Midnight in Paris , a enciclopedia libre

Midnight in Paris é unha comedia romántica ambientada en París que narra a historia dunha familia americana que viaxa á capital francesa por motivos de traballo, incluída unha parella de prometidos forzada a enfrontarse á ilusión de que unha vida diferente á súa puido ser mellor.

Gil e a súa prometida Inez están en París de vacacións coa súa familia, e por casualidade, atópanse cuns amigos. Gil é un exitoso pero insatisfeito guionista de Hollywood que agora traballa na súa primeira novela. Inez e os demais son moi escépticos coa idea. Unha noite, mentres paseaba só, Gil entra no coche duns agradables estraños. Gil decátase axiña de que foi transportado a 1920, unha época que admira e idolatra na súa novela. Mentres está alí, atópase e interactúa con coñecidos escritores e artistas da época que o axudan coa súa novela e coa súa vida. Ao final decátase de que a saudade dunha "época dourada" é un tema recorrente en calquera período de tempo, e que algúns prefiren ser nostálxicos dun pasado romántico no canto de aceptar o presente e o incerto futuro.

• Owen Wilson como Gil Pender
• Rachel McAdams como Inez
• Kurt Fuller como John, pai de Inez
• Mimi Kennedy como Wendy, nai de Inez
• Michael Sheen como Paul Bates
• Nina Arianda como Carol Bates
• Carla Bruni como guía do Museo Rodin
• Yves Heck como Cole Porter
• Alison Pill como Zelda Fitzgerald
• Corey Stoll como Ernest Hemingway
• Tom Hiddleston como F. Scott Fitzgerald
• Sonia Rolland como Josephine Baker
• Daniel Lundh como Juan Belmonte
• Kathy Bates como Gertrude Stein
• Marcial Di Fonzo Bo como Pablo Picasso
• Marion Cotillard como Adriana
• Léa Seydoux como Gabrielle
• Emmanuelle Uzan como Djuna Barnes
• Adrien Brody como Salvador Dalí
• Tom Cordier como Man Ray
• Adrien de Van como Luis Buñuel
• Gad Elmaleh como Detective Tisserant
• David Lowe como T.S. Eliot
• Yves-Antoine Spoto como Henri Matisse
• Laurent Claret como Leo Stein
• Vincent Menjou Cortes como Henri de Toulouse-Lautrec
• Olivier Rabourdin como Paul Gauguin
• François Rostain como Edgar Degas

A estrea mundial do filme foi o 11 de maio de 2011, como película de apertura do 64º Festival de Cannes. Sony Pictures Classic lanzou o filme nos Estados Unidos o 20 de maio de 2011.

• Páxina oficial (en inglés)
• Midnight in Paris na IMDb (en inglés).
• Ficha en RottenTomatoes (en inglés)
• Ficha en AllMovie (en inglés)