Solaris (sistema operativo) , a enciclopedia libre

Solaris (sistema operativo)
Instancia de	UNIX
Parte da serie	UNIX System V (pt)
Licenza	licenza de propiedade
Baseado en	UNIX System V (pt)
	Versións 11.4 SRU68 versión estábel (16 de abril de 2024); 11.4 SRU61 versión estábel (18 de setembro de 2023); 11.4 SRU57 versión estábel (25 de maio de 2023); 11.4 SRU67 versión estábel (19 de marzo de 2024); 11.4 (28 de agosto de 2018); 11.3 (26 de outubro de 2015); 11.4 SRU66 (23 de febreiro de 2024) ; ;
Produción
Formato de distribución	Compact Disc Read Only Memory
Características
Plataforma	SPARC, x86, x86-64, Intel Architecture e PowerPC
Linguaxe de programación	C e C++
Biblioteca de IU	Common Desktop Environment, OpenSolaris Desktop (pt) e GNOME
Datas e localizacións
Publicación	1991
Persoas e organizacións
Desenvolvedor	Sun Microsystems e Oracle Corporation
Contacto
Páxina WEB	oracle.com…
	[ Wikidata ] [ C:Commons ]

Solaris é un sistema operativo da empresa Sun Microsystems baseado inicialmente no sistema UNIX BSD da Universidade de Berkeley, da cal un dos fundadores da compañía foi programador nos seus tempos universitarios. Máis adiante incorporou funcionalidades do System V, converténdose practicamente nun sistema operativo baseado totalmente en System V. Quizais sexa un dos UNIX comerciais máis usados, principalmente no contorno Internet.

Historia

Realmente Solaris é unha evolución do anterior sistema da compañía SunOS, aínda que a transición non foi dunha versión para outra. No 1992 saíu a segunda versión de Solaris, que incorporou as funcionalidades do System V, polo que SunOS só tería sentido a partir dese momento como núcleo deste novo contorno operativo Solaris. Desta forma Solaris 2 contiña SunOS 5.0. Desde ese momento distínguese entre o núcleo do sistema operativo (SunOS), e o contorno operativo en xeral (Solaris), engadindolle outros paquetes como Apache ou DTrace. Como exemplo desta función, Solaris 8 contén SunOS 5.8.

Solaris funciona principalmente sobre a arquitectura SPARC en 32 e 64 bits (esta última coñecida como UltraSparc) da mesma compañía e sobre a arquitectura Intel, aínda que nesta última adoita usarse con fins didácticos, e escasamente en contornos de produción.

Proporcionou desde os primeiros momentos un excelente soporte para aplicacións de rede en protocolos IP, e foi o primeiro contorno onde se desenvolveu o sistema Java, onde segue tendo un excelente rendemento.

Funcionalidades

Proporciona practicamente todas as funcionalidades típicas dos sistemas UNIX en contorno servidor, como Sockets, Multitarefa, Threads, contorno de escritorio baseado en X-Window no que se inclúe diferentes escritorios como Open Look CDE ou máis recentemente Sun Java Desktop System, baseado en GNOME.

Nos últimos tempos a compañía puxo en marcha unha clara estratexia de achegamento entre Solaris e Linux desenvolvendo incluso produtos que permiten executar programas de Linux en Solaris.

Desde a versión 10 de Solaris, este distribúese de balde, baixo licenza CDDL aprobada pola OSI. E Sun fundou a comunidade OpenSolaris.

Véxase tamén

Outros artigos

Ligazóns externas

Solaris 10 - Páxina oficial de Solaris. (en inglés)
Solaris x86 - Páxina sobre Solaris en plataformas x86. (en inglés)
Open Solaris - Comunidade de Solaris (en inglés)