton
Tipo	casa de moda
Epónimo	Louis Vuitton
Parte de	LVMH
Forma xurídica	société par actions simplifiée
Persoas e organizacións
Propietario/a	LVMH
Fundador/a	Louis Vuitton
Matriz	LVMH
	Director/a Michael Burke (en) ; ;
	Membro de Wi-Fi Alliance; Wireless Power Consortium ; ;
Actividade
Industria	Q112165707
	Produtos trunk (en) ; mala de mão (pt) ; ;
Data
Fundación	1854 e 1 de xaneiro de 1980
Localización
País	Francia
Sede	París e París
Lugar de formación	París
Contacto
Páxina WEB	louisvuitton.com
Redes
	[ Wikidata ] [ G:Commons ] [ C:Commons ]

Louis Vuitton Malletier, fundada en 1854 por Louis Vuitton, é unha empresa francesa de marroquinería de luxo especializada en artigos de viaxe, que vende a través de boutiques independentes, departamentos en almacéns de alta gama e a través da súa páxina web.^[1] Dende a entrada de Marc Jacobs na compañía, posúe tamén coleccións de prêt-à-porter e complementos de luxo. En 2017, a súa valoración de marca foi de 29 242 millóns de USD, o que fai que sexa a marca de luxo mais valiosa do mundo segundo a clasificación de BrandZ. É o principal patrocinador da Copa América. Posúe 445 tendas en 62 países.^[2]

Historia

En 1937, aos 16 anos, Louis Vuitton múdase a París, procedente dunha pequena vila francesa situada nos límites con Suíza, buscando maiores oportunidades para traballar e saír adiante.

Por aquela época os medios de transporte mais comúns eran as carrozas tiradas por cabalos, os trens e os barcos, pero debido á rudeza de ditos transportes os obxectos das persoas sufrían constantemente avarías e danos, polo que os artesáns da madeira estaban moi requiridos para crear elementos para protexer e transportar obxectos de valor. Foi así que ao longo de 17 anos Louis desenvolveu distintos modelos de maletas buscando un estilo único e de alta calidade, o que lle permitiu abrir a súa primeira tenda propia no número 4 da Rue Neuve des Capucines, preto da Place Vendôme.

En 1859 ábrese o Atelier, que era o taller onde se facían a man os bolsos e maletas deseñadas por Louis e que ao mesmo tempo se converteu na casa da súa familia. En 1986 o fillo de Louis, Georges creou a famosa lona monogram, coa cal buscaba diferenciarse doutras marcas, a lona foi patentada ao ano seguinte e en 1905 rexístrase como marca.^[3]

En 2004 a marca celebrou o seu 150 aniversario, inaugurando ese mesmo ano tendas en Nova York (na Quinta Avenida), São Paulo, Cidade de México, Cancún, Xohanesburgo e a súa primeira tenda global en Shanghai.

Campañas publicitarias

A compañía busca ter seguidores famosos; modelos, músicos e actores recoñecidos a nivel mundial como Jennifer Lopez, Keith Richards, Madonna, Sean Connery, Angelina Jolie, David Bowie ou incluso o antigo líder da URSS, Mikhail Gorbachev,^[4] apareceron para as súas campañas de publicidade. Os seus anuncios adoitan saír impresos en revistas e en valados publicitarios de cidades cosmopolitas.