Metropolitan Opera , a enciclopedia libre

A Ópera do Metropolitan (tamén coñecido simplemente como o Metropolitan, o Met ou o Metropolitan Opera House) é un teatro de ópera situado no Lincoln Center de Nova York, e é un dos máis coñecidos do mundo, famoso polas súas producións fastuosas, detallistas. É toda unha institución no mundo da ópera, xunto a A Scala de Milán, Ópera Garnier de París, o Teatro Colón de Buenos Aires ou o Gran Teatre del Liceu de Barcelona. Foi fundado en abril de 1880.

Metropolitan Opera
Manhattan
Tipo	compañía de ópera, organización e empresa produtora
Persoas e organizacións
Director/a	Peter Gelb, Joseph Volpe (pt) e Rudolf Bing (pt)
Datas
Fundación	1880
Localización
40°46′22″N 73°59′03″O / 40.7728, -73.9842
Situado en	Manhattan
Localización	Lincoln Square (pt)
Sede	Metropolitan Opera
Enderezo	30 Lincoln Center Plaza, New York, New York, 10023-6980
Patrimonio cultural
Premios	(2020)  International Opera Awards (2013)  International Opera Awards  Premios Peabody
Fontes e ligazóns
Páxina WEB	metopera.org
Teléfono	+1-212-362-6000
Correo	mailto:[email protected]
Redes
[ Wikidata ] [ C:Commons ]

O teatro estivo situado antes noutra área da cidade, nun edificio deseñado por J. Cleveland Cady. Foi destruído por un incendio o 27 de agosto de 1892. Logo de ser renovado, seguiu funcionando alí ata 1966, cando se mudou á localización actual no Lincoln Center. O edificio orixinal foi demolido en 1967.

O actual teatro de ópera do Metropolitan foi deseñado polo arquitecto Wallace K. Harrison. Foi inaugurado o 16 de setembro de 1966, coa estrea da ópera Anthony and Cleopatra de Samuel Barber. No recibidor exhíbense dous inmensos murais creados especialmente para o espazo por Marc Chagall. A capacidade do edificio é de case catro mil persoas. O teatro ten a tecnoloxía necesaria para substituír diariamente o escenario da ópera que se representa, utilizando un complexo sistema de escenarios, tremoias e cicloramas. Esta calidade permite que no Metropolitan haxa funcións case todos os días do ano.

O Met ofrece un servizo de transmisión radiofónica en directo. A primeira transmisión realizouse o 25 de decembro de 1931, cunha produción da ópera Hänsel und Gretel de Engelbert Humperdinck.