Sartego dos esposos , a enciclopedia libre

O sartego dos esposos (en italiano: sarcofago degli sposi), de finais do século VI a. e. c., é unha urna funeraria etrusca antropoide. Ten 1,14 metros de alto por 1,9 metros de longo e está feito de terracota, estando pintado antigamente.^[1] O sartego amosa unha parella casada reclinándose nun banquete na outra vida (nunha escena similar ás dos vasos gregos contemporáneos). Foi achado nunhas escavacións do século XIX na necrópole da Banditaccia de Cerveteri (a antiga Caere ).

Sartego dos esposos
Instancia de	sarcófago, obra escultórica e urna cinerária (pt)
Xénero artístico	grupo escultórico e etruscos
Cultura	Etruscos
Creador	valor descoñecido
Material usado	Terracota
Representa a parella half reclining (en) Simposio muller home kline
Datas
Data	-530 - -510
Data de creación	década de 520 a. C. e 530 a. C.
Dimensións
Altura	1140 mm
Lonxitude	1900 mm
Descuberta
Localización descuberta	Necrópole de Banditaccia, Cerveteri
Data descuberta	1881
Conservación
Localización	Museo Nacional Etrusco, Roma
Colección	Museo Nazionale Etrusco di Villa Giulia
[ Wikidata ] [ C:Commons ]

As facianas riseiras, os ollos en forma de améndoa e o cabelo longo trenzado, do mesmo xeito que a forma dos pés da cama, revelan influencias gregas. O marcado contraste entre os bustos de altorrelevo e as pernas algo esmagadas é tipicamente etrusco. O interese do artista etrusco centrouse na metade superior das figuras, e especialmente nas faces vibrantes e brazos xesticulantes.

Esta obra atópase exhibida no Museo Nacional Etrusco de Villa Giulia. É moi similar ao sartego de Cerveteri, e posibelmente ambas as obras foron realizadas polo mesmo artista. As dúas retratan o afecto entre un home e unha muller.