Torsten Frings , a enciclopedia libre

A súa carreira comeza na terceira división xermana, no Alemannia Aachen, e na tempada 1996-97 foi transferido ao Werder Bremen. Aquí ficou ata o ano 2002 xogando máis de 160 encontros de liga e anotando 15 goles.

Tras recibir varias ofertas optou polo Borussia Dortmund, co que foi titular habitualmente e amais xogou 12 encontros de Liga de Campións.

Ao remate da tempada 2003-04 contrátao o Bayern Múnic, onde xogou bastantes encontros, mais fóra da súa posición habitual, actuando de carrileiro na maioría dos encontros.

En xuño do 2004 volta ao Werder Bremen, onde fica ata o día de hoxe.

Frings foi un mediocampista versátil considerado por moitos coma o mellor da selección xermana xunta Michael Ballack e Miroslav Klose. Podía xogar en calquera posto do medio aínda que el prefería a posición de medio defensivo, con certa liberdade para incorporarse ao ataque cando a situación o precisase.

Frings anotou o cuarto gol de alemaña na vitoria 4-2 contra Costa Rica, un potente disparo dende máis de 30 metros que rematou na escuadra esquerda do porteiro costaricense.

No encontro contra a Arxentina, que rematou con vitoria xermana nos penaltis, Frings viuse envolto na tangana que se formou á finalización do partido. Isto acarreoulle dous encontros de sanción e non puido disputa-la semifinal contra a Italia. Alemaña perdeu 2-1 na prórroga.

• Páxina Oficial (en alemán)
• Frings na web do Werder (en inglés)