Trabant , a enciclopedia libre

O Trabant é un automóbil de baixo custo producido polo fabricante VEB Sachsenring Automobilwerke Zwickau, en Saxonia, dende 1957 até 1991. Foi, no seu tempo, o vehículo máis común na República Democrática Alemá, sendo tamén exportado a outros países, mesmo fóra do bloque comunista.

Trabant
Fabricante	VEB Sachsenring
País	Alemaña
Outros nomes	Trabbi
Período	1957  ╴1991
Produción	3.7 millóns producidos
Configuración
Carrozaría	Sedán de 2 portas
Configuración	Motor transversal dianteiro, tracción dianteira
Tren motriz
Motor	499 cc (1957–1962) 594 cc (1962–1990)
Dimensións
Distancia eixes	2020 mm
Lonxitude	3360 mm
Anchura	1500 mm
Cronoloxía
← AWZ P70
[ Wikidata ] [ G:Commons ] [ C:Commons ]

A súa carrocería era de fenoplast (resina fenólica) e o seu motor, de dous cilindros a dous tempos. Contaba con espazo para catro adultos e equipaxe; era compacto, lixeiro e duradeiro.

Dos poucos modelos de automóbiles aos que os alemáns do leste tiñan acceso, o Trabant era o máis barato (uns 10.000 marcos orientais). Para adquirir legalmente un Trabant había que apuntarse nunha lista e esperar até 10 anos, senón, acudir ao mercado negro.

O nome Trabant significa en alemán "satélite"; popularmente chamábaselle Trabbi.

Deixou de fabricarse en 1991, despois de que a súa produción se volvese insostible e comezase a depender de subsidios do goberno alemán.