Pokémon Sword e Shield , a enciclopedia libre

Pokémon Sword (en xaponés: ポケットモンスター ソード, Poketto Monsutā Sōdo) e Pokémon Shield (en xaponés: ポケットモンスター シールド, Poketto Monsutā Shīrudo) son dous videoxogos de rol de 2019 desenvolvidos por Game Freak e publicados por The Pokémon Company e Nintendo para a consola Nintendo Switch. Son os primeiros títulos da oitava xeración da serie de videoxogos de Pokémon e os segundos, despois de Pokémon: Let's Go, Pikachu! e Let's Go, Eevee!, lanzados para unha videoconsola caseira. Foron anunciados en febreiro de 2019, e Pokémon Sword e Shield distribuíronse internacionalmente o 15 de novembro de 2019.

Pokémon Sword e Shield
Tipo	dúo de versións dun videoxogo de Pokémon
Xénero artístico	videoxogo de rol
Modo de xogo	videoxogo para un xogador e videoxogo multixogador
Composto por  Pokémon Sword  Pokémon Shield  Pokémon Sword e Shield Expansion Pass
Autoría
Desenvolvedor	Game Freak
Actores de dobraxe Ikue Ōtani (Pikachu) Aoi Yūki (Eevee (pt) )
Temática
Ambientado en	Galar
Personaxes  Hop  Roxy  Sonia  Leon  Gloria
Publicación
Data publicación 15 de novembro de 2019
País orixe	Xapón
Editorial	Nintendo e The Pokémon Company
Distribuidor/a	Nintendo eShop
Formato de distribución	cartucho, distribución dixital e descarga dixital
Plataforma	Nintendo Switch
Parte da serie	Pokémon
Unidades vendidas 26720000 (31 de marzo de 2025) 26440000 (30 de setembro de 2024) 26350000 (30 de xuño de 2024) 26270000 (31 de marzo de 2024) 26170000 (31 de decembro de 2023) 26020000 (30 de setembro de 2023) 25920000 (30 de xuño de 2023) 25820000 (31 de marzo de 2023) 25680000 (7 de febreiro de 2023) 24500000 (30 de xuño de 2022) 24270000 (31 de marzo de 2022) 23900000 (31 de decembro de 2021) 22640000 (30 de setembro de 2021) 21850000 (30 de xuño de 2021) 16060000 (31 de decembro de 2019)
Puntuación crítica (21 de novembro de 2020)  80/100, OpenCritic (21 de novembro de 2020)  65%, OpenCritic
Premios
Premios (2020)  Premio ás mellores vendas nos Japan Game Awards
Clasificación
Clasificación	USK
Fontes e ligazóns
Páxina WEB	swordshield.pokemon.com
[ Wikidata ] [ C:Commons ]

O concepto de Sword e Shield comezou a desenvolverse inmediatamente despois de rematar a creación de Pokémon Sun e Moon en 2016, aínda que o proceso de produción non comezaría até setembro de 2017. Ó igual que nos títulos anteriores, os xogos xiran arredor da viaxe dun adestrador Pokémon que quere converterse no campión Pokémon, desta volta na nova rexión de Galar, que está baseada no Reino Unido. O principal obxectivo nos xogos é destronar o Campión da Liga Pokémon, Leon, nun torneo no que os líderes dos ximnasios e outros rivais tamén participarán. Ó mesmo tempo o xogador deberá lidar co Team Yell e a súa sinistra conspiración dentro da Liga. Sword e Shield introduce 81 novas especies Pokémon xunto con 13 formas rexionais de Pokémon xa coñecidos.