Nervio vago , a enciclopedia libre

Orixínase no bulbo raquídeo e atravesa o burato xugular do occipital. Descende polo pescozo xunto coa arteria carótide interna na parte superior e coa arteria carótide común na parte inferior; e coa vea xugular interna, constituíndo o paquete vasculo-nervioso do pescozo. Este paquete viaxa cuberto pola parte fonda do músculo esternocleidomastoideo. Acompaña á carótide ata o arco aórtico. Sérvese da aorta e chega ás vísceras torácicas e abdominais, agás a parte final do intestino groso.

Tres núcleos do troncoencéfalo asociados:

• Núcleo motor dorsal do vago
• Núcleo do tracto solitario
• Núcleo ambiguo

• Nervio auricular
• Rama farínxea
• Nervio larínxeo superior
• Plexo cardíaco
• Nervio recorrente larínxeo
• Ramos para o plexo pulmonar
• Plexo esofáxico

Xunto coa aorta e outros vasos chega a:

• Corazón, sinaptando co plexo coronario.
• Traquea e o músculo liso bronquial
• Esófago
• Estómago
• Intestino delgado e case todo o groso
• Glándulas suprarrenais

• Músculo crico-tiroide
• Elevador da úvula
• Músculo palatogloso
• Constritores da farinxe
• Músculos superiores la larinxe

• Sensitiva: recolle a sensibilidade do terzo posterior da lingua e parte superior da farinxe
• Sensitiva: recolle información da trompa de Eustaquio e do oído medio
• Motora: move os músculos anteriormente enunciados
• Motora: produce descenso do ritmo cardíaco. Apenas inflúe na forza de contracción coronaria
• Mixta: acción sobre as vísceras abdominais: movementos das mesmas, regulación da liberación de diversas substancias, tales como a propia insulina, a colecistoquinina ou secretina. É unha acción mediada por acetilcolina.