Castro da Peneda , a enciclopedia libre

Castro da Peneda
Tipo	castro
Conservación	Regular
Datas
Ocupación	Idade de Ferro
Localización
	42°19′38″N 8°35′26″O / 42.3272426, -8.59068193
Estado	España
Comunidade autónoma	Galicia
Provincia	provincia de Pontevedra
Concello	Redondela
Parroquia	O Viso
Localización	monte da Peneda
Patrimonio cultural
Id. catálogo	GA36053001
Contacto
Redes
	[ Wikidata ]

O Castro da Peneda é un sitio arqueolóxico como resultado do asentamento da cultura castrexa en Galicia. Está situado na parroquia redondelá do Viso.

O estado de conservación é ruinoso. Apenas se atopan restos da súa muralla e de tres vivendas circulares. Posteriormente na localización do castro construíronse outros edificios como o castelo de Castrizán, do que hoxe só se conservan restos da muralla; ou a capela da Virxe das Neves, que se conserva relativamente ben.

Descrición

A muralla arrodea o castro percorre paralela á estrada que sube ao monte da Peneda. Da muralla apenas se conservan algúns tramos e está formada por pedras de orixe granítica. Consta de dúas fileiras de pedras de gran tamaño e separadas por uns centímetros entre si. Entre ambas filas está recheo de pedras menores e terra.^[1]

Ademais da muralla, consérvanse tres vivendas circulares de 3,30, 3,60 e 4,60 metros de diámetro.

Tamén, por último, consérvanse restos do que puido ter sido unha mina.

Obxectos

No Museo de Pontevedra exhíbense diversos obxectos atopados en escavacións do castro. Entre elas destacan un caldeiro de bronce e varios utensilios de cociña (coitelos, alfinetes, fibelas), machadas, muíños e varios obxectos de cerámica.^[2]

Notas

↑ Castro da Peneda na páxina web colaborativa Patrimonio Galego.
↑ Couñago, Xosé. Elementos da prehistoria de Redondela.

Véxase tamén

Outros artigos

[1] Castro da Peneda na páxina web colaborativa Patrimonio Galego.

[2] Couñago, Xosé. Elementos da prehistoria de Redondela.

[1]

[2]