Reservoir Dogs , a enciclopedia libre

Reservoir Dogs é un filme estadounidense dirixido por Quentin Tarantino que se estreou en 1992. Pertence ó xénero neo-noir e suspense e conta os eventos anteriores e posteriores dun roubo de diamantes errado. Foi o primeiro filme do director e guionista Quentin Tarantino, e está protagonizado por Harvey Keitel, Tim Roth, Steve Buscemi, Chris Penn, Lawrence Tierney e Michael Madsen. Tarantino e Edward Bunker teñen papeis menores no filme. Incorpora moitos temas que se converteron en sinais de identidade do cine violento de Tarantino, como referencias da cultura popular, linguaxe vulgar e a narrativa non lineal.

Reservoir Dogs
Tipo	filme
Xénero artístico	cinema de asaltos, filme con analepse, cinema dramático, filme sobre crime, filme de suspense, cinema de gánsteres, cinema policial de suspense e cinema de drama policial
Lingua orixinal	lingua inglesa
Autoría
Director/a	Quentin Tarantino
Guionista	Quentin Tarantino
Director/a fotografía	Andrzej Sekuła (pt)
Editor/a de cine	Sally Menke
Actores Steve Buscemi (Mr. Pink (en) ) Lawrence Tierney (Joe Cabot (en) ) Lawrence Bender Kirk Baltz Harvey Keitel Steven Wright (pt) Randy Brooks (pt) Edward Bunker Quentin Tarantino Michael Madsen Burr Steers (pt) Tim Roth Chris Penn David Steen (pt)
Temática
Ambientado en	Os Ánxeles
Obra derivada  Rezervoir Doggs
Publicación
Data publicación 23 de outubro de 1992 (Estados Unidos de América) 10 de setembro de 1992 (Alemaña)
País orixe	Estados Unidos de América
Produtor/a	Lawrence Bender e Harvey Keitel
Produtor/a executivo	Monte Hellman, Richard N. Gladstein (pt) e Ronna B. Wallace (en)
Compañía produtora	Artisan Entertainment
Distribuidor/a	Miramax
Recadación	2.913.644 $ e 2.832.029 $
Custo	1.200.000 $
Puntuación crítica (16 de xuño de 2025)  81/100, Metacritic (29 de novembro de 2022)  90%, Rotten Tomatoes (5 de outubro de 2021)  8.9/10, Rotten Tomatoes
Dimensións
Duración	1 hora e 39 minutos
Localización
Localización rodaxe	Os Ánxeles
Clasificación
Contacto
Páxina WEB	miramax.com…
Redes
[ Wikidata ] [ C:Commons ]

O filme converteuse nun clásico de culto do cine independente.^[1] Foi chamado o "Meirande Filme Independente de Tódolos Tempos" pola revista Empire. Reservoir Dogs foi polo xeral ben recibida, e o elenco de actores foi eloxiado por moitos críticos. Malia que non tivo moita promoción na súa estrea, tivo un éxito modesto nos Estados Unidos despois de recadar $2 832 029 sobre un orzamento de $1,2 millóns. Tivo máis éxito no Reino Unido, recadando preto de £6,5 millóns, acadando aínda máis popularidade despois do seguinte filme de Tarantino, Pulp Fiction. A banda sonora, titulada Reservoir Dogs: The Original Motion Picture Soundtrack, foi lanzada coas cancións empregadas no filme, que pertencen na súa maioría á década de 1970.